មិននឹកស្មាន ផល វឌ្ឍនៈ មានកូនស្រីដល់ទៅ ២ នាក់ អាចច្រៀងបានយ៉ាងពីរោះ

ក្មេងស្រី ២ នាក់បងប្អូន ដែលតែងតែច្រៀងចម្រៀង Cover ជាច្រើនបទ និងទទួលបានការកោតសរសើរពីទឹកដមសំឡេង ជាពិសេសការប្រើប្រាស់ភាសាអង់គ្លេសបានយ៉ាងល្អ តាមការពិតនោះគឺជាកូនស្រីរបស់លោក ផល វឌ្ឍនៈ។

លោកអ្នកគ្រប់គ្នាប្រហែលជាធ្លាប់បានស្ដាប់បទចម្រៀង ” ខ្ញុំជឿ ” ច្រៀងដោយ កញ្ញា តន់ ច័ន្ទសីម៉ា, ” ឲ្យអត់ស្រឡះទៅ ” ច្រៀងដោយ លោក ខេម និងអ្នកនាង មាស សុខសោភា, ” យ៉ាងណាក៏អូនជាសង្សារគេ ” ច្រៀងដោយ កញ្ញា លាង សុផាឡែន នឹងមានបទចម្រៀង និងសាច់ភ្លេងល្បីៗជាច្រើនដែលជាស្នាដៃរបស់លោក ផល វឌ្ឍនៈ។ ក្នុងការដើរលើវិថីសិល្បៈតែងនិពន្ធ និងផលិតតន្ដ្រីអស់រយៈពេលជាង ១៦ ឆ្នាំ លោក ផល វឌ្ឍនៈ ក៏បានរៀបអាពាហ៍ពិពាហ៍ជាមួយភរិយា ហើយបានបន្សល់ទុកចំណងដៃកូនស្រី ២ គ្រាប់។

ទន្ទឹមនឹងនេះ កូនស្រីទាំង ២ របស់អ្នកនិពន្ធ និងអ្នកផលិតតន្រ្ដីរូបនេះ ក៏មានដុងសិល្បៈកាត់តាមឪពុករបស់ខ្លួនដែរ ទោះបីជំនាញខុសគ្នាក៏ដោយ។ លើសពីនេះទៅទៀត ក្រោមការវឹកហាត់ និងនិស្ស័យពីកំណើតឈាមជ័រជាអ្នកសិល្បៈ កូនស្រីរបស់លោកមានសមត្ថភាពច្រៀងមិនធម្មតា ជាពិសេសច្រៀងជាភាសាអង់គ្លេស។

តាមរយៈការបង្ហោះចម្រៀងជាច្រើននៅលើបណ្ដាញសង្គមយូធូបដែលមានឈ្មោះថា Monique Coco កំពុងទទួលបានការចាប់អារម្មណ៍ជាមួយទឹកដមសំឡេង និងការប្រើប្រាស់ភាសាអង់គ្លេសដ៏ល្អរបស់ពួកគេទាំងពីរ ជាពិសេសក្មេងស្រីទាំងពីរក៏ត្រូវជាកូនរបស់លោក ផល វឌ្ឍនៈ ផងដែរ៕

សូមអញ្ជើញទស្សនាចម្រៀងរបស់កូនស្រីលោក ផល វឌ្ឍនៈ

អត្ថបទ៖ ផានិត