ជីវិតកម្សាន្ដ

មូល សុវណ្ណគីរី ចូលសាងផ្នួសភ្លាមៗ ខណៈឪពុកកំពុងធ្លាក់ខ្លួនឈឺធ្ងន់

បានផុស

៣ years មុន

នៅ

ថ្ងៃអង្គារ ១៥ មីនា ២០២២

ដោយ

អតីត Freshie Boy ចំណាត់ថ្នាក់លេខ ២ ជំនាន់ទី ៥ អំឡុងឆ្នាំ ២០០៦ លោក មូល សុវណ្ណគីរី បានសម្រេចចូលសាងផ្នួសភ្លាមៗនៅវត្តព្រែកព្នៅ បង្កការភ្ញាក់ផ្អើលដល់អ្នកគាំទ្រនិងមិត្តភក្តិក្នុងរង្វង់សិល្ប´។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសម្រេចចិត្តសាងផ្នួសទាំងតក់ក្រហល់របស់តារាប្រុសរូបសង្ហាលោក មូល សុវណ្ណគីរី នេះត្រូវបានអ្នកគាំទ្រនិងនិយមតាមដានបណ្តាញសង្គមមួយចំនួនពិសេសមិត្តភក្តិ នៅក្នុងហ្វេសប៊ុករបស់លោក មូល សុវណ្ណគីរី ច្បាស់ហើយថាហេតុផលដែលធ្វើឱ្យលោកសម្រេចចិត្តកោរសក់សាងផ្នួសដើរផ្លូវព្រះធម៌បែបនេះ គឺដោយសារលោកឪពុកជាទីស្រលាញ់បានធ្លាក់ខ្លួនឈឺធ្ងន់ គួរឲ្យបារម្ភ។

ប្រភពព័ត៌មានបានបញ្ជាក់មកថាលោកឪពុកលោក មូល សុវណ្ណគីរីពេលនេះកំពុងស្ថិតនៅក្នុងសភាពដាក់ខ្យល់អុកស៊ីហ្សែន និងត្រូវបានបញ្ជូនទៅស្នាក់នៅក្នុងព្រះវិហារ ក្រោយពីបញ្ជូនលោកចេញពីមន្ទីរពេទ្យ។ ដោយឡែកបើតាមការឲ្យដឹងបន្ថែមពីបងស្រីបង្កើតរបស់លោក មូល សុវណ្ណគីរី លើកឡើងថា ការសាងព្រះផ្នួសរបស់លោក មូល សុវណ្ណគីរី គឺធ្វើឡើងដើម្បីធ្វើសង្ឃទាន(សុំសីល)ជូនលោក ឪពុក។

បន្ទាប់ពីបានឃើញនូវរូបភាព និងទិដ្ឋភាពជាច្រើនបង្ហាញពីស្ថានភាពរបស់លោកឪពុកតារាប្រុសលោ ក មូល សុវណ្ណគីរី ដែលត្រូវបានបង្ហោះឡើងលើគណនីហ្វេសប៊ុកផ្ទាល់ខ្លួននោះ គឺមានមហាជន និងអ្នកគាំទ្រមួយចំនួនធំបានបង្ហាញអារម្មណ៍រន្ធត់ និងបន់ស្រន់សូមឲ្យព្រះតាមជួយថែរក្សាលោកឪពុករបស់លោក មូល សុវណ្ណគីរី បានធូរស្បើយផងដែរ៕

អត្ថបទ៖ ចាន់រ៉ា