រឿងរ៉ាវហួសចិត្តមួយចំនួនធំ និងមិនអាចបំភ្លេចបាន ក្នុងប្រវត្តិសាស្ត្រពានរង្វាន់ Oscars

គេនៅចាំបានថា ពានរង្វាន់ Oscars ដំបូងបំផុត ត្រូវបានធ្វើឡើងនៅសណ្ឋាគារ Hollywood Roosevelt ក្នុងរដ្ឋកាលីហ្វ័រញ៉ា នាថ្ងៃ ១៦ ខែឧសភា ឆ្នាំ ១៩២៩ ក្រោមការ​ចូលរួមពី​សំណាក់​តារាល្បីៗ​ជាច្រើន។

ដូចគ្នានេះដែរ ​ក្នុងឆ្នាំ ​២០២២ នេះ​ ជា​ខួបលើកទី ៩៣ នៃ​ពានរង្វាន់ Oscars ដោយក្នុងនោះមាន​រឿងរ៉ាវ​ហួសចិត្ត​មួយចំនួន​ បានកើតឡើងក្នុងកម្មវិធីរាប់មិនចេះអស់ ចាប់តាំងពីបង្កើតឡើងដំបូងមក។

១ Will Smith បាន​ទះ​កំផ្លៀង Chris Rock

ជា​ពេលវេលាដែលធ្វើឲ្យមានការភ្ញាក់ផ្អើលបំផុតនៅឆ្នាំ​នេះ គឺនៅពេលដែល Will Smith ឡើង​ឆាក ​ហើយ​បាន​ទះ​មុខ​ពិធី​ករ Chris Rock មួយ​កំផ្លៀង​ ចំពោះ​ការ​និយាយ​លេង​សើច​អំពី​ភរិយា​របស់​លោក ​គឺនាង Jada Pinkett Smith ។

២ Jennifer Lawrence បានដួល

ខណៈ​នាង​​ដើរ​ឡើង​ទៅ​យកពានរង្វាន់ Osca នៅលើជណ្ដើរ Silver Linings Playbook JLaw នាងបានធ្លាក់​ពីលើ​ជណ្ដើរភ្លាមៗ។ ប៉ុន្តែ​យ៉ាងណាមិញ​ នាង​បែរ​ជា​មិន​អី​វិញ និងក្រោកមកធម្មតាវិញ។

៣ Neil Patrick Harris ស្លៀកខោក្នុងឡើងយកពាន

នៅថ្ងៃ​ដែល​លោក​​ទទួល​ពានរង្វាន់អូស្ការឆ្នាំ ២០១៥ Neil Patrick Harris បាន​​ដើរ​ចេញ​ពី​បន្ទប់​ស្លៀកពាក់​ទៅ​លើ​ឆាក ប៉ុន្តែ​ចៃដន្យ​ ឈុត​របស់លោក​ជាប់នឹងទ្វារ​ដកមិនចេញ។ ដោយសារ​មិន​ចង់​ឲ្យ​គេ​រង់ចាំ​យូរ​​ លោក​បាន​ដោះ​ឈុត​ចេញ​ពី​ខ្លួន​ ដោយ​ស្លៀក​តែ​ខោ​ក្នុង​ប៉ុណ្ណោះ ។

៤ ការ​ទះដៃ​ដ៏​ចំលែក​របស់ Nicole Kidman

បច្ចេកទេស​ទះដៃ​ដ៏​ចំលែក​របស់តារាស្រីរូបនេះ ​ត្រូវបានគេឃើញជុំវិញពិភពលោក ហើយ​មិន​យូរ​ប៉ុន្មាន​ក្រោយមក ​ក្នុង​ពេល​សម្ភាសន៍​ជាមួយ​កម្មវិធី​វិទ្យុ​អូស្ត្រាលី នាង​បាន​ពន្យល់​ថា ​នាង​ទះ​ដៃ​បែប​នោះ ​ព្រោះ​នាង​មិន​ចង់​ខូច​ពាក់ចិញ្ចៀន​របស់​នាងឡើយ។

៥ John Travolta ព្យាយាមធ្វើរឿងចម្លែកៗ

John Travolta ហាក់បី​ដូចជាមាន​ចេតនា​បង្កើតភាព​ច្របូក​នៅក្នុងកម្មវិធី Oscar ឆ្នាំ ២០១៤។ នៅពេល​ដែល​គាត់​បាន​ព្យាយាម​ថើប​អតីត​តារា​រួម​សម្តែង Scarlett Johansson នៅ​លើ​កម្រាលព្រំ​ក្រហម ​ដើម្បី​បង្កើត​រូបថត​ដ៏​ឆ្គង​មួយ ក្នុងកម្មវិធី។

៦ Chrissy Teigen កំពុងដេក

តារា​ម៉ូដែល និង​ម្ដាយ​កូន​ពីរ​​រូបនេះ ត្រូវ​បាន​គេ​ឃើញនាងដេក​នៅ​លើ​ស្មា​របស់​ស្វាមី John Legend ក្នុង​កម្មវិធី​ពាន​រង្វាន់ Academy Awards លើក​ទី ៨៩ ខណៈ​ដែល Casey Affleck បាន​ពានរង្វាន់​តារា​សម្ដែង​ល្អ​បំផុត​សម្រាប់​តួនាទី​របស់​គាត់​ នៅ​ក្នុង​ទីក្រុង Manchester by the Sea ។

៧ គណៈកម្មការ អានច្រឡំឈ្មោះអ្នកឈ្នះ

Oscars ២០១៧ ជាការបញ្ចប់ដ៏ចម្លែក បន្ទាប់ពីគេប្រកាសថាក្រុម La La Land បានឈ្នះពានរង្វាន់​សម្រាប់​រូបភាព​ល្អ​បំផុត ក្រោយមក​លោក Warren Beatty បាននាំយកតួសម្តែងនៅលើឆាក ហើយ​បន្ទាប់​ពីពួកគេ​ទាំងអស់គ្នា​ថ្លែង​សុន្ទរកថា ស្រាប់​តែ​គេ​ប្រកាសវិញ​​ MOONLIGHT បាន​ឈ្នះ​ពិត​ប្រាកដ។ នេះ​ជា​ពេលវេលា​ដ៏ចម្លែកបំផុត​ក្នុងប្រវត្តិសាស្ត្រអូស្ការ ហើយធ្វើឲ្យក្រុម La La Land ​កាន់តែ​មាន​អារម្មណ៍​មិនល្អឡើងមក។

៨ Ellen DeGeneres ក្លាយជាបុគ្គលល្បីខ្លាំង​ ដោយសារ​រូបថត

ទស្សនាវដ្ដី Time បានដាក់ឈ្មោះរូបថត Ellen DeGeneres ដែលថតនៅ Oscars ឆ្នាំ២០១៤​ ទៅ​ក្នុង​បញ្ជី​រូបភាព​ដែល​មាន​ឥទ្ធិពល​បំផុតទាំង ១០០ គ្រប់ពេលវេលា។​

ប្រែសម្រួល៖ សាង ស្រីល័ក្ខ

ចុចអាន៖ភ្ញាក់​ផ្អើល​ តារា​​សម្តែង​ Will Smith​ ទះ​​កំផ្លៀង​ពិធីករ​​​កណ្តាល​​ឆាក​​ពាន​​​ Oscars​ (មាន​វីដេអូ)

ចុចអាន៖តារាសម្ដែងថៃ ៨ រូប កើតចេញពីគ្រួសារមហាសេដ្ឋី