ជីវិតកម្សាន្ដ

Naphat ទម្លាយចំៗថា ចាត់ទុក Baifern ជាមនុស្សពិសេស បន្ទាប់ពីម្ដាយលោក

បានផុស

៣ years មុន

នៅ

ថ្ងៃព្រហស្បតិ៍ ៥ ឧសភា ២០២២

ដោយ

ជាគូស្នេហ៍មួយទៀត ដែលមហាជនជាច្រើនគាំទ្រឲ្យស្រឡាញ់គ្នានៅក្រៅឆាកសម្ដែង គឺតារាប្រុស Naphat និង Baifern បន្ទាប់ពីអ្នកទាំងពីរស្និទ្ធស្នាលគ្នាខ្លាំង ក្នុងរឿងដំបូងគឺ “Friend Zone”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ពួកគេទាំងពីរក៏បានធ្វើការជាមួយគ្នាម្តងទៀតនៅក្នុងរឿង “ខ្សែកចាំស្នេហ៍” ក្រោយរឿងភាគនេះ បានបញ្ចប់រួចរាល់នៅប្រទេសថៃ ប៉ុន្តែអារម្មណ៍អ្នកគាំទ្រ មិនចប់នូវឡើយទេ។

ទន្ទឹមនោះ Naphat បានលេចមុខក្នុងកម្មវិធី Channel YouTube របស់ពិធីករដ៏ល្បី Young Kancha ដែលលោកបានឆ្លើយសំណួរ អំពីរបៀបរស់នៅនៃការបើកបរ និងម៉ូដែលរថយន្តបុរាណ រួមទាំងការវិនិយោគលើនាឡិកាប្រណិត ដែលគេនិយាយថា ប្រាក់ចំណេញនោះ លោកបានយកទៅសាងសង់ផ្ទះស្អាតជូនម្ដាយ រហូតឈានទៅសួរពីទំនាក់ទំនងជាមួយ Baifern ថា ម៉េចមិនចែចង់ Baifern ។ លោកឆ្លើយថា ឥឡូវជាមិត្តជិតស្និទ្ធហើយ និងគាំទ្រគ្នាទៅវិញទៅមក ជាអ្នកប្រឹក្សាលើបញ្ហាផ្សេងៗ ព្រមទាំងនិយាយថា នាងជាមនុស្សគួរឲ្យស្រលាញ់ ដែលអាចហៅបានថាជាមិត្ត។ ចំណែកអនាគត អត់ទាន់ដឹងទេ។

តួឯកប្រុសក្នុងរឿង “Friend Zone”រូបនេះ ក៏បានបង្ហើបពីអារម្មណ៍របស់លោកចំពោះ Baifern ថា អំឡុងពេលលោកជួបរឿងព្យុះភ្លៀងខ្លាំង ធ្វើឲ្យអាការរបស់លោកមានសភាពទ្រុឌទ្រោម ប៉ុន្តែលោកទទួលបានថាមពលពី Baifern ដែលអាចហៅបានថា ជាក្តីបារម្ភ ដែលលោកបាននិយាយថា Baifern គឺជាមនុស្សម្នាក់ក្នុងចំណោមមនុស្សពីរនាក់សម្រាប់ការលើកទឹកចិត្តដ៏ល្អ បន្ទាប់ពីម្ដាយលោក៕

ប្រែសម្រួល៖ សាង ស្រីល័ក្ខ

ចុចអាន៖Bella ត្រូវមហាជនសង្ស័យថា មានទំនាក់ទំនងស្នេហាក្រៅឆាក ជាមួយតារាប្រុសវ័យក្មេងរូបនេះ

ចុចអាន៖វីដេអូ Aum ស្លៀកប៊ីគីនីរាំមុខកាមេរ៉ា កំពុងល្បីខ្លាំង ដោយសារតែសិចស៊ីពេក