ជីវិតកម្សាន្ដ

Will Smith ឈប់សម្ដែងឲ្យហូលីវូដ ក្រោយរឿងអាស្រូវទះកំផ្លៀង Chris Rock

បានផុស

៣ years មុន

នៅ

ថ្ងៃសៅរ៍ ២ មេសា ២០២២

ដោយ

តារាសម្តែង Will Smith បានលាលែងពីបណ្ឌិត្យសភាសិល្បៈ និងវិទ្យាសាស្ត្រភាពយន្តរបស់ហូលីវូដ ដោយនិយាយថា ការទះកំផ្លៀងពិធីករ Chris Rock នៅលើឆាក ក្នុងពិធីប្រគល់ពានរង្វាន់ Oscar ឆ្នាំនេះគឺ រន្ធត់ ឈឺចាប់ និងមិនអាចលើកលែងបានឡើយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបាននិយាយនៅក្នុងសេចក្តីថ្លែងការណ៍មួយថា “ខ្ញុំបានក្បត់ការជឿទុកចិត្តរបស់បណ្ឌិតសភា។ ខ្ញុំបានដកបេក្ខភាពនិងអ្នកឈ្នះផ្សេងទៀត នៃឱកាសរបស់ពួកគេដើម្បីអបអរសាទរ និងត្រូវបានអបអរសាទរចំពោះការងារដ៏អស្ចារ្យរបស់ពួកគេ ខ្ញុំពិតជាខូចចិត្តណាស់។ ដូច្នេះខ្ញុំលាលែងពីសមាជិកភាព ក្នុងបណ្ឌិត្យសភាសិល្បៈនិងវិទ្យាសាស្ត្រភាពយន្ត ហើយនឹងទទួលយកផលវិបាកបន្ថែមទៀត ដែលក្រុមប្រឹក្សាភិបាលយល់ថាសមរម្យ ”។

លោក David Rubin ប្រធានសាលាភាពយន្តបាននិយាយកាលពីថ្ងៃសុក្រថា ក្រុមនេះបានទទួលយកការលាលែងពីតំណែងរបស់ Smith ប៉ុន្តែនឹងបន្តដំណើរការនីតិវិធីវិន័យ ដែលអាចនាំឲ្យមានការដាក់ទណ្ឌកម្មបន្ថែម។ បញ្ហានេះនឹងត្រូវលើកយកមកពិភាក្សាក្នុងកិច្ចប្រជុំក្រុមប្រឹក្សាភិបាល នៅថ្ងៃទី ១៨ ខែមេសា។

គួររំលឹកដែរថា នៅឯពិធីប្រគល់ពានរង្វាន់អូស្ការកាលពីថ្ងៃអាទិត្យមុន លោកបានឡើងលើឆាកភ្លាមៗ និងវាយ Rock មួយដៃ ក្រោយ Rock បាននិយាយលេងសើច អំពីការលេចមុខភរិយារបស់លោក ។ ប៉ុន្តែមិនដល់មួយម៉ោងក្រោយមក Will Smith បាននិយាយទាំងទឹកភ្នែកនៅលើឆាក នៅពេលដែលគាត់បានទទួលយកពានរង្វាន់តារាសម្ដែងល្អបំផុត៕

ប្រែសម្រួល៖ សាង ស្រីល័ក្ខ

ប្រភព៖CNA

ចុចអាន៖រឿងរ៉ាវហួសចិត្តមួយចំនួនធំ និងមិនអាចបំភ្លេចបាន ក្នុងប្រវត្តិសាស្ត្រពានរង្វាន់ Oscars

ចុចអាន៖ភ្ញាក់ផ្អើល តារាសម្តែង Will Smith ទះកំផ្លៀងពិធីករកណ្តាលឆាកពាន Oscars (មានវីដេអូ)