ជីវិតកម្សាន្ដ

មហាជនទន្ទឹងរង់ចាំមើលការ បកស្រាយពីឧកញ៉ា ឌួង ឆាយ ក្រោយភរិយាប្រកាសចែកផ្លូវគ្នា

បានផុស

៤ years មុន

នៅ

ថ្ងៃព្រហស្បតិ៍ ១៧ ធ្នូ ២០២០

ដោយ

គិតរហូតមកដល់ថ្ងៃទី១៧ ខែធ្នូ ឆ្នាំ២០២០នេះ រឿងរ៉ាវនៃការលែងលះគ្នារវាងអ្នកស្រី ដេត ម៉ាលីណា និងស្វាមី គឺលោកឧកញ៉ា ឌួង ឆាយ នៅតែក្លាយជាប្រធានបទដ៏រសើបនិងចាប់អារម្មណ៍ពីសំណាក់មជ្ឈដ្ឋានមហាជន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះ ចំពោះរឿងរ៉ាវ ដែលធ្វើឲ្យមហាជនកាន់តែចាប់អារម្មណ៍ទៀតនោះ គឺនៅយប់ថ្ងៃទី១៦ ខែធ្នូនោះគេ ឃើញភរិយាលោកឧកញ៉ា ឌួង ឆាយ អ្នក ស្រី ដេត ម៉ាលីណា ក៏បានបង្ហោះសារថ្មីមួយទៀត ដោយភ្ជាប់ខ្លឹមសារថា អ្នកស្រីមិនស្ដាយក្រោយនិងអតីតកាល ប៉ុន្តែអ្នកស្រីស្ដាយនូវពេលវេលា ដែលចំណាយទៅលើមនុស្សខុស។ អ្នកស្រី ដេត ម៉ាលីណា បានបន្ថែមទៀតថា សម្រាប់អ្នកដទៃមើលមកអ្នកជាមនុស្សបែបណាមិនសំខាន់ទេ អ្វីដែលសំខាន់អ្នកធ្វើខ្លួនបែបណាឲ្យគេមើល។ ពេលខ្លះហត់នឿយណាស់តែមិនអាចឈប់បានទេ ព្រោះខ្លួនឯង គឺត្រូវពឹងខ្លួនឯង Deth Malina។ ថ្វីត្បិតតែមានការទម្លាយសារ នៃការបែកបាក់ចំណងស្នេហាជាប្តីប្រពន្ធពីសំណាក់ភរិយាអ្នកស្រី ដេត ម៉ាលីណា យ៉ាងណាក្តី ប៉ុន្តែរហូតមកទល់ពេលនេះនៅមិនទាន់មានប្រតិកម្មណាមួយពីលោកឧកញ៉ា ឌួង ឆាយ នៅឡើយទេ។

ចំពោះដំណឹងដ៏រសើបខាងលើនេះ បាននិងកំពុងធ្វើឲ្យមហាជនជាច្រើននាំគ្នាទន្ទឹងរង់ចាំតាមដានគ្រប់គ្នា ដោយចង់ដឹងថា តើនេះជាព័ត៌មានពិតឬមួយយ៉ាងណា? ខណៈដែលលោកឧកញ៉ាឌួង ឆាយ ហាក់មិនមានប្រតិកម្មចំពោះករណីនេះឡើយ។ កម្ពុជាថ្មីនៅរសៀលថ្ងៃទី១៧ខែធ្នូ ឆ្នាំ២០២០នេះ នៅមិនអាចធ្វើការទំនាក់ទំនង ដើម្បីសុំការបកស្រាយពីលោកឧកញ៉ា ឌួង ឆាយ បាននៅឡើយទេ។

ដោយឡែកបើតាមការកត់សម្គាល់ ក្រោយពេលបែកធ្លាយរឿងរ៉ាវនៃការលែងលះគ្នារវាងអ្នកស្រី ដេត ម៉ាលីណា និងស្វាមី គឺលោកឧកញ៉ា ឌួង ឆាយ នេះដែរភ្លាមៗនោះគេសង្កេតឃើញមានមហាជននិងអ្នកគាំទ្រជាច្រើន បានថ្លែងសារលើកទឹកចិត្តឲ្យអ្នក ស្រី ដេត ម៉ាលីណា និងលោកឧកញ៉ា ឌួង ឆាយ សម្រុះសម្រួលត្រូវគ្នាវិញ ផងដែរ៕