ជីវិតកម្សាន្ដ
ព្រាប សុវត្ថិ បញ្ជាក់ថា ករណីជម្លោះដីធ្លីនៅខេត្តមណ្ឌលគីរី មិនទាន់មានលទ្ធផលច្បាស់លាស់ទេ
គិតរហូតមកទល់ពេលនេះ ជុំវិញករណីនៃបញ្ហាជម្លោះដីធ្លីរវាងកំពូលតារាចម្រៀងលោក ព្រាប សុវត្ថិ និងលោក ម៉ៅ ធនារក្ស ជាសមាជិកក្រុមប្រឹក្សាខេត្តមណ្ឌលគិរី បានកំពុងដំណើរការដោះស្រាយ ប៉ុន្តែជាលទ្ធផលនៅមិនទាន់ទទួលបានច្បាស់លាស់នៅឡើយទេ។ នេះបើយោងតាមការសម្រង់សម្តីរបស់លោក ព្រាប សុវត្ថិ ថ្លែងប្រាប់ទៅលោក ហេង ឡុង។
លោក ហេង ឡុង ប្រធានសមាគមមិត្តសិល្បៈស្ម័គ្រចិត្តជួយសង្គម បានរៀបរាប់ខ្លឹមសារភ្ជាប់ជាមួយឃ្លីបវីដេអូថា ខ្ញុំបាទសូមគោរពជម្រាបជូនបងប្អូនសាធារណជន ឲ្យបានជ្រាបអំពីការវិវត្តថ្មីនៃជម្លោះដីធ្លីរវាងលោក ព្រាប សុវត្ថិ និងលោក ម៉ៅ ធនារក្ស ក្រុមប្រឹក្សាខេត្តមណ្ឌលគិរី។
លោកបានបញ្ជាក់ថា រយៈពេលកន្លងទៅនេះ ជំនួបរវាងលោក ព្រាប សុវត្ថិ និងជាមួយអាជ្ញាធរខេត្តមណ្ឌលគិរី ដោយលោក ព្រាប សុវត្ថិ បានបញ្ជាក់ថា ដោយសាររឿងនេះមានការសម្របសម្រួលដ៏ខ្ពង់ខ្ពស់ពីសំណាក់សម្តេចតេជោហ៊ុនសែនហេតុដូចនេះ អាជ្ញាធរខេត្តបានយកចិត្តទុកដាក់ដោះស្រាយការងារមួយចំនួន ប៉ុន្តែមិនទាន់បានលទ្ធផលច្បាស់លាស់នៅឡើយទេ។ ខណៈនេះលោក ព្រាប សុវត្ថិ និងម្តាយរបស់លោកកំពុងរង់ចាំលទ្ធផល។ លោក ព្រាប សុវត្ថិ និងក្រុមគ្រួសារ សូមគោរពថ្លែងអំណរគុណយ៉ាងជ្រាលជ្រៅបំផុត ចំពោះសម្តេចតេជោហ៊ុន សែននាយករដ្ឋមន្ត្រីនៃព្រះរាជាណាចក្រកម្ពុជា ដែលបានយកចិត្តទុកដាក់អំពីបញ្ហាជម្លោះខាងលើនេះ។
គួររម្លឹកថា កាលពីថ្ងៃទី២៤ ខែវិច្ឆិកា កន្លងទៅលោក ហេង ឡុង ក៏បានធ្វើការបង្ហាញព័ត៌មានយ៉ាងភ្ញាក់ ផ្អើលមួយពាក់ព័ន្ធកំពូលតារាចម្រៀងលោក ព្រាប សុវត្ថិ ដែលមានជម្លោះដីធ្លីជាមួយលោក ម៉ៅ ធនារក្ស ដែលបានបញ្ជាកូនចៅរបស់ខ្លួនឲ្យទៅវាយកម្ទេចរបងនិងឈូសឆាយលើដីរបស់លោកស្រី ផូ សំណាង ត្រូវជាម្ដាយរបស់លោក ព្រាប សុវត្ថិ ក្នុងបំណងរំលោភយកដីតែម្តង។
ចំពោះករណីនេះភាគីឈ្មោះ ផូ សំណាង បានដាក់ពាក្យបណ្តឹងសុំដីការក្សាការពារ ទៅសាលាដំបូងខេត្តមណ្ឌលគិរី កាលពីថ្ងៃទី២០ ខែវិច្ឆិកា ឆ្នាំ២០២០រួចហើយ ប៉ុន្តែរហូតមកដល់ពេលនេះ ភាគីជនរងគ្រោះមិនទាន់បានទទួលចំណាត់ការពីសាលាដំបូង លើពាក្យបណ្តឹងសុំដីការក្សាការពារនោះនៅឡើយទេ។ លោក ព្រាប សុវត្ថិ នៅព្រឹកថ្ងៃទី១៥ ខែធ្នូ ឆ្នាំ២០២០នេះមិនអាចស្វែងរកការបកស្រាយបន្ថែមនៅឡើយទេ ខណៈលោក ម៉ៅ ធនារក្ស ក៏មិនទាន់អាចទាក់ទង ដើម្បីសូមការសួរនាំបាននៅឡើយដែរ៕
អត្ថបទ៖ ចាន់រ៉ា
សូមចុចអាន៖ ផ្ទុះការគាំទ្រ ! គង់ ចាន់រដ្ឋា និងតារាកូនភ្លោះ ពួតដៃគ្នាចេញបទថ្មី មុខសញ្ញា អប់រំបញ្ហាគ្រឿងញៀន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត