កញ្ញា នី មុនីនាថ រំជួលចិត្ត ពេលគ្រងឈុតព្រះនាងជ័យរាជទេវី

តារាសម្តែងទឹកភ្នែក កញ្ញា នី មុនីនាថ បានធ្វើឱ្យមហាជនមានការភ្ញាក់ផ្អើលគ្រប់គ្នា ក្រោយពេលឃើញរូបនាងស្ថិតក្នុងការតុបតែងខ្លួនលំអរដោយគ្រឿងអលង្ការនារីអប្សរាយ៉ាងស្រស់ស្អាត។

ទន្ទឹមនេះដែរ តារាសម្តែងស្រស់ស្អាត នី មុនីនាថ ក៏បានបង្ហោះរូបភាពអមជាមួយសំណេរដ៏រំជួលចិត្ត ធ្វើឱ្យមហាជនសរសើរគ្រប់គ្នាថា ស្អាតហើយទន់ភ្លន់គួរឲ្យស្រលាញ់ណាស់។

កញ្ញា នី មុន្នីនាថ បានលើកឡើងថា ថែរក្សាក្ដីស្រឡាញ់ ថែរក្សាវប្បធម៌។ នី មុន្នីនាថ បញ្ជាក់ថា ឈុតនេះគឺគ្រងឡើងដើម្បីសម្ដែងល្ខោនក្បាច់បុរាណរឿង ព្រះបាទជ័យវរ្ម័នទី៧ និងព្រះនាងឥន្រ្ទទេវី។

តារាស្រី នី មុនីនាថ បន្ថែមទៀតថា៖ “ការសម្ដែងល្ខោនក្បាច់បុរាណ រឿង ព្រះបាទជ័យវរ្ម័នទី៧ និងព្រះនាងឥន្រ្ទទេវី ត្រូវបានចប់រួចរាល់។ នាងខ្ញុំសូមអរគុណខ្លាំងណាស់សម្រាប់បងប្អូនទាំងអស់ ដែលបានចូលរួមទស្សនា និងគាំទ្រចំពោះរបាំជាតិខ្មែរ នាងខ្ញុំសូមអរគុណដល់អ្នកគ្រូ ឱម យុវណ្ណឌី និង​អ្នកគ្រូ លោគ្រូ​ ចាស់ព្រឹទ្ធាចារ្យដែលលោកបានផ្ដល់ឱកាសឱ្យនាងខ្ញុំបានបង្ហាញសមត្ថភាព”។

កញ្ញា នី មុន្នីនាថ បញ្ជាក់ថា នាងបានខកខានហាត់អស់រយៈពេលប្រមាណ១៧ឆ្នាំមកហេីយ៕

អត្ថបទ៖ ចាន់រ៉ា