ជីវិតកម្សាន្ដ

ភរិយាលោកឧកញ៉ា ឌួង ឆាយ បន្តទម្លាយសារមិនស្តាយក្រោយ បន្ទាប់ពីប្រកាសចែកផ្លូវគ្នា

បានផុស

៥ years មុន

នៅ

ថ្ងៃព្រហស្បតិ៍ ១៧ ធ្នូ ២០២០

ដោយ

ភរិយារបស់លោកឧកញ៉ា ឌួង ឆាយ គឺអ្នកស្រី ដេត ម៉ាលីណា កាលពីថ្មីៗនេះបានធ្វើឲ្យមហាជននិងអ្នកប្រើប្រាស់បណ្តាញសង្គមហ្វេសប៊ុក មានការភ្ញាក់ផ្អើលហើយកើតជាមន្ទិលគ្រប់គ្នាក្រោយ ពេលដែលអ្នកស្រីបានបង្ហោះសារទម្លាយប្រាប់ពីការចែកផ្លូវគ្នាជាមួយស្វាមីលោកឧកញ៉ា ឌួង ឆាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំណឹងដ៏រសើបនេះ បានធ្វើឲ្យមហាជនជាច្រើននាំ គ្នាទន្ទឹងរង់ចាំតាមដានគ្រប់គ្នាដោយចង់ដឹងថា តើនេះជាព័ត៌មានពិតឬមួយយ៉ាងណា? ខណៈដែលឧកញ៉ា ឌួង ឆាយ ហាក់មិនមានប្រតិកម្មចំករណីនោះឡើយ។ ដោយឡែកបើចាប់អារម្មណ៍ទៅមើលនៅលើAccount Facebookរបស់អ្នកស្រី ដេត ម៉ា លីណា កាលពីយប់មិញបានបង្ហោះសារខ្លីមួយទៀតបង្កការចាប់អារម្មណ៍សម្រាប់មហាជនជាថ្មីម្តងទៀត។

តាមរយៈខ្លឹមសាររបស់ភរិយាលោកឧកញ៉ា ឌួង ឆាយ គឺអ្នកស្រី ដេត ម៉ាលីណា បានរៀបរាប់ថាខ្ញុំមិនស្ដាយក្រោយនិងអតីតកាល ប៉ុន្តែខ្ញុំស្ដាយពេលវេលា ដែលចំណាយទៅលើមនុស្សខុសអ្នកដទៃមើលមកអ្នកជាមនុស្សបែបណាមិនសំខាន់ទេ អ្វីដែលសំខាន់អ្នកធ្វើខ្លួនបែបណាឲ្យគេមើល។ ពេលខ្លះហត់នឿយណាស់ តែមិនអាចឈប់បានទេ ព្រោះខ្លួនឯង គឺត្រូវពឹងខ្លួនឯង Deth Malina។

ជុំវិញរឿងរ៉ាវដ៏រសើបនេះ គិតត្រឹមថ្ងៃទី១៧ ខែធ្នូ ឆ្នាំ២ ០២០នេះ គេនៅមិនទាន់ឃើញមានប្រតិកម្មណាមួយពីសំណាក់លោកឧកញ៉ា ឌួង ឆាយ នៅឡើយទេ ខណៈមានអ្នកគាំទ្រមួយចំនួនធំកំពុងរង់ចាំការបកស្រាយដោយទាល់មាត់ពីលោកឧកញ៉ាឌួង ឆាយ និងភរិយាដោយហេតុថា មានមតិខ្លះមិនទាន់មានជំនឿរលើករណីនេះ និងខ្លះទៀតដាក់សង្ស័យថា គណនីហ្វេសប៊ុកភរិយាលោកឧកញ៉ា ឌួង ឆាយ អាចត្រូវបានគេលួចហេកទៅគ្រប់គ្រងក៏ថាបាន។

សូមជម្រាបដែរថា កាលពីថ្ងៃទី១៣ ខែធ្នូ ឆ្នាំ២០២០ កន្លងទៅភរិយាលោកឧកញ៉ា ឌួង ឆាយ បានប្រកាសតាមទំព័រហ្វេសប៊ុករបស់ខ្លួនពីការលែងលះគ្នា ធ្វើឲ្យមហាជននិងអ្នកគាំទ្រមានការភ្ញាក់ផ្អើលខ្លាំង។ ខ្លឹមសារនោះ ត្រូវបានអ្នកស្រី ដេត ម៉ាលីណា លើកឡើងថា សូមពូមីងបងប្អូនទាំងអស់គ្នា ជួយទទួលដឹងឮចាប់ពីថ្ងៃនេះតទៅនាងខ្ញុំនិង ឌួង ឆាយ បានព្រមព្រៀងលែងលះគ្នារួចរាល់ហើយ អញ្ចឹងចាប់ពីពេលនេះតទៅ អ្វីដែលពាក់ព័ន្ធនឹង ឌួង ឆាយ ហើយនិងគ្រួសារគាត់ គឺពុំមានពាក់ព័ន្ធនឹងនាងខ្ញុំតទៀតទេ។ សូមអរគុណ១៣.១៣.២០២០(Deth Malina)៕