ជីវិតកម្សាន្ដ

អ៉ីណូ៖ សិល្បៈជំនាន់ក្រោយ បើចង់ជោគជ័យត្រូវឲ្យតម្លៃអ្នកគាំទ្រ និងរៀមច្បង

បានផុស

៣ years មុន

នៅ

ថ្ងៃសៅរ៍ ៣០ មេសា ២០២២

ដោយ

ដោយមើលឃើញអ្នកសិល្បៈជំនាន់ក្រោយមួយចំនួនហាក់មានចរិតតួឯក តារាចម្រៀងរៀមច្បងលោក អ៉ីណូ បានចេញមុខដាស់តឿន និងប្រាប់គន្លឹះជោគជ័យដល់ពួកគេ។ ពិសេសត្រូវចេះឲ្យតម្លៃដល់អ្នកគាំទ្រនិងរៀមច្បងសិល្បៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៉ីណូ បានលើកឡើងពីចំណុចទាំងនោះថា ប្អូនៗសិល្បករជំនាន់ក្រោយអើយ បងស្រលាញ់ឲ្យតម្លៃនឹងចង់ជួយណាស់ ប៉ុន្តែចង់ជោគជ័យជៀសវាងការនិយាយដើមអ្នកនេះទៅប្រាប់អ្នកនោះ កុំផ្តុំគ្នារឿងអត់ប្រយោជន៍អ៊ីចឹងពេក។ ខំប្រឹងពង្រឹងខ្លួនឯងឲ្យល្អទៅណាដើម្បីតម្លៃប្រជាប្រិយភាព ដើម្បីឲ្យពុកម៉ែបងប្អូនស្រលាញ់។ អ៊ីណូ បន្តទៀតថា ជាពិសេសរៀនឲ្យតម្លៃរៀមច្បងផងណាអូនអូនណា អាមិនទាន់បានអីផងអួត អាងរញ៉េរញ៉ៃក្រោយខ្នងរៀមច្បងទាំងអត្តចរិត និងពាក្យសម្តីគ្មានភាពថ្លៃថ្នូរ គ្មានវិន័យបើនៅតែអ៊ីចឹងគ្មានថ្ងៃរីកចម្រើនទេ។ នេះនិយាយប៉ះបងដែលជាថ្នាក់ដឹកនាំម្នាក់ ចិត្តធម៌ទេស្តាប់ឮហើយបងគ្រាន់តែពន្យល់នែនាំ តែប៉ះអ្នកផ្សេងប្អូនចប់ហើយ មិនថាការងារសិល្បៈឬការងារអ្វីក៏ដោយចរិកពេលវេលា និងភាពថ្លៃថ្នូរសំខាន់ណាស់ចូរចងចាំណាប្អូន។

តារាចម្រៀង អ៉ីណូ បន្ថែមទៀតថា សូមទោសសុំបញ្ចេញអារម្មណ៍បន្តិចណាសម្រាប់ប្អូនៗមួយចំនួនតូច ព្រោះសិល្បៈជិត ២០ ឆ្នាំហើយ តាំងពីមួយថ្ងៃ ៣ ដុល្លារ ឬ ៥ ដុល្លារទើបឮ។ សូមទោសខ្ញុំកម្រផុសdramaផ្ដេសផ្ដាសណាស់៕