ជីវិតកម្សាន្ដ

តួឯកប្រុសក្នុងរឿងទុំទាវ លោក ស៊ុក សុភា ប្រកាសឆ្លងកូវីដ

បានផុស

៣ years មុន

នៅ

ថ្ងៃចន្ទ ២៥ មេសា ២០២២

ដោយ

អតីតតារាសម្តែងតួឯកក្នុងរឿង ទុំទាវ លោក ស៊ុក សុភា បានប្រកាសរកឃើញឆ្លងជំងឺកូវីដ-១៩ បង្កការភ្ញាក់ផ្អើលដល់អ្នកគាំទ្រ ខណៈលោកក៏បានសួរនាំមហាជនពីការប្រើប្រាស់ថ្នាំដើម្បីព្យាបាលជំងឺនេះផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅលើទំព័រហ្វេសប៊ុករបស់លោក ស៊ុក សុភាកាល ពីរសៀលថ្ងៃទី ២៤ ខែមេសា ឆ្នាំ ២០២២ម្សិលមិញបានធ្វើឲ្យអ្នកលេងបណ្ដាញសង្គម និងអ្នកគាំទ្រសម្តែងការភ្ញាក់ផ្អើលបន្ទាប់ពីតារាសម្ដែងប្រុស ស៊ុក សុភា បានបញ្ជាក់ដោយសាធារណៈថា លោកបានធ្វើតេស្តរកឃើញឆ្លងជំងឺកូវីដ-១៩ ខណៈលោកកំពុងរស់នៅលើទឹកដីអូស្ដ្រាលីជាមួយប្រពន្ធ និងកូន។

លោក ស៊ុក សុភា បានលើកឡើងថា« ខ្ញុំបានឆ្លង Covid-19 ហើយ បងប្អូនតើមានថ្នាំអ្វីញាំបាត់ទេឈឺ បំពង់ក ឈឺក្បាល ក្អក មានស្លេះ ក្ដៅខ្លួន ឈឺគ្រាប់ភ្នែក ឈឺចុកចាប់ពេញខ្លួនរាងកាយ…ល។ អរគុណប្រពន្ធហើយដែលបានមើលថែ»។

ជាមួយគ្នានេះក្រោយពីទទួលបានដំណឹងខាងលើគេឃើញថា មហាជនអ្នកគាំទ្រ និងអ្នកសិល្បៈជាច្រើនបានសម្ដែងនូវការព្រួយបារម្ភ ព្រមទាំងបានណែនាំថ្នាំព្យាបាល និងបានជូនពរឱ្យលោកឆាប់ជាសះស្បើយជំងឺកូវីដ-១៩វិញផងដែរ៕