គួរឲ្យសរសើរ! អតីតគូស្នេហ៍ ថៃ ៦ គូ បែកបាក់គ្នាយូរហើយ តែចងមិត្តភាពដូចគ្រួសារតែមួយ

មាន​អតីត​គូស្នេហ៍​ច្រើន​ណាស់ ទោះ​បី​បែក​គ្នា​ក៏​ដោយ ប៉ុន្តែមិត្តភាពនៅតែល្អដូចដើម ទាំងអតីតមិត្តស្រី និងអតីតស្វាមី ដែលត្រូវបាន​មហាជន​ហៅថា fan មិនមែន Unfriend ។

យ៉ាងណាមិញ​ មាន​អ្នក​គាំទ្រ​​ជាច្រើនបាន​កោតសរសើរ​ពួកគេជា​ខ្លាំង រួមទាំង​គូស្នេហ៍​ផ្សេងទៀត ​ដែល​មហាជន​នៅ​តែ​ចង់​ឲ្យ​ពួកគេ​វិល​ត្រលប់​មកជួបគ្នា​វិញដ​ដែល។ ក្នុងនោះមានដូចជា៖

១ Toey Jarinporn និង Alex Rendell

បើទោះជាបានបែកបាក់គ្នា តាំងពីឆ្នាំ ២០១៦ មកម្ល៉េះ ប៉ុន្តែគេនៅតែ​ឃើញ​ចំណងមិត្តភាព​រវាង​គូស្នេហ៍ Toey Jarinporn និង Alex Rendell នៅតែរឹងមាំដូចមុន បើទោះជាស្ថានភាព​បាន​ផ្លាស់ប្ដូរ​ពី​ការ​រាប់អានគ្នា​ក៏ដោយ។ ប៉ុន្តែ​អ្នក​ទាំង​ពីរ​នៅ​តែ​ធ្វើ​ដំណើរ​លើ​ផ្លូវ​ដដែល។ ក្រៅពី​សម្ដែង គេនៅ​តែ​ឃើញ​អ្នក​ទាំង​ពីរ​ជា​អ្នក​ស្រលាញ់​ធម្មជាតិ​ដូច​គ្នា។ ពួកគេ​ជា​គូស្នេហ៍​ដែល​ដឹង​ចិត្ត​ ធ្វើ​សកម្មភាព​អភិរក្ស​ទាំង​ព្រៃ​និង​សមុទ្រ​ជាមួយ​គ្នា គាំទ្រគ្នារហូតមក ។

២​ ​Tai Chutima និង Tim Phitha

ដោយសារតែពួកគេមានគោលដៅដូចគ្នា ទោះបីលែងលះគ្នាក៏ដោយ តែគ្រួសារនឹងនៅជា​រៀងរហូត សម្រាប់គូស្នេហ៍​តារាសម្ដែង Tai Chutima និងអតីតស្វាមី Tim Phitha ដែល​ដើរតួជា​ឪពុកម្ដាយ​ដ៏ល្អរបស់កូនស្រី Nong Pipim ។ ពួកគេ​តែងតែបង្ហាញរូបភាពជាមួយ​គ្នា​យ៉ាងកក់ក្តៅ​ ចំពោះ​មុខ​កូនៗ ដោយ​បានចូលរួមថត​រូប​អបអរសាទរកូនស្រី Nong Pipim ដែលទើប​តែ​រៀន​ចប់​ថ្នាក់​មត្តេយ្យ។

៣ Manao Sornsilp និង Tong Kawin

អតីតគូស្នេហ៍តារាសម្ដែង Manao Sornsilp និងកីឡាករបាល់ទាត់ជម្រើសជាតិថៃ Tong Kawin បន្ទាប់ពីស្រលាញ់គ្នាអស់​ជាច្រើនឆ្នាំ មុន​នឹង​​មក​ត្រឹម​ជា​មិត្ត​ភក្តិ។ ​ក្នុងនោះក៏មាន​រូបភាពមួយ​សន្លឹក ​ដែល Manao បានទៅចូលរួមរំលែកទុក្ខ​ក្នុងពិធី​បុណ្យ​សពឪពុក Tong ដោយគូស្នេហ៍នេះ បានយំ​កំពុង​ឱប​គ្នា​ រហូត​ដល់មនុស្សជាច្រើន​លើកទឹកចិត្ត​ឲ្យ​ពួកគេត្រឡប់​មកវិញ ។​

