ជីវិតកម្សាន្ដ

អ្នកនាង អម្ពរ ទេវី រំលឹករូបថតចាស់ៗជិត ៣០ ឆ្នាំ អតីតអ្នកតុបតែងមុខរបស់ខ្លួន

បានផុស

៣ years មុន

នៅ

ថ្ងៃសៅរ៍ ៣០ មេសា ២០២២

ដោយ

ភ្នំពេញ៖ អតីអតីតតារាសម្តែងល្បីល្បាញនាទស្សវត្ស ៨០ និង ៩០ អ្នកនាង អម្ពរ ទេវី ថ្មីៗនេះស្រាប់តែទម្លាយរូបភាពជាច្រើនរំលឹកអនុស្សាវរីយ៍ចាស់ៗ តាមរយ:ការបង្ហាញពីស្នាដៃនៃអ្នកតុបតែងមុខរបស់ខ្លួនចាប់តាំងពីអំឡុងឆ្នាំ១៩៩០ ដល់ឆ្នាំ២០១៨។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាសម្តែងអ្នកនាង អម្ពរ ទេវី បានបង្ហោះនៅលើបណ្តាញសង្គមហ្វេសប៊ុករបស់ខ្លួនអមដោយសំណេរថា «អនុស្សាវរីយ៍នៃអតីតកាលដ៏ល្អនិងការចងចាំ។ អរគុណដល់បងៗនិងប្អូនៗនូវទឹកដៃដ៏ឆ្នើម ក្នុងការផាត់មុខធ្វើសក់និងតុបតែងខ្លួនលំអរដល់នាងខ្ញុំក្នុងវិស័យសិល្បៈភាពយន្តខ្មែរ១៩៩០ដល់២០១៨»។

អ្នកនាង អម្ពរ ទេវី បានបញ្ជាក់បន្ថែមទៀតថា «អ្នកនាងពិតជាមានការនឹករលឹកដល់អ្នកទាំងអស់នោះខ្លាំង បើទោះបីជាមានអ្នកខ្លះបានទទួលមរណៈនៅសល់តែរូបថតក៏ដោយក្តី ដោយនៅក្នុងនោះអ្នកនាងក៏បាននឹកឃើញមនុស្សម្នាក់គឺលោក គីរី ដែលជាអ្នកផាត់មុខឲ្យនាងលើកដំបូងគេបង្អស់ដល់ខ្លួនផងដែរ»។

ទោះបីបច្ចុប្បន្នអ្នកនាង អម្ពរ ទេវី មានវ័យជ្រេបន្តិចហើយកំពុងកសាងជីវភាពគ្រួសារថ្មីយ៉ាងមានសុភមង្គលលើទឹកដីអាមេរិកនក៏ពិតមែន តែសម្រាប់តារាស្រីអ្នកនាង អម្ពរ ទេវី កន្លងមកគឺតែងតែសម្តែងនូវការនឹករលឹកជាបន្តបន្ទាប់មកកាន់ប្រជាជនខ្មែរជាពិសេសប្រិយមិត្តដែលធ្លាប់គាំទ្រការសម្តែងរបស់នាងកាលពីអតីតកាលផងដែរ៕

អត្ថបទ៖ ចាន់រ៉ា

Related Topics:អម្ពរ ទេវី