ជីវិតកម្សាន្ដ

វ៉ាន់ នីឡា បកស្រាយចំៗ ក្រោយផ្ទុះរឿងមានកូនមុនការ

បានផុស

៣ years មុន

នៅ

ថ្ងៃសុក្រ ២២ មេសា ២០២២

ដោយ

ថ្មីៗនេះមានការភ្ញាក់ផ្អើលគ្រប់គ្នាបន្ទាប់ពីតារាកំប្លែងវ័យក្មេង វ៉ាន់ នីឡា បានប្រកាសពីដំណឹងមានផ្ទៃពោះកូនដំបូងប្រមាណជាង ៤ ខែ ទៅហើយខណៈគិតមកដល់ពេលនេះពិធីមង្គលការរវាងនាងនិងស្វាមីទើបតែជាង១ខែប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំណឹងនេះ បានធ្វើឲ្យអ្នកគាំទ្រ និងមហាជនមានការចាប់អារម្មណ៍គ្រប់គ្នាដោយហេតុថា នីឡា និងស្វាមីទើបតែចូលរោងការថ្មីៗសោះ តែមិននឹកស្មានមានកូនលឿនដល់ថ្នាក់ហ្នឹងទេ។ យ៉ាងណាមិញនៅក្នុងនោះដែរ ក៏មានមិត្តភក្តិ និងអ្នកគាំទ្រនាងមួយចំនួនទៀតបានសម្តែងការចូលរួមអបអរសាទរចំពោះដំណឹងដ៏ល្អនេះផងដែរ។

ទន្ទឹមគ្នានេះស្របពេលដែលមានការចុះផ្សាយជាច្រើនដោយលើកឡើងសង្ស័យជុំវិញតារាកំប្លែង វ៉ា ន់ នីឡា មានទម្ងន់មុនរៀបការនោះ ស្រាប់តែមានអ្នកគាំទ្រលើកជាសំណួរទៅកាន់ នីឡា ដែរថាតើ នាងយកកូនមុនរៀបការមែនទេ? សុំទោសសម្រាប់ការសួរនាំ។ ចម្លើយត្រូវបាន វ៉ាន់ នីឡា បញ្ជាក់ថាជាការពិត។

ជាក់ស្តែងជាឆ្លើយតបទៅនឹងការសួរនាំខាងលើតារាស្រី វ៉ាន់ នីឡាបានចេញវីដេអូបញ្ជាក់ខ្លីថា សំណួរនេះមិនខុសនោះទេ គ្រាន់តែបងប្អូនចង់ដឹង។ ហើយចង់ប្រាប់ថា ខ្ញុំយកមុនការដោយសារតែហេតុផល ២យ៉ាងគឺទី១ ខ្ញុំចង់បានកូននឹង ទី២ ដោយសារខ្ញុំពិបាកក្នុងការមានកូន។ តាមរយៈចម្លើយនេះ អាចធ្វើឲ្យមហាជននិងអ្នកគាំទ្រមួយចំនួនអស់ចម្ងល់ និងមន្ទិលជុំវិញរឿងរ៉ាវនេះ។

សូមរម្លឹកថាតារាកំប្លែង វ៉ាន់ នីឡា បានសម្រេចចូលរោងការតាមគន្លងប្រពៃណីជាមួយស្វាមីរូបសង្ហាស៊ុត សក្ការៈ កាលពីថ្ងៃទី ១៩ ខែមីនា ឆ្នាំ ២០២២ ខណៈដែលមង្គលការនាង គឺមានការអញ្ជើញចូលរួមយ៉ាងអធិកអធមពីភ្ញៀវកិត្តិយស និងតារាល្បីៗជាច្រើនដួង៕