ជារឿងខកចិត្ត បវរកញ្ញាម្ចាស់ផ្ទះ ៣រូប មិនអាចឈានជើងចូលសូម្បីវគ្គកំពូលទាំង១០

ថ្វីត្បិតតែមានឱកាសក្នុងការតំណាងប្រទេសធ្វើជាម្ចាស់ផ្ទះ ប៉ុន្តែបវរកញ្ញា កម្មវិធីសម្រស់ ប៉ុន្មានខាងក្រោម មិនអាចដណ្តើមបានតំណែងម្ចាស់ជយលាភីដូចការរំពឹងទុក ឬសូម្បីតែវគ្គ Top10 ក៏គ្មានឱកាសឈានជើងចូលដែរ។

ក្រោយកម្មវិធីប្រកួតសម្រស់​ Miss World 2021 បានបញ្ចប់ទៅកាលពីប៉ុន្មានថ្ងៃមុននេះ អ្នកនិយមលេងអ៊ីនធឺណិតជាច្រើន នាំគ្នាជជែកវែកញែករឿងបវរកញ្ញាពិភពលោកតំណាងរបស់ប្រទេស ព័រតូរីកូ មិនអាចឈានដល់កំពូលទាំង ១៣ ក្នុងការប្រកួតបវរកញ្ញាពិភពលោក ឆ្នាំ២០២១។

ក្នុងនាមជាអ្នកតំណាងធ្វើជាម្ចាស់ផ្ទះ បវរកញ្ញាពិភពលោក ឆ្នាំ២០២១ បេក្ខនារីជនជាតិព័រតូរីកា Aryam Diaz Rosado ត្រូវបានគេព្យាករណ៍ថា នឹងចូលទៅក្នុងបេក្ខនារីកំពូលទាំង ១៣នាក់ចុងក្រោយ។ ផ្ទុយទៅវិញ បវរកញ្ញាពិភពលោក​រូប​នេះ​ មិនទទួលជោគជ័យតាមការរំពឹងទុកឡើយ។ ជាលទ្ធផល Miss World ទាំង ១៣នាក់ចុងក្រោយ រួមមាន បវរកញ្ញាតំណាងមកពីប្រទេសវៀតណាម ម៉ិកស៊ិក អៀរឡង់ ហ្វីលីពីន ប៉ូឡូញ សូម៉ាលី សហរដ្ឋអាមេរិក កូឡុំប៊ី សាធារណរដ្ឋឆេក បារាំង ឥណ្ឌា ឥណ្ឌូនេស៊ី និងកូតឌីវ័រ។

កន្លងមក ​ក្នុង​ប្រវត្តិសាស្ត្រ​នៃ​ការ​ប្រកួត​បវរកញ្ញា​ពិភពលោក ប្រទេស ព័រតូរីកូ បាន​ឈ្នះ​មកុដ​​ពីរដង​កហើយ។ មិនត្រឹមតែប៉ុណ្ណោះ ព័រតូរីកូ ក៏ជាប្រទេសដំបូងគេ ដែលឈ្នះបានមកុដបវរកញ្ញាទាំងអស់ នៃការប្រកួតសម្រស់ដ៏ធំបំផុតទាំង ៥ នៅលើភពផែនដី។ ក្នុង​នោះ​រួម​មាន Miss World, Miss Grand International និង Miss International ។

ប៉ុន្តែលើកនេះ ប្រទេស ព័រតូរីកូ បានធ្លាក់កូដយ៉ាងខ្លាំង។ យ៉ាងណាមិញ ក្រៅពីប្រទេស ព័រតូរីកូ បរាជ័យនៅឆ្នាំនេះ បវរកញ្ញាកម្មវិធីសម្រស់ ២ ប្រទេសផ្សេងទៀត ក៏មិនទទួលបានជោគជ័យដែរ ទោះបីខ្លួនជាម្ចាស់ផ្ទះយ៉ាងណាក្ដី។

បវរកញ្ញា ប្រទេស​ថៃ ​​កម្មវិធី Miss Grand International 2021

នៅឆ្នាំ ២០២១ ការប្រឡងប្រជែងសម្រស់ និងសមត្ថភាព Miss Grand International បានប្រព្រឹត្តទៅនៅប្រទេសថៃ និងបានទាក់ទាញទស្សនិកជនយ៉ាងច្រើនពីជុំវិញពិភពលោក។ អ្វីដែលធ្វើឱ្យអ្នកគាំទ្រវិស័យសម្រស់ភ្ញាក់ផ្អើល ជាពិសេសទស្សនិកជនថៃខកចិត្ត នោះគឺថា តំណាងនៃប្រទេសម្ចាស់ផ្ទះ បវរកញ្ញា Indy Johnson មិនបានឈានដល់វគ្គកំពូលទាំង ២០នាក់នោះទេ។ ជា​លទ្ធផល​តំណាង​ប្រទេស​វៀតណាមបាន​ឈ្នះ​មកុដនៅឆ្នាំនោះ។

បវរកញ្ញា ប្រទេសអ៊ីស្រាអែល កម្មវិធី Miss Universe 2021

នៅ​ឆ្នាំ​២០២១ ដដែលនេះ មកុដ​បវរកញ្ញា​ចក្រវាល​បាន​រក​ឃើញ​ម្ចាស់​ថ្មី ប៉ុន្តែ​មិន​មែន​ជា​តំណាង​ប្រទេស​ម្ចាស់​ផ្ទះ​អ៊ីស្រាអែល​ឡើយ។ ​ជាអកុសល កំលុងពេលនោះ បវរកញ្ញា Noa Cochva បាន​ដួល​សន្លប់ រហូតនាង​មិន​អាច​ឡើង​ដល់​កំពូល​ទាំង​ ២០​បាន​ បើ​ទោះ​ខ្លួនជាម្ចាស់ផ្ទះដែលមាន​ប្រៀប​ច្រើន​ក៏​ដោយ។

ចំណែកម្ចាស់គ្រងមកុដ បវរកញ្ញាចក្រវាល ឆ្នាំ២០២១ បានទៅលើស្រីស្អាតមកពីប្រទេសឥណ្ឌា កញ្ញា Harnaaz Sandhu។

​​​​ឆ្នាំ២០២១ បវរកញ្ញា​ប្រទេស​ម្ចាស់​ផ្ទះ​បវរកញ្ញា​ មិន​ទទួល​បាន​សមិទ្ធផល​គួរ​ឲ្យ​ចាប់​អារម្មណ៍​នោះ​ទេ។ ពួកគេមិនអាចសូម្បីតែឈានដល់កំពូល Top10 ឬ Top12 នៅទីបញ្ចប់។ ជាការពិត លទ្ធផលនេះអាស្រ័យទៅលើកត្តាជាច្រើន ប៉ុន្តែដោយសារតែពួកគេធ្វើជាម្ចាស់ផ្ទះ ទើបធ្វើឲ្យអ្នកគាំទ្រវិស័យសម្រស់មិនតិចនាក់ខកចិត្តចំពោះពួកគេ។

ចុះ​ប្រិយមិត្តវិញ​យល់​យ៉ាង​ណា​ដែរ​ ចំពោះ​បវរកញ្ញាទាំង​នេះ?

ប្រែសម្រួល៖ សន្យា

ចុចអាន៖ តាមពិតបវរកញ្ញាចក្រវាលឡើងគីឡូស្រឺតៗ ដោយសារនាងកំពុងព្យាបាលជំងឺមួយ