គ្រប់គ្នាចំហមាត់ ការជាង១ខែហើយ ទើបដឹងតម្លៃចិញ្ចៀនភ្ជាប់ពាក្យកូនប្រសា Beckham

ទើបតែរៀបការជាមួយកូនប្រុស David Beckham ជាងមួយខែ កូនប្រសាស្រីនាង Nicola ទទួលបានការចាប់អារម្មណ៍យ៉ាងខ្លាំងពីទស្សនិកជនសារជាថ្មី ព្រោះនាង​បានបង្អួត​ចិញ្ចៀន​ភ្ជាប់ពាក្យដែលមាន​តម្លៃកប់ពពក បន្សល់ការជជែកវែកញែកពេញបណ្ដាញសង្គម។

ជីវិតដ៏ប្រណីតរបស់ Nicola មិនថានាងនៅជាកូនស្រីមហាសេដ្ឋី ឬពេលនាងរៀបការរួចនោះទេ ធ្វើឱ្យអ្នកនិយមលេងអ៊ីនធឺណេតនិយាយពីនាងតៗគ្នា។ ជាក់ស្ដែងកាលពីថ្មីៗកន្លងទៅ តារាបង្ហាញម៉ូដរូបនេះ បានបង្ហោះរូបចិញ្ចៀនពេជ្រថ្លៃកប់ក្ដោងមួយវង់ នៅលើបណ្ដាញសង្គមរបស់នាង ធ្វើឱ្យគេឯងផ្អើលសឹងគ្រប់គ្នា។

យោងតាមប្រភពពី Bestie បានឱ្យដឹងថា ចិញ្ចៀនភ្ជាប់ពាក្យរបស់ Nicola និង Brooklyn មានតម្លៃដល់ទៅ ២លានឯណោះ។ តាមការប៉ាន់ស្មានវាជាពេជ្រដែលមានទម្ងន់ពី ៦-៨ការ៉ាត់។ តម្លៃ ២លានដុល្លានេះ គេមិនគិតពីវង់របស់ចិញ្ចៀនដែលមានតម្លៃ ៩ម៉ឺនដុល្លារនោះទេ។

ថ្វីត្បិតចិញ្ចៀននេះទើបតែបង្ហាញក្នុងពេលមិនយូរ ហើយទើបបានដឹងតម្លៃពិតរបស់វាមែន ប៉ុន្តែះមហាជនមិនមានចម្លែកប៉ុន្មាននោះទេ ដោយសារតែគូស្នេហ៍នេះសុទ្ធសឹងតែមកពីគ្រួសារមហាសេដ្ឋី ហើយពួកគេទាំងពីរក៏សុទ្ធតែមានអាជីពរឹងមាំផ្ទាល់ខ្លួនផងដែរ៕

ប្រែសម្រួល៖ សន្យា

ចុចអាន៖ កូនប្រុស Beckham ប្រាប់ពីអាជីពដែលខ្លួនចង់សម្រេច មុនពេលយកកូន

ចុចអាន៖ ដឹងមង្គលការកូនប្រុសច្បង David Beckham ថ្ងៃមុន ចំណាយអស់ប៉ុន្មានអត់?