ជីវិតកម្សាន្ដ

រ៉េត ស៊ូហ្សាណា ចង់វិលទៅរកអតីតកាល ខណៈអ្នកគាំទ្រលើកទឹកចិត្តគ្រប់គ្នា

បានផុស

៤ years មុន

នៅ

ថ្ងៃចន្ទ ១៤ ធ្នូ ២០២០

ដោយ

តារាចម្រៀងនិងអតីតបេក្ខនារីប្រឡងកម្មវិធីលំដាប់ថ្នាក់ពិភពលោកកញ្ញា រ៉េត ស៊ូហ្សាណា ស្របពេលដែលអាជីពសិល្បៈទទួលបានការគាំទ្រ និងមានប្រជាប្រិយភាពលើទីផ្សារចម្រៀងកាន់តែច្រើននោះ ឃើញថារូបសម្ផស្សតារាវ័យក្មេងរូបនេះ កាន់តែប្រែប្រួលស្រស់ស្អាតខ្លាំង ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមគ្នានេះដែរ បើគិតមកដល់ពេលបច្ចុប្បន្ន រ៉េត ស៊ូហ្សាណា ក៏មានអាយុពេញវ័យគួរឲ្យស្រលា ញ់មិនចាញ់តារាស្រីៗរៀមច្បងឯទៀតឡើយ។ យ៉ាងណាមិញកាន់តែឈានដល់វ័យកាន់តែពេញរូបពេញរៀង ក៏ស្រាប់តែ ស៊ូហ្សាណា បែរជាប្រកាសខ្លួនចង់វិលទៅរករឿងអតីតកាលវិញ។

ជាក់ស្តែងតារាស្រីកញ្ញា រ៉េត ស៊ូហ្សាណា បានលើកឡើងដូច្នេះថា កាលពីនៅក្មេងនឹកស្រមៃចង់ចាស់ដល់ពេលធំឡើង ចង់ត្រឡប់ពេលវេលាទៅក្មេងវិញ ព្រោះពេលនៅក្មេងមិនត្រូវគិតច្រើនដឹងតែសប្បាយ ភ្លេចខ្លួនៗឆ្នាំក្រោយអាយុ២១ឆ្នាំឲ្យគត់។ ក្រោយពីមានការលើកឡើងនេះ ក៏មានមហាជននិងអ្នកគាំទ្រជាច្រើន បានបង្ហាញការលើកទឹកចិត្តនិងសរសើរថា នាងជាក្មេងល្អគួរឲ្យស្រលាញ់។

ហ្សាណា ជាក្មេងល្អសុភាពចិត្តធ្ងន់ខំធ្វើការខំរៀនលំបាក ហើយតែកុំគិតច្រើនពេកត្រូវខំរៀនឲ្យចប់ណាស៊ូៗឡើង ហ្សាណា នៅក្មេងណាស់តែរៀនបានច្រើនសុំសរសើរ អ្នកខ្លះគេអាយុច្រើនជាង ហ្សាណា តែរៀនបានតិច អញ្ចឹងកុំពិបាកចិត្តត្រូវតស៊ូៗសូមឲ្យហ្សាណាជួបតែមនុស្សល្អៗ ប្រាថ្នាការងារអ្វីៗបានសម្រេចដូចបំណង អំពើល្អមិនសាបសូន្យ។ នេះជាសំណេររបស់អ្នកគាំទ្រលើកទឹកចិត្ត រ៉េត ស៊ូហ្សាណា៕