៤ A Phasin និង Cucumber Jiraporn

ប្ដី​ប្រពន្ធ​មួយ​គូ​ទៀត ​ដែល​ឋានៈ​មិន​សំខាន់​ដូច​មិត្តភាព គឺតារាសម្ដែងប្រុសវ័យក្មេង A Pasin Ruangwut និងអតីតភរិយា Cucumber Jiraporn ទោះបីបែកបាក់គ្នាក៏ដោយ ក៏ពួកគេ​នៅតែជាបងប្អូន​នឹងគ្នា​ដ៏ល្អ​ អាចរស់នៅជាមួយគ្នា​ក្រោមដំបូលផ្ទះតែមួយ។ ទាំងនេះក៏​ដោយសារ​ជា​កាតព្វកិច្ច​ឪពុក​ម្ដាយ ​មិន​អាច​​បញ្ឈប់​បាន គឺពួកគេ​ត្រូវ​ជួយ​ចិញ្ចឹម​កូន​ប្រុសតូច​ម្នាក់រួមគ្នា។

៥ Petchja Wichian និង Nuclear Fun

បើ​ទោះបី​ជាពួកគេបានចុះសំបុត្រលែងលះ ​ដើម្បី​បញ្ចប់​អាពាហ៍ពិពាហ៍ក្ដី តែសម្រាប់​គូរបស់ DJ Petcha Wichian និង​អតីត​ភរិយា Nuclear Hansa នៅតែដើរតួជា​ឪពុកម្តាយដ៏ល្អរបស់ Nong Taika ដែលជាកូនប្រុស​ជាទីស្រលាញ់​រួមគ្នា។ អ្នក​ទាំង​ពីរ​បែង​ចែក​ពេល​វេលា​ជាមួយ​គ្នា​ ដើម្បី​ជួយ​ចិញ្ចឹម​កូន​ប្រុស ហើយ​ក៏​មាន​រូបភាព​គូស្នេហ៍​ដែល​នៅ​តែ​មាន​ពេល​វេលា​ល្អ​ជាមួយ​គ្នា​​ រហូត​ដល់មនុស្ស​ជា​ច្រើន​​ នៅ​តែ​ចង់​ឃើញ​អ្នក​ទាំង​ពីរ ​វិល​មក​ដូចមុន។

៦ Fluke Krirkpol​ និង Bo Chayada

អតីត​ស្វាមី​ Fluke Krikkaphon និង Bo Chayada ​បើ​ទោះ​ជា​បែក​គ្នា​យូរ ប៉ុន្តែ​មិន​ដែលមានជម្លោះនឹងគ្នាឡើយ។​ជាពិសេស​ភារកិច្ច​របស់​អ្នក​ទាំង​ពីរ​​ ក្នុង​នាម​ជា​ឪពុក​ម្ដាយ​របស់ Nong Achi កូនប្រុស​ជាទី​ស្រឡាញ់​របស់​ពួក​គេ ។ រហូត​មក​ដល់​ពេល​នេះ គ្រួសារ​ទាំង​ពីរ​តែង​តែ​ឃើញ​ធ្វើ​ដំណើរ​ជាមួយ​គ្នា​ជានិច្ច៕

ប្រែសម្រួល៖ សាង ស្រីល័ក្ខ

ចុចអាន៖ប្រវត្តិត្រួសៗពីតួឯកស្រីក្នុងរឿង ” ល្បែងបំណងប្រាថ្នា” Nychaa មុនក្លាយជាតារាសម្ដែងល្បីសព្វថ្ងៃ

ចុចអាន៖រឿងរ៉ាវសំខាន់ៗ ពី Nadech Kugimiya រហស្សនាមស្ដេចពាណិជ្ជកម្ម នៅប្រទេស ថៃ