ខែ ឧសភា តារាខ្មែរ ៤ ដួងជួបទុក្ខធំ ដោយសារ​បាត់​បង់​សាច់ញាតិ

បើគិតត្រឹមខែឧសភា ឆ្នាំ២០២២ តារាចម្រៀងប្រុស-ស្រីល្បីៗរបស់ខ្មែរចំនួន៤ដួង បាន​ជួបទុក្ខក្រៀក្រំក្នុងគ្រួសារដោយសារបាត់បង់មនុស្សជាទីស្រលាញ់ដូចៗគ្នា។

តារាចម្រៀងនិងសម្តែងប្រុស-ស្រីទាំង៤រូប ដែលបាត់បង់សមាជិកគ្រួសារដោយសារមច្ចុរាជឆក់​យកសង្ខាមនុស្សជាទីស្រលាញ់ទៅគ្មានថ្ងៃត្រឡប់នោះរួមមាន៖

១.តារាចម្រៀង ជា សុជាតិ បានជួបទុក្ខដ៏ក្រៀមក្រំ ដោយសារអ្នកម្តាយជាទីស្រលាញ់បានទទួលមរណភាពនៅថ្ងៃទី ១១ ខែឧសភា ឆ្នាំ២០២២។

២.តារាចម្រៀងលោក គឿន នភាល័យ ក៏បានជួបទុក្ខធំក្នុងគ្រួសារដូចគ្នា ខណ:លោកឪពុកបានទទួលមរណភាពនៅថ្ងៃទី ១៥ ខែឧសភា ឆ្នាំ២០២២ក្នុងជន្មាយុ ៧៤ ឆ្នាំ ដោយជរាពាធ។ 

៣.តារាចម្រៀងវ័យក្មេងកញ្ញា វត្ថិឌី ធារីកា បានជួបទុក្ខធំនិងសោកសង្រេងទីបំផុត ខណ:ដែលលោកឪពុកនិងអ្នកម្តាយរបស់​នាងត្រូវបានបាត់បង់ទៅព្រមគ្នាត្រឹមតែមួយប៉ប្រិចភ្នែកកាលពីថ្ងៃទី ១៧ ខែឧសភាឆ្នាំ២០២២។

៤.តារាចម្រៀងតូចច្រឡឹងកញ្ញា ចំរើន សុភ័ក្រ្ត និងក្រុមគ្រួសារក៏បានជួបទុក្ខដ៏ក្រៀមក្រំនិងសោកសៅផងដែរ ខណ:​លោកយាយជាទីស្រលាញ់ បានទទួលមរណភាពទាំងអាល័យកាលពីថ្ងៃទី១៤ ខែឧសភាឆ្នាំ២០២២កន្លងទៅ។

យ៉ាងណាមិញតាមរយ:ដំណឹងនៃមរណ:ទុក្ខដ៏ក្រៀមក្រំនេះគេក៏ឃើញមានមិត្តភក្តិសិល្ប:ដែលសិ្នទ្ធជាមួយតារាចម្រៀងនិង សម្តែងប្រុស-ស្រីល្បីៗទាំងនោះបានសម្តែងការចូលរួមរំលែកទុក្ខដ៏សោកសៅនិងក្រៀមក្រំនេះគ្រប់ៗគ្នាផងដែរ៕

អត្ថបទ៖ ចាន់រ៉ា