ជីវិតកម្សាន្ដ

ឆ្លងកាត់បទពិសោធន៍! លោក សាវិន ហ្វីលីព ចែករំលែកចំណេះដឹង ដើម្បីក្លាយជាបុគ្គលជោគជ័យ

បានផុស

៤ years មុន

នៅ

ថ្ងៃព្រហស្បតិ៍ ១៧ ធ្នូ ២០២០

ដោយ

តារាសម្តែងប្រុសមានប្រជាប្រិយភាពនិងល្បីល្បាញតាមរយៈខ្សែភាពយន្តរឿង អ្នកទោសហែកគុក គឺលោក សាវិន ហ្វីលីព ខណៈពេលដែលអាជីពសិល្បៈនិងមុខជំនួញអចលទ្រព្យបានដំណើរការជោគជ័យនោះ បច្ចុប្បន្នកាន់តែធ្វើឲ្យលោកមានទំនុកចិត្តខ្ពស់ទាំងអាជីពសិល្បៈនិងមុខជំនួញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រែខ្លួនយ៉ាងឆាប់រហ័សជាមួយភាពជោគជ័យលើវិថីមុខជំនួញនិងសិល្បៈរបស់តារាសម្តែងលោក សាវិន ហ្វីលីព នេះក៏ដោយសារតែមានការផ្សារភ្ជាប់ជាមួយនិងបទពិសោធន៍ជាគ្រឹះដ៏រឹង មាំគួបផ្សំនិងចំណុចសំខាន់ៗមួយចំនួនទៀត ដែលលោកត្រូវមានឬប្រកាន់ភ្ជាប់ជានិច្ច។

ឆ្លងកាត់តាមរយៈបទពិសោធន៍ទាំងនេះទើបធ្វើឲ្យលោក សាវិន ហ្វីលីព បានប្រកាសប្រកាន់ភ្ជាប់នូវគោលជំហរជាក់ស្តែងមួយចំនួន ដែលបុគ្គលឯទៀតគួរអនុវត្តផងដែរ។ លោក សាវិន ហ្វីលីព ក៏បានផ្តល់ជាគន្លឹះដល់មនុស្សជុំវិញខ្លួនថា ការនិយាយមិនទៀងទាត់មិនគោរពពាក្យសន្យាជាមួយអ្នកដទៃ នឹងធ្វើឲ្យតម្លៃខ្លួនអ្នកធ្លាក់ដល់ក្រោមសូន្យ។ លោក សាវិន ហ្វីលីព បានបញ្ជាក់បន្ថែមតាមរយៈបណ្តាញសង្គមទៀតថា ព្រោះកត្តានេះហើយនឹងធ្វើឲ្យមនុស្សជុំវិញខ្លួនអ្នកកាន់តែបាត់បង់ជំនឿចិត្តទាំងស្រុងជាពិសេស គឺប៉ះពាល់ធ្ងន់ធ្ងរលើមុខជំនួញរបស់អ្នកផ្ទាល់តែម្ដង។ សម្តីរបស់លោក សាវិន ហ្វីលីព នេះត្រូវបានគេចាត់ទុកថា គឺជាបទពិសោធន៍ដ៏ល្អដែលត្រូវបានចែករំលែក ដើម្បីយកទៅធ្វើការពិចារណា ផងដែរ៕