ជីវិតកម្សាន្ដ

វី ឌីណែត នៅតែមិនទាន់កាត់ចិត្តក្រោយម្តាយចែកឋាន ១ ឆ្នាំ

បានផុស

៣ years មុន

នៅ

ថ្ងៃព្រហស្បតិ៍ ២៤ មីនា ២០២២

ដោយ

តារាចម្រៀងស្រី កញ្ញា វី ឌីណែត និងក្រុមគ្រួសារថ្មីៗនេះ បានរៀបចំពិធីបុណ្យគម្រប់ខួបឆ្នាំ ដើម្បីឧទ្ទិសកុសលជូនចំពោះអ្នកម្តាយជាទីស្រលាញ់ ដែលបានចែកឋានទៅយ៉ាងសោកស្តាយ និងស្រណោះអាល័យបំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្វីត្បិតតែពេលនេះអ្នកម្តាយជាទីស្រលាញ់របស់កញ្ញា វី ឌីណែត នឹងត្រូវជាភរិយារបស់លោកគ្រូ ហួរ ឡាវី បានលាចាកឆ្ងាយពីគ្រួសារមានរយៈពេល ១ ឆ្នាំហើយពិតមែន ប៉ុន្តែសម្រាប់ទំហំទឹកចិត្តនៃការនឹកស្រលាញ់របស់កូនៗក៏ដូចជាក្រុមគ្រួសារទាំងមូលនៅមិនទាន់បំភ្លេចបានឡើយ។

ជាក់ស្តែងតារាចម្រៀង វី ឌីណែត កាលពីព្រលប់ថ្ងៃទី ២៣ ខែមីនា ឆ្នាំ ២០២២ ម្សិលមិញនាងបានបង្ហោះវីដេអូភ្ជាប់ការរៀបរាប់ដូច្នេះថា ម៉ាក់ហា ពេលនេះម៉ាក់បានមកកន្លែងម៉ាក់ចង់មកហើយកូនបានបំពេញបំណងម៉ាក់ហើយ សូមវិញ្ញាណក្ខន្ធម៉ាក់ទៅដល់ទីស្ងប់សុខចុះកូននឹកម៉ាក់។

វី ឌីណែត និយាយទៀតថា មួយឆ្នាំហើយដែលម៉ាក់ទៅចោលកូនៗនឹងស្វាមី។ ម៉ាក់ទៅហើយគ្មានថ្ងៃត្រឡប់ម៉ាក់ទៅដោយគ្មានធម៌អាថ៌ជាប់ខ្លួនម៉ាក់ទៅដោយមិនឲ្យកូនឃើញមុខលើកចុងក្រោយ។សូមឲ្យផលបុណ្យទាំងឡាយដែលកូនបានធ្វើ បានដល់អ្នកម្ដាយ ងួន សុផានី សូមឲ្យអ្នកម្ដាយបានដល់នូវសេចក្ដីសុខចុះ។

គួររម្លឹកថា កាលពី ១ ឆ្នាំកន្លងទៅតារាចម្រៀងវ័យក្មេងកញ្ញា វី ឌីណែត និងក្រុមគ្រួសារបានជួបទុក្ខជាទម្ងន់ ព្រោះអ្នកម្ដាយជាទីស្រឡាញ់បានទទួលមរណភាពកាលពីថ្ងៃទី ១៩ ខែមីនា ឆ្នាំ ២០២១ ក្នុងជន្មាយុ ៦២ ឆ្នាំ ដោយសារតែជំងឺកូវីដ-១៩។ ការស្លាប់ម្តាយតារាស្រី វី ឌីណែត បានធ្វើឲ្យមហាជនមានការសោកស្តាយ និងចូលរួមរំលែកនូវមរណទុក្ខដ៏ក្រៀមក្រំនេះផងដែរ៕

អត្ថបទ៖ ចាន់រ៉ា