សឿ សុធារ៉ា ប្រកាសបែកផ្លូវគ្នាជាមួយ សាពូន មីដាដា

​តារា​សម្តែង​អ្នកនាង សឿ សុធា​រ៉ា អំឡុង​មួយ​រយៈ​នេះ​ហាក់​មានរឿង​រ៉ាវ​អាប់អួ​ផ្ទួនៗ​គ្នា​ទាំង​ជីវិត​ស្នេហា ​និង​រឿងរ៉ាវ​ជំពាក់​បំណុល​គេ​ជាដើម​។ ​ប៉ុន្តែអ្វីដែល​គេ​កាន់តែ​ចាប់អារម្មណ៍​ពេលនេះ ​គឺ សឿ សុធារ៉ា បានប្រកាស​ចែកផ្លូវ​គ្នា​ជាមួយ​ស្វាមី​លោក សាពូន មីដាដា។​

​យោងតាម​ខ្លឹមសារ​របស់​អ្នកនាង​សឿ សុធា​រ៉ា ដែលបាន​សរសេរ​រៀបរាប់​នៅលើ​បណ្តាញ​សង្គម​ហ្វេ​ស​ប៊ុ​ក​ដែលមាន​ឈ្មោះថា សឿ សុធា​រ៉ា ដូច្នេះ​ថា​ Good bye for 15years a go, and I’ll nevercome back to u​។​ សូម​បង​មេត្តា​រក្សា​សម្តី​ជា​កូនប្រុស​ដើមទ្រូង​ប្រាំ​ហាត់​“​ថា​ប្រគល់​កូនៗ​អូន​”​ទាំងពីរ​មកឲ្យ​អូន​មើលថែរក្សា​។​

​ដំណឹង​នេះ ​បានធ្វើ​ឲ្យ​មហាជន​អ្នកលេង​បណ្តាញ​សង្គម​ហ្វេ​ស​ប៊ុ​ក​ជាច្រើន​មានការ​ភ្ញាក់ផ្អើល​គ្រប់គ្នា​ក្រោយ​អ្នកនាង សឿ សុធា​រ៉ា​ បានប្រកាស​ជា​សា​ធារណៈ​អំពី​ចំណង​ស្នេហ៍​រយៈពេល​ ១៥​ ឆ្នាំ​របស់​នាង និង​លោក សាពូន មីដាដា ត្រូវ​ដើរ​ដល់​ផ្លូវបំបែក​នាពេលនេះ​។​

​គួ​ររម្លឹកថា​អ្នកនាង សឿ សុធា​រ៉ា​ និង​លោក សាពូន​មី ដា​ដា បានសម្រេច​ដឹក​ដៃ​គ្នា​ចូល​រោងការ​នៅ​អំឡុង​ឆ្នាំ​ ២០០៩ ​ដែល​ទទួលបាន​ចំណងដៃ​កូនស្រី​ច្បង​អាយុ​ ១១ ​ឆ្នាំ​ និង​កូនប្រុស​អាយុ​ជាង​ ៤ ​ឆ្នាំ​។​ប៉ុន្តែ​ឥ​ឡូវ​ស្រាប់តែ​ចំណងស្នេហា​នេះ ​ត្រូវ​ដើរ​ដល់​ផ្លូវបែក​បាក់​ទាំង​ភ្ញាក់ផ្អើល​៕

អត្ថបទ៖ ចាន់​រ៉ា​

​