ជីវិតកម្សាន្ដ

ពិធីការិនី វីតវីត កំពុងជាប់គាំងនៅអាមេរិកជាមួយម្តាយ

បានផុស

៣ years មុន

នៅ

ថ្ងៃអង្គារ ២៩ មីនា ២០២២

ដោយ

ពិធីការិនីសម្បូរវោហារស័ព្ទកញ្ញា វីតវីត បានទម្លាយអារម្មណ៍មិនសប្បាយចិត្ត និងថែមទាំងស្តីបន្ទោសចំពោះខ្លួនឯងថែមទៀត បន្ទាប់ពីនាងបញ្ចេញដំណឹងថា អ្នកម្តាយជាទីស្រលាញ់កំពុងធ្លាក់ខ្លួនឈឺធ្ងន់ នៅឯទឹកដីសហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបញ្ចេញអារម្មណ៍បែបនេះ ស្របពេលដែលនាង និងម្តាយបានធ្វើដំណើរកម្សាន្តទៅលេងសហរដ្ឋអាមេរិក។ ប៉ុន្តែពេលទៅដល់ម្តាយរបស់កញ្ញាវីដវីដ បែរជាមានជំងឺត្រូវចូលសង្គ្រោះបន្ទាន់នៅមន្ទីរពេទ្យមានរយៈពេល ១៥ ថ្ងៃទៅហើយ។ កញ្ញា វីតវីត បានប្រាប់ឲ្យដឹងថា ដំណើរនាងនិងម្តាយទៅអាមេរិកនេះ គឺដើម្បីទៅទេសចរណ៍ផង និងជួបបងស្រីដែលកំពុងរស់នៅទីនោះស្រាប់។

កញ្ញា វីតវីត បានបញ្ជាក់ឲ្យដឹងកាលពីម្សិលមិញថា បំណងនាង គឺនាំម្តាយទៅដើរលេងកម្សាន្តនៅអាមេរិកឲ្យសប្បាយតែបែរជាជួបរឿងក្រៀមក្រំបែបនេះ។ នាងថា ខ្ញុំនាំម៉ែមកដើរលេងអាមេរិកឲ្យម៉ែបានសប្បាយទោះខ្ញុំមិនចង់មកក៏ដោយ ព្រោះជាបំណងប្រាថ្នារបស់ម៉ែចង់មកលេងកូនស្រីបង តែតាំងពីមកដល់ម៉ែបែរជាត្រូវសង្គ្រោះបន្ទាន់ក្នុងមន្ទីរពេទ្យអាមេរិករហូតដល់ពេលនេះ ១៧ ថ្ងៃហើយ។

ពិធីការិនី វីតវីត បន្ថែមទៀតថា ទេសភាពដែលម៉ែបានឃើញត្រឹមបន្ទប់ ២ ម៉ែត្រ ក្នុងពេទ្យអ្វីក៏ម៉ែនៅមិនទាន់បានស្គាល់គ្រប់យ៉ាងជាកំហុសកូន។ កូនមើលថែម៉ែមិនបានដិតដល់មិនដឹងថ្ងៃណាម៉ែអាចចេញពីមន្ទីរពេទ្យ មិនដឹងថ្ងៃណាយើងអាចត្រលប់ទៅស្រុកខ្មែរវិញបានទេ៕