ជីវិតកម្សាន្ដ

ផលិតកម្មអង្គរវត្ត ប្រកាសស្វែងរកឯកសារសិល្បៈខ្មែរ ពីឆ្នាំ១៩៨០-២០២០ ដើម្បីចងក្រងរក្សាទុក កុំឲ្យបាត់បង់

បានផុស

៤ years មុន

នៅ

ថ្ងៃអង្គារ ១៥ ធ្នូ ២០២០

ដោយ

គោលបំណង ដើម្បីចូលរួមចំណែកលើកស្ទួយនិងថែរក្សាការពារកេរ្តិ៍តំណែលនៃតម្លៃវប្បធម៌សិល្បៈខ្មែរ ឲ្យមានភាពឋិតថេរគង់វង់សម្រាប់ក្មេងៗជំនាន់ក្រោយនោះ ពេលនេះផលិតកម្មអង្គរវត្ត បានប្រកាសជាសាធារណៈ ដើម្បីស្វែងរកឯកសារសិល្បៈខ្មែរ ចាប់តាំងពីឆ្នាំ១៩៨០ដល់២០២០ ដើម្បីចងក្រងរក្សាទុក កុំឲ្យបាត់បង់នាពេលខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមការប្រកាសរបស់ផលិតកម្មអង្គរវត្ត បានបញ្ជាក់ថា បើសិនជាបងប្អូនមានរបស់បុរាណ មានឯកសារវប្បធម៌និងសិល្បៈបុរាណខ្មែរ ដូចដែលបានរៀបរាប់ហើយបង្ហាញនេះ សូមទាក់ទងមកយើងខ្ញុំ។ យើងខ្ញុំស្រាវជ្រាវរកឯកសារសិល្បៈខ្មែរ កុំឲ្យបាត់បង់សិល្បៈខ្មែរជំនាន់នោះ។ បើសិនបងប្អូនណាមានជាឌីសចម្រៀងឬក៏ស្គាល់ទីតាំងកន្លែងណា ខេត្តណាសូមទាក់ទងមកយើងខ្ញុំផង។

ប្រភពបាននិយាយទៀតថា សូមអរគុណចំពោះបងប្អូនទាំងអស់គ្នា ដែលបានជួយគាំទ្រជាច្រើនយើងខ្ញុំរីករាយណាស់ ហើយសប្បាយចិត្តណាស់ ដែលបានឃើញបងប្អូនស្រឡាញ់លើវិស័យសិល្បៈខ្មែរ។ ដូច្នេះហើយ ដើម្បីរក្សាទុកនូវឯកសារវប្បធម៌សិល្បៈខ្មែរតាំងពីឆ្នាំ១៩៨០ ដល់ ២០០០ យើងខ្ញុំសូមប្រកាសស្វែងរក ឯកសារចម្រៀងងដូចជា ៖ CD , Tape Audio ( ឌីសចម្រៀង, កាសែតចម្រៀង )-Casette Video ( កាស្សែតវីដេអូរឿងភាពយន្ត)-Laser Disc -Magazine ( ទស្សនាវដ្តី)ជាដើម។

ប្រភពដដែលនេះ បានបន្ថែមដែរថា ហេតុនេះហើយចំពោះបងប្អូនសិល្បករ-សិល្បការិនីខ្មែរ ដែលបានប្រឡូកវិស័យនេះ ជំនាន់ច្រើនឆ្នាំមុន អាចទាក់ទងបញ្ជូនឯកសារទៅដល់ផលិតកម្មអង្គរវត្ត ហើយយើងខ្ញុំរំពឹងថា នឹងមានការសហការគ្នាឲ្យបានផុសផុល ដើម្បីដួងព្រលឹងសិល្បៈជាតិខ្មែរយើងទាំងមូល។ សូមបញ្ជាក់ថា លោកអ្នកអាចទាក់ទង ដើម្បីសួរនាំព័ត៌មានឬផ្តល់ជូននូវឯកសារតាមរយៈFacebookផលិតកម្មអង្គរវត្តឬតាមតេឡេក្រាមលេខផលិតកម្ម Telegram: 0718634688៕

អត្ថបទ៖ ចាន់រ៉ា

សូមចុចអាន៖ ហង្ស ម៉ារ៉ានី បង្ហាញគន្លឹះជោគជ័យ៨ចំណុច