តាមពិតឧទ្ធម្ភាគចក្រ ដែលប្រើថតក្នុងភាពយន្តហូលីវូដ Fast and Furious 9 ជារបស់ក្រុមហ៊ុនខ្មែរ (មានវីដេអូ)

ខ្សែភាពយន្តហូលីវូដ Fast and Furious 9 បញ្ចាំងចប់ជិតមួយឆ្នាំហើយ ទើបលេចធ្លាយរូបភាព និងវីដេអូឃ្លីប តាមពិតឧទ្ធម្ភាគចក្រ ដែលថតក្នុងភាពយន្តនេះ ជាឧត្ថម្ភភាគចក្ររបស់ក្រុមកូនខ្មែរសោះ។

យោងតាមប្រភពពី ហ្វេសប៊ុកផេករបស់ ក្រុមហ៊ុនឧទ្ធម្ភាគចក្រឯកជន Helistar កាលពីប៉ុន្មានថ្ងៃមុននេះ បានបង្ហោះរូបថតឈុតក្រៅឆាកចំនួន ៧សន្លឹក ​ព្រមទាំងវីដេអូឃ្លីបមួយ ដែលជាសកម្មភាពថតខ្សែភាពយន្តហូលីវូដ Fast and Furious 9 នៅឯប្រទេសថៃ។ ថ្វីត្បិតឈុតដែលបង្ហាញ មិនបានថតនៅទីតាំងណាមួយក្នុងប្រទេសកម្ពុជាក្ដី ប៉ុន្តែឧទ្ធម្ភាគចក្រដែលបានប្រើដើម្បីថតរឿង គឺជារបស់ក្រុមហ៊ុនខ្មែរ។

តាមរយៈរូបថត និងវីដេអូដែលបានបង្ហោះ ទស្សនិកខ្មែរមួយចំនួនបានសម្ដែងនូវការសរសើរ និងរីករាយជាខ្លាំង ខណៈក្រុមហ៊ុនខ្មែរយើង មានឱកាសលេចមុខក្នុងវិស័យហូលីវូដ។

គួរបញ្ជាក់ថា ខ្សែភាពយន្ត Fast and Furious 9 បានចុះថតនៅតាមបណ្ដាប្រទេសមួយចំនួននៅជុំវិញពិភពលោក ខណៈឈុតឆាកភាគច្រើនបង្ហាញពីការបាញ់ប្រហារគ្នាតាមរយៈឧទ្ធម្ភាគចក្រ និងរថយន្ត។ ក្នុងនោះមានឈុតមួយផលិតករបានចុះថតនៅប្រទេសថៃ ហើយឧទ្ធម្ភាគចក្រដែលពួកគេប្រើប្រាស់ គឺជាឧទ្ធម្ភាគចក្ររបស់ក្រុមហ៊ុន Helistar Cambodia៕

សូមទស្សនាវីដេអូ៖

អត្ថបទ៖ ​សន្យា

ចុចអាន៖ តារាស្រី ៥ ដួង លះបង់សិល្បៈ ស្រវាជំនួញអនឡាញ កើបលុយណែនដៃ