ការ ៤ឆ្នាំហើយ Justin Bieber ទើបទម្លាយអារម្មណ៍ពិតពេលនៅជាមួយភរិយាដំបូងៗ

កាល​ពី​៤​ឆ្នាំ​មុន Justin Bieber និង Hailey Baldwin បាន​ចុះ​ហត្ថលេខា​រៀប​ការ​ជា​ផ្លូវ​ការ ​ក្លាយ​ជា​ប្ដី​ប្រពន្ធ ​បន្ទាប់​ពី​ស្រឡាញ់​គ្នា​ជា​ច្រើន​ឆ្នាំ។ មុនរៀបការជាមួយភរិយាបច្ចុប្បន្ន តារាចម្រៀងជនជាតិកាណាដារូបនេះ ធ្លាប់ជំពប់ស្នេហ៍លើតារាចម្រៀង Selena Gomez អស់ប៉ុន្មានឆ្នាំ ហើយចុងក្រោយអ្នកទាំងពីរបែកគ្នា និងបង្កើតបានជាប្រធានបទក្ដៅដែលមហាជនាំគ្នាលើកមកនិយាយយូរបំផុត។ យ៉ាងណាមិញ នៅទីបញ្ចប់មនុស្សស្រីដែលអាចរួមដំណើរជីវិតជាមួយ Justin គឺតារាបង្ហាញម៉ូដ Hailey Baldwin ។

ទោះសម្រេចចិត្តភ្ជាប់ចំណងអាពាហ៍ពិពាហ៍ជាមួយ Hailey អស់៤ឆ្នាំហើយក៏ដោយ ពេលនេះ Justin ទើបទម្លាយការពិតថា ខ្លួនមានអារម្មណ៏អវិជ្ជមាន និងមិនសប្បាយចិត្តទាល់តែសោះ កំលុងពេលក្លាយជាដៃគូជីវិត Hailey ដំបូងៗ។

នៅក្នុងបទសម្ភាសន៍តាមប្រព័ន្ធផ្សព្វផ្សាយថ្មីៗនេះ Justin Bieber បានបង្ហើបថា លោកមានអារម្មណ៏មិនល្អចំពោះអាពាហ៍ពិពាហ៍របស់ខ្លួនឡើយ នៅពេលចាប់ផ្ដើមដំបូង។ នៅពេលដែលលោករៀបការជាមួយតារាម៉ូឌែល Hailey Baldwin អារម្មណ៍អវិជ្ជមានអំពីអាពាហ៍ពិពាហ៍បានបន្តលេចឡើងនៅក្នុងខួរក្បាលរបស់តារាចម្រៀងប្រុសរូបនេះ រហូតបណ្តាលឱ្យលោកធ្លាក់ចូលទៅក្នុងស្ថានភាពតានតឹងផ្លូវចិត្តយ៉ាងធ្ងន់ធ្ងរ។

តារាប្រុសវ័យ ២៨ឆ្នាំរូបនេះ បន្តថា លោកចាត់ទុកការរៀបការជាមួយ Hailey ជាការព្យាបាលដំបៅចាស់ ប៉ុន្តែការពិតវាមិនមែនទេ។ លោក​តែងតែ​មាន​អារម្មណ៍​ខ្វះ​ការ​ទុក​ចិត្ត និង​ភ័យ​ខ្លាច នៅ​ពេល​គិត​អំពី​រឿង​អាពាហ៍ពិពាហ៍យូរអង្វែង។

ពេលនោះ លោកមិនហ៊ានប្រាប់ការពិតទៅកាន់ Hailey នោះទេ ព្រោះខ្លាចនាងឈឺចាប់ និងយល់ច្រឡំចំពោះសមាសភាពរបស់នាង នៅក្នុងជីវិតលោក។ នឹកឃើញកាលណោះ Justin និយាយថា អាពាហ៍ពិពាហ៍របស់លោកមានភាពផុយស្រួយណាស់។

Justin Bieber សារភាពទៀតថា អារម្មណ៍អវិជ្ជមានទាំងនោះគឺជាលទ្ធផលដែលលោករងការឈឺចាប់ច្រើនពេកបន្សល់ពីអតីតកាល។ ទោះយ៉ាងណា ពេលនេះ ក្តីស្រឡាញ់របស់ភរិយារបស់លោក បានធ្វើឱ្យលោកមានអារម្មណ៍កក់ក្ដៅ និងមានសុភមង្គលជាទីបំផុត។

ទោះបីគូស្នេហ៍មួយគូនេះបានរៀបការយូរហើយក៏ដោយ ប៉ុន្តែពួកគេនៅតែស្រឡាញ់គ្នា ដូចកាលដែលទើបផ្ដើមស្នេហ៍ដំបូងអ៊ីចឹង។ បច្ចុប្បន្ន ប្ដីប្រពន្ធគូនេះ តែងតែធ្វើឲ្យទស្សនិកជនចាប់អារម្មណ៍ខ្លាំង ព្រោះតែងបង្ហាញភាពផ្អែមល្ហែម ដោយបង្ហោះរូបភាពស្វីតៗ មិនសូវលោះពេល៕

ប្រែសម្រួល៖ សន្យា

ចុចអាន៖ លេចមុខក្នុងវិស័យម៉ូដប៉ុន្មានឆ្នាំ ប្រពន្ធ Justin Bieber រកបានខ្ទង់លានដុល្លារ

ចុចអាន៖ ធ្លាយរូបថតស្រាតននលគករបស់ Selena Gomez ចេញពី iCloud (មានវីដេអូ)