សំណុំក្ដីបរិហារកេរ្តិ៍ដ៏ល្បីកក្រើក រវាង Johnny និងអតីតភរិយា​ ឈានដល់ទីបញ្ចប់

សំណុំរឿងបរិហារកេរ្តិ៍ដ៏ល្បីកក្រើក រវាងតារាហូលីវូដ Johnny Depp  និងអតីតភរិយានាង Amber Heard នៅថ្ងៃនេះបានឈានដល់ទីបញ្ចប់ហើយ ដោយតុលាការកាត់ក្ដីឱ្យ Johnny​ ជាអ្នកឈ្នះបណ្ដឹង។

ក្រោយកាសែត The Washington Post បានចុះផ្សាយអត្ថបទពាក់ព័ន្ធនឹងអំពើហិង្សាក្នុងគ្រួសារ ដែលមាន Amber ជាជនរងគ្រោះ Johnny បានចេញមុខប្ដឹងបកអតីតភរិយាពីបទបរិហារកេរ្តិ៍ ហើយអ្នកទាំងពីរបន្តប្ដឹងផ្ដល់គ្នាទៅវិញទៅមក រហូតមកទល់នឹងឆ្នាំ ២០២២នេះ។

អស់រយៈពេល ៧សប្ដាហ៍ បន្ទាប់មេធាវីទាំងសងខាងបានរកឃើញភ័ស្តុជាច្រើន និងមានកូនក្ដីទាំងពីរឡើងធ្វើសក្ខីកម្មម្ដងម្នាក់ ពេលនេះគណៈវិនិច្ឆ័យទាំង ៧រូប បានផ្តល់សំណងការខូចខាតដល់ Amber Heard ចំនួន ២លានដុល្លារ។ ប៉ុន្តែចុងក្រោយ គណៈវិនិច្ឆ័យបានឱ្យ Amber ផ្តល់សំណងដល់ Johnny Depp ចំនួន ១៥លានដុល្លារអាមេរិកវិញ ដើម្បីបញ្ចប់ក្តី ព្រោះគណៈវិនិច្ឆ័យបានរកឃើញថា Amber មិនបានរងគ្រោះដោយសារអំពើហិង្សាក្នុងគ្រួសារ និងការរំលោភផ្លូវភេទនោះទេ៕

ប្រែសម្រួល៖ សន្យា

ប្រភព៖ Fox News

ចុចអាន៖ លម្អិតខ្ទេចគ្មានសល់ អំពីបណ្តឹងអូសបន្លាយរវាង Johnny និង Amber