រំភើបបានស្វាគមន៍កូនដំបូង មិត្តប្រុស Rihanna និយាយរឿងនេះទាំងរដាក់រដុប

Rihanna និងមិត្តប្រុស កំពុងទួលបានក្ដីសុខពេញទី បន្ទាប់ពីស្វាគមន៍កូនដំបូងរបស់ពួកគេ ហើយថ្មីៗនេះ តារារ៉េប A$AP Rocky ដែលជាឪពុកក្មេងបានបង្ហាញអារម្មណ៍រំភើប ដោយចែករំលែកទាំងកខិបកខុបពីគម្រោងដែលខ្លួននឹងចិញ្ចឹមកូន ធ្វើឲ្យមហាជនផ្ទុះការចាប់អារម្មណ៍ជាច្រើន។

ក្នុងបទសម្ភាសន៍ជាមួយទស្សនាវដ្តី Dazed តារារ៉េប A$AP Rocky បានបើកចំហពីអារម្មណ៍របស់ខ្លួន នៅពេលស្វាគមន៍កូនដំបូង។ លោកបាននិយាយអំពីគម្រោងដែលលោកស្រមៃខ្លួនឯងជាឪពុក និងអ្វីដែលលោកចង់បង្ហាញដល់កូននៅពេលគេធំឡើង។

“មិនថាមានរឿងអ្វីទេ ខ្ញុំនឹងដាស់តឿនកូនៗរបស់ខ្ញុំជានិច្ច កុំឱ្យគេបាត់បង់ការស្រមើស្រមៃរបស់គេ។ ខ្ញុំពិតជាចូលចិត្តមើលរឿងតុក្កតាដូចជា Teletubbies, Blue’s Clues, Yo Gabba Gabba, Peppa Pig និង Baby Shark ហើយខ្ញុំនឹងអង្គុយមើលរឿងតុក្កតាជាមួយគេ ទាល់តែគេធំឡើងជាមួយខ្ញុំ”។ នេះជាពាក្យរបស់ A$AP Rocky ដែលបានចែករំលែកជាមួយអ្នកសារព័ត៌មាន។

លើសពីនេះ Rocky នឹង​ចិញ្ចឹម​កូន​ឱ្យ​បើក​ចិត្ត​ទូលាយ និងមិន​រើសអើង​អ្នក​ដទៃ។ លោកថា ខ្លួនមិនព្យាយាមចិញ្ចឹមកូនឱ្យក្លាយជាមនុស្សឥតនោះខ្ចោះទេ លោកគ្រាន់តែចង់ឱ្យកូនរបស់លោកមានចិត្តត្រជាក់ស្ងប់ដូចឪពុកម្ដាយគេប៉ុណ្ណោះ។

ជាមួយគ្នាដែរ តារារ៉េបប្រុសរូបនេះ ក៏បានបង្ហាញពីក្ដីស្រឡាញ់ដ៏ជ្រាលជ្រៅចំពោះ Rihanna ដោយនិយាយថា នាងគឺជាជីវិតរបស់លោក និងជាមនុស្សស្រីម្នាក់ដែលមានអត្ថន័យពិសេសបំផុតចំពោះខ្លួនលោក។

គួររំលឹកថា ​មុន​ពេល​សម្រាល​កូន Rihanna និង​មិត្ត​ប្រុសធ្លាប់​​ផ្ទុះ​​រឿងជម្លោះដ៏ខ្លាំងមួយ។ ពាក្យ​ចចាមអារ៉ាម​ថា A$AP Rocky មាន​ទំនាក់ទំនង​ស្នេហា​ជាមួយ​អ្នក​រចនា​ស្បែក​ជើង​ម៉ាក​យីហោ​ផ្ទាល់​ខ្លួន​ ដែល​បង្កើត​ឡើង​ដោយ Rihanna ខណៈ​ដែល​តារា​ចម្រៀង​រូប​នេះ​មាន​ផ្ទៃ​ពោះ។

ឆ្លើយ​តប​នឹង​ពាក្យ​ចចាមអារ៉ាម​គ្មាន​មូលដ្ឋាន គូស្នេហ៍​មួយ​គូ​នេះ​ពុំមានប្រតិកម្មតបតឡើយ។ ​ហើយទោះបីជាមានភាពចម្រូងចម្រាសយ៉ាងណាក៏ដោយ ក៏អ្នកទាំងពីរនៅតែបង្ហាញពីក្តីស្រឡាញ់ដ៏រឹងមាំរបស់ពួកគេ តាមរយៈការចិញ្ចឹមកូនជាមួយគ្នា៕

ប្រែសម្រួល៖ សន្យា

ចុចអាន៖ Selena Gomez បង្ហើបថា គ្រោងនឹងចេញអាល់ប៊ុមថ្មី នាពេលខាងមុខ