ពែកមី ប្រកាសស្វែងរកបុរសវ័យចំណាស់កម្សត់ អង្គុយហូបបាយកៀនតុម្នាក់ឯង

ភ្នំពេញ៖ បន្ទាប់ពីមានការបង្ហោះចែកចាយនូវឃ្លីបវីដេអូជុំវិញសកម្មភាពដ៏កម្សត់របស់លោកតាម្នាក់ដែលលក់អង្គុយហូបបាយនៅកៀនតុតែម្នាក់ឯងក្នុងកម្មវិធីមង្គលការមួយ ភ្លាមៗនោះគេឃើញមានអ្នកប្រើប្រាស់បណ្តាញសង្គមជាច្រើនបានសម្តែងក្តីអាណិតអាសូរគ្រប់គ្នា។

ស្របពេលវីដេអូនោះកំពុងត្រូវបានចែករំលែកយ៉ាងព្រោងព្រាតនៅលើបណ្តាញសង្គមតិកតុក និងហ្វេសប៊ុកនាអំឡុងពេលប៉ុន្មានថ្ងៃនេះ មិនត្រឹមតែមានការផ្ទុះការចាប់អារម្មណ៍ដោយក្តីអាណិតអាសូរដល់បុរសវ័យចំណាស់នេះទេ គឺថែមទាំ ងមានមហាជនមួយចំនួនបានប្រកាសស្វែងលោកតារូបនោះ ដើម្បីផ្តល់ការឧបត្ថម្ភថវិកា និងអំណោងផ្សេងៗ។

តារាកំប្លែងនាយ ពែកមី ទឹកចិត្តរបស់លោកក៏មិនខុសពីអ្នកគាំទ្រនិងមហាជនអ្នកប្រើប្រាស់បណ្តាញសង្គមនោះទេ ដោយតារាកំប្លែងរូបនេះបានប្រកាសស្វែងរកលោកតាកម្សត់ម្នាក់នេះ ដើម្បីជួយថវិកាផងដែរ។

នាយ ពែកមី បានបង្ហោះភាពរូបភាពដោយលើកឡើងដូច្នេះថា៖ “បងប្អូន! ខ្ញុំរកអ៊ំម្នាក់ដែលហូបបាយនៅកៀនតុ​ ក្នុងកម្មវិធីការនោះមិនទាន់ឃើញទេ ឥឡូវ ស្រីអូនគាត់ទើបតែបានមើលវីដេអូនោះ គាត់ពឹងឱ្យខ្ញុំជួយរកអ៊ំនោះឱ្យឃើញ”។បន្ថែមលើសពីនេះ នាយ ពាក់មី បានឱ្យដឹងទៀតថា បើបងប្អូនណាស្គាល់គាត់​ អាណិតគាត់​សូរ សូមជួយហៅទូរស័ព្ទលេខ ០១៥ ៣០០ ០០៧ និងហាមស៊ីញ៉ូលេង៕

អត្ថបទ៖ ចាន់រ៉ា