ជីវិតកម្សាន្ដ
Psy រៀបរាប់ពីជីវិតក្រោយពេលបទ Gangnam Style ១០ឆ្នាំ
រយៈពេល១០ឆ្នាំ បន្ទាប់ពីបទចម្រៀង Gangnam Style ទទួលបានជោគជ័យបំផុតទូទាំងពិភពលោក តារាចម្រៀងកូរ៉េខាងត្បូង Psy កំពុងរស់នៅក្នុងជីវិតដ៏ល្អ ជាមួយនឹងមោទកភាពចំពោះពានរង្វាន់ដ៏ងស្ចារ្យ និងរួចផុតពីសម្ពាធនៃជោគជ័យម្តងហើយម្តងទៀត។
ដាក់បញ្ចូលក្នុងគណនី YouTube កាលពីថ្ងៃទី១៥ ខែកក្កដា ឆ្នាំ២០១២ បទចម្រៀងរបស់លោកចាប់ផ្តើមល្បីល្បាញទូទាំងពិភពលោកជាមួយនឹងសញ្ញាពាណិជ្ជកម្មផ្ទាល់ខ្លួនតាមរយៈក្បាច់រាំជិះសេះ និងបំផុសគំនិតរាប់ពាន់។
វាជាវីដេអូដំបូងគេនៅក្នុង YouTube ដែលមានអ្នកចូលទស្សនាដល់១ប៊ីលានដង ហើយវាក្លាយជាបទចម្រៀងរបស់ Psy មុនគេបង្អស់ក្នុងពិភពសិល្បៈកម្សាន្ត K-pop ដែលទទួលបានការគាំទ្រច្រើនបំផុតទូទាំងពិភពលោក។
នៅពេលបទចម្រៀងល្បីល្បាញឈានដល់កម្រិតកំពូល លោកត្រូវបានគេឃើញគ្រប់ទីកន្លែងនៅលើឆាកតន្ត្រីជាមួយតារាចម្រៀងពិភពលោកដូចជា សម្តែងនៅឆាកជាមួយ Madonna នៅខាងមុខប្រាសាទ Eiffel Tower និងបានសម្តែងទាំងមុនពេល និងក្រោយពេលប្រធានាធិបតី អាមេរិក Barack Obama។
ប៉ុន្តែភាពជោគជ័យនៃបទចម្រៀង Gangnam Style បានក្លាយជាដាវមុខពីរដែលបានធ្វើឲ្យមាន សម្ពាធដ៏ធំសម្រាប់បញ្ចេញនូវអ្វីដែលជោគជ័យបន្ថែមទៀត។ នៅពេលនោះ Psy ចាត់ទុកថា រយៈពេលដ៏លំបាកខ្លាំងបំផុតនៃជីវិតរបស់លោក។
តារាចម្រៀងរ៉េប Psy បានប្រាប់ទីភ្នាក់ងារសារព័ត៌មាន AFP ក្នុងបទសម្ភាសនៅទីស្នាក់ការកណ្តាលក្រុមហ៊ុនរបស់លោកនៅទីក្រុង Gangnam ថា ៖«អ្វីៗក្លាយជាធ្ងន់ធ្ងរ និងកាន់តែលំបាក ពីព្រោះ….រាល់ពេលខ្ញុំត្រូវមានបទចម្រៀងខ្លាំងបែបនេះ។ ខ្ញុំពឹងផ្អែកខ្លាំងលើបទចម្រៀង… ប៉ុន្តែអ្នកដឹងទេ នោះគឺ១០ឆ្នាំកន្លងទៅហើយ ដូច្នេះឥឡូវនេះ ខ្ញុំពិតជាមានសេរីភាពណាស់»។
បទ Gangnam Style បានផ្លាស់ប្តូរមិនត្រឹមតែអាជីពរបស់ Psy ប៉ុណ្ណោះទេ ប៉ុន្តែឧស្សាហកម្មតន្ត្រីក៏ប្រែប្រួល ដែលបង្ហាញឲ្យឃើញនូវតារាសិល្បៈម្នាក់មិនត្រឹមសម្តែងជាភាសាលេចធ្លោប៉ុណ្ណោះទេ ថែមទាំងទទួលបានអ្នកទស្សនាអន្តរជាតិតាមរយៈអ៉ីនធឺណេតទៀតផង។
វាក៏ជំរុញឲ្យមានការផ្លាស់ប្តូរពីរបៀបតារាសិល្បៈតន្ត្រីត្រូវបានចងក្រងនៅកម្មវិធី Billboard ដែលមានអ្នកមើលតាម