ករុណា ពេជ្រ ប្រតិកម្មខ្លាំង ក្រោយមានអ្នករិះគន់លើផ្នូរឪពុក

តារាចម្រៀងប្រុសលោក ករុណា ពេជ្រ បានចេញមុខប្រតិកម្មនិងឆ្លើយតបភាមៗបន្ទាប់ពីមានការរិះគន់ជុំវិញរឿងមិនសរសេរអក្សរខ្មែរលើផ្នូរឪពុកដែលទើបចែកឋានកាលពីថ្មីៗកន្លងទៅ។

ការឆ្លើយតបរបស់លោក ករុណា ពេជ្រ នេះ​ បានធ្វើឡើងក្រោយពេលម្ចាស់ផេកមួយដែលមានឈ្មោះថា អ្នកចម្បាំងត្បូងឃ្មុំបានរិះគន់ថា រស់នៅក្នុងប្រទេសខ្មែរកើតលើទឹកដីខ្មែរ ស្លាប់ទៅវិញលើទឹកដីខ្មែរទៀត អាចថាមានឈាមជ័រជាខ្មែរពាក់កណ្តាលដែរ ហេតុអ្វីក៏រមើលគុណនឹងទឹកដីនេះ។ សូម្បីផ្នូរក៏មិនសរសេរអក្សរខ្មែរសូម្បីមួយតួរ។

ការរិះគន់នេះត្រូវបានលោក ករុណា ពេជ្រ បញ្ជាក់ប្រាប់ឲ្យដឹងតាមបណ្តាញសង្គមថា ខ្ញុំផ្ញើជូនម្ចាស់ផេកអ្នកចម្បាំង ត្បូងឃ្មុំ ផងណាបង។ កាលដែលបងស៊ែរហើយដាក់Captionបែបនេះ បើអ្នកអានហើយមិនបានមើលរូបភាពហើយមិនបានពិចារណាបែបភ្លើរដូចបង គេនឹងជេរខ្ញុំផ្អើលទៀតមិនខាន។ ដូច្នេះខ្ញុំសូមបកស្រាយជូនបងវិញតាមអ្វីដែលខ្ញុំមិនសូវមានចំណេះដឹងស្នេហាជាតិដូចបង។ ដំបូងខ្ញុំសុំសរសើរទឹកចិត្តបងដែលចេះរកនឹកល្បិចអាក្រក់អោយគេជេរនិងស្អប់ខ្ញុំទៀតបាន សូម្បីតែម៉ុងឪពុកខ្ញុំក៏បងអូសទាញចូលការរិះគន់បានដែរ។ បងជាខ្មែរឬជាបរទេសបានបងមើលមិនឃើញហើយរិះគន់ម៉ុងឪពុករបស់ខ្ញុំគ្មានអក្សរខ្មែរសូម្បីមួយតួ ចុះបងស្រលាញ់ទឹកដីហ្នឹងការពារទឹកដីហ្នឹងចុះបងចេះអានអក្សរខ្មែរដែរឬទេ?។ ចុះឈ្មោះឪពុកខ្ញុំសរសេរថា ម៉ុក សាខន លើស្លាកទង់ព្រលឹងនោះជាអក្សរអ្វីទៅវិញ? បងចេះខ្មែរឬ​អត់ឬបងចេះខ្មែរដែរ ប៉ុន្តែបងធ្វើភ្លើរ ល្ងង់ រិះគន់ទាំងងងើលបែបនេះ។

តារាចម្រៀង ករុណា ពេជ្រ បន្តថាលោកទទួលការរិះគន់បែបស្ថាបនា ចៀសជាងការរិះបែបជាន់ពន្លិចរបៀបធ្វើល្ងង់ភ្លីភ្លើរបស់បុគ្គលខាងលើនាពេលនេះហើយបើអាចសូមមេត្តាកុំយកអ្វីដែលពាក់ព័ន្ធនឹងឪពុករបស់លោកមករិះគន់ទាញប្រយោជន៍ចូលន យោបាយនិយមជ្រុលមកជាប់ឪពុករបស់លោកព្រោះគាត់បានស្លាប់លាចាកលោកនេះទៅហើយ។

លោក ករុណា ពេជ្រ បន្ថែមថាបើចង់យកខ្ញុំទៅពា ក់ព័ន្ធជាមួយរឿងនយោបោករបស់បង(បុគ្គលខាង លើ)ដូចកាលពីឆ្នាំ២០១៣បានដែលគ្នីគ្នារបស់បង សស្រាក់គ្នាជេរខ្ញុំយ៉ាងផុសផុលនោះគឺខ្ញុំកំដរបាន ហើយសូមប្រាប់ថាមកដល់ឥឡូវនៅតែលុះក្ស័យមិនដូរ។យកឪពុកខ្ញុំស្លាប់ហើយលើកយកមករិះគ ន់បែបល្ងីល្ងឺដូចនេះប្រយ័ត្នបាបកម្មព្រោះបងក៏មានឪពុកមានម្តាយដូចគ្នា។កុំភ្លេចកម្មមិនចាំជាតិក្រោ យទេ៕

អត្ថបទ៖ ចាន់រ៉ា