បើកកកាយការចាយវាយរបស់អតីតភរិយា Johnny អស់ប្រាក់៧លាន ខ្ទេចគ្មានសល់ មិនចូលមូលនិធិសូម្បី១សេន

បណ្ដឹងលែងលះកាលពីឆ្នាំ២០១៦ តារាសម្ដែងអាមេរិកាំង Johnny Depp បានចំណាយប្រាក់ ៧លានដុល្លារបង់ឱ្យ Amber Heard បន្ទាប់ពីសំណុំក្ដីត្រូវកាត់ឱ្យអតីតភរិយាជាអ្នកឈ្នះ។ កាលណោះ Amber បានប្រកាសជាសាធារណៈថា ខ្លួននឹងបរិច្ចាគប្រាក់លែងលះទៅឱ្យអង្គការសប្បុរសធម៌ ប៉ុន្តែធាតុពិតប្រាក់ទាំងអស់មិនបានចូលទៅក្នុងមូលនិធិបស់អង្គការសូម្បី១សេនឡើយ។

ក្រោយមក មេធាវីរបស់ Johnny Depp បានរកឃើញភ័ស្តុតាងជាច្រើនបញ្ជាក់ថា ពាក្យសន្យារបស់ Amber កាលពីប៉ុន្មានឆ្នាំមុន សុទ្ធសឹងជាការកុហក ហើយប្រាក់ដ៏សន្ធឹកសន្ធាប់ដែលទទួលបានពីអតីតស្វាមី នាងបានយកទៅចាយវាយហ៊ឺហារលើការធ្វើដំណើរកម្សាន្ត ទទួលទានអាហារលំដាប់ខ្ពស់ និងសម្ភារប្រេនៗមួយចំនួនឯណោះទៅវិញ។

វីឡាប្រណីត

យោងតាមកំណត់ត្រា នៅក្នុងឯកសារដែលដាក់ដោយក្រុមច្បាប់របស់ Amber បង្ហាញថា នាងបានចំណាយប្រាក់ប្រហែល ១សែន២ម៉ឺនដុល្លារក្នុងមួយឆ្នាំ លើការជួលវីឡាដ៏ប្រណីត រស់នៅបែបឯកជន យ៉ាងសុខស្រួលបំផុត។ បន្ទាប់ពីលែងលះពី Johnny តារាស្រីរូបនេះ​រស់នៅ​យ៉ាងស៊ីវិល័យ ដោយចំណាយ​លុយ​មិន​ស្តាយ​អីបន្តិចឡើយ។

អំណោយ និងការធ្វើដំណើរកម្សាន្ត

នៅក្នុងការវិភាគហិរញ្ញវត្ថុលម្អិត Amber Heard បានប្រាប់តុលាការថា នាងចំណាយប្រាក់ប្រហែល ៥ពាន់ដុល្លារក្នុងមួយខែ លើការកម្សាន្តនានា និងទិញអំណោយជូនមិត្តភក្ដិ។ ទន្ទឹមនឹងនោះ គេប៉ាន់ស្មានថា តារាស្រីរូបនេះ រកចំណូលបានត្រឹមតែ ១ម៉ឺនដុល្លារ ក្នុងមួយខែប៉ុណ្ណោះ ប៉ុន្តែនាងហ៊ានចំណាយរហូតដល់ ៦ម៉ឺនដុល្លារ ដើម្បីធ្វើវិស្សមកាលប្រចាំឆ្នាំ។

សម្លៀកបំពាក់ប្រេន

Amber ធ្លាប់​​អះអាង​ថា​ ខ្លួនបាន​ចំណាយ​ប្រាក់យ៉ាងហោច ២ពាន់ដុល្លារ ក្នុង​មួយ​ខែ​លើ​សម្លៀក​បំពាក់ ដែល​នាំ​ឱ្យ​ចំនួន​សរុប​ប្រចាំ​ឆ្នាំ​កើន​ដល់​ជាង ១១ម៉ឺនដុល្លារ។ ទោះបីជានាងធ្លាប់ជាឯកអគ្គរដ្ឋទូតសម្រាប់ម៉ាកល្បីៗដូចជា Guess និង L’Oréal Paris ពិតមែន មិនមានន័យថាគ្រប់សម្លៀកបំពាក់ទាំងអស់នឹងមិនគិតថ្លៃនោះទេ។ ក្រៅពីនោះ Amber ត្រូវចំណាយលើជាងច្នៃ​ម៉ូដ ​និងសាឡនបន្ថែមទៀត។

អាហារថ្លៃៗ

ឯកសាររបស់តុលាការបង្ហាញទៀតថា Amber បានចំណាយប្រាក់ ៤ពាន់ដុល្លារ លើការញ៉ាំអាហារ និងទិញគ្រឿងទេស ជារៀងរាល់ខែ។ នាងក៏បានចំណាយប្រាក់ជាង ៣ពាន់ដុល្លារបន្ថែមទៀតលើអាហារក្រៅផ្ទះផងដែរ។

ការចំណាយផ្សេងៗ

ក្រៅការចំណាយខាងលើ កំណត់ត្រាហិរញ្ញវត្ថុរបស់តារាស្រីរូបនេះក៏បានរាយបញ្ជីចំនួនលុយដែលនាងប្រើសម្រាប់ទិញសម្ភារៈសត្វចិញ្ចឹម បូករួមទាំងការចំណាយទៅលើមន្ត្រីទំនាក់ទំនងសាធារណៈ និងមេធាវីរបស់នាង។

ស្របពេលដែលអតីតស្វាមីត្រូវតស៊ូអស់រយៈពេលជាច្រើនឆ្នាំ ដោយសារតែការចោទប្រកាន់របស់នាង Amber ឯណោះវិញបានរស់នៅដោយសុខស្រួលជាមួយនឹងជីវិតដ៏ប្រណីត ដែលប្រាក់ចំណាយសឹងទាំងអស់ គឺជាប្រាក់បានមកពីការលែងលះ។ ថ្វីត្បិតតែនាងមិនអាចរកចំណូលបានច្រើនពីការសម្ដែងក៏ដោយ ក៏នាងតែងតែចំណាយដោយសេរីទៅលើរបស់ថ្លៃៗ និងប្រណីតបំផុត។

យ៉ាងណាមិញ បណ្ដឹងបរិហាកេរ្តិ៍ចុងក្រោយនេះ Amber បានចាញ់ក្ដីអតីតស្វាមី ដោយតុលាការសម្រេចឱ្យនាងបង់ប្រាក់ជូន Johnny Depp ចំនួន ១៥លានដុល្លារអាមេរិក៕

ប្រែសម្រួល៖ សន្យា

ចុចអាន៖ សំណុំក្ដីបរិហារកេរ្តិ៍ដ៏ល្បីកក្រើក រវាង Johnny និងអតីតភរិយា​ ឈានដល់ទីបញ្ចប់