ម្ចាស់មកុដ MGI 2021 ដើរដួលលើឆាក​ សឹងផ្កាប់មុខ (មានវីដេអូ)

បវរកញ្ញា​ Nguyen Thuc Thuy Tien ម្ចាស់មកុដ Miss Grand International 2021 បានជំពប់ជើងដួលលើឆាក ពេលកំពុងដើរបង្ហាញម៉ូដក្នុងកម្មវិធីធំមួយ កាលពីរាត្រីម្សិលមិញនេះ។

នារាត្រីថ្ងៃទី២៩ ខែឧសភា ឆ្នាំ២០២២ ជាយប់បិទកម្មវិធី Vietnam International Fashion Week 2022 ដែលបានទាក់ទាញប្រព័ន្ធផ្សព្វផ្សាយឱ្យមកប្រមូលផ្ដុំគ្នាកុះករ នៅជាពិសេសម៉ូដយីហោល្បីៗ ក៏ដូចជាតារាលំដាប់ជួរមុខវៀតណាមជាច្រើនរួមចូលរួមផងដែរ។

នៅក្នុងកម្មវិធីនេះ​ ​បវរកញ្ញា Thuy Tien បានបង្ហាញវត្តមានជាភ្ញៀវធំប្រចាំកម្មវិធី ដោយនាងបានដើរបង្ហាញម៉ូដឱ្យម៉ាកសម្លៀកបំពាក់ “Hoang Hai” ។ បវរកញ្ញារូបនេះ បង្ហាញខ្លួនជាមួយរ៉ូបដ៏ស្រស់ស្អាត លេចធ្លោប្រចាំកម្មវិធី អមជាមួយបុរសសង្ហាពីររូប។ យ៉ាងណាមិញ ពេលកំពុងដើរត្រឡប់ទៅក្រោយឆាកវិញ នាងបានជួបឧប្បត្តិដួលសឹងផ្កាប់មុខ ជាហេតុធ្វើឲ្យទស្សនិកជនជ្រួលច្របល់គ្រប់គ្នា។​

ទស្សនិកជនជាច្រើនដែលទៅមើលផ្ទាល់បានឱ្យដឹងថា ការជំពប់ដួលរបស់ Thuy Tien ដោយសារនាងជាន់ខ្សែស្បែកជើងខ្លួនឯង ទើបនាងរអិលដួលបែបនេះ។ យ៉ាងណាមិញ បន្ទាប់ពីបានប៉ុន្មានវិនាទី បវរកញ្ញារូបនេះបានក្រោកឡើង និងសម្រួលសំពត់រ៉ូបរបស់នាង ហើយបន្តសម្តែងដោយភាពជឿជាក់។ ដោយសារការដោះស្រាយបញ្ហាដ៏ស្ងាត់បែបនេះ Thuy Tien ទទួលបានកោតសរសើរជាច្រើន។

គួរចាប់អារម្មណ៍ផងដែរ កម្មវិធី Vietnam International Fashion Week 2022 ម្សិលមិញ ក្រៅពីបវរកញ្ញា Thuy Tien ក៏មាតារាស្រី ៤រូបទៀតបានជំបប់ជើងដួលផងដែរ។ ក្នុងនោះតារាសម្ដែង Diep Bao Ngoc បានដួលពីរដង។ តារាម៉ូឌែល Trang Pham រអិល ជើងជាមួយរ៉ូបដែលមានសំរ៉ុងវែង។ អ្នករចនាម៉ូដ Linh San H’Hen Niê បានជាន់សំពត់ខ្លួនឯង និងចុងក្រោយតារាស្រី TyhD ត្រូវរ៉ូប​​រុំ​ជាប់​ជើង​ ធ្វើដួលលើឆាកផងដែរ។

សូមទស្សនាវីដេអូខាងក្រោម!

ប្រែសម្រួល៖ សន្យា

ចុចអាន៖ នេះសម្រស់ពិតបវរកញ្ញា Thuy Tien ពេលអត់ផាត់មុខ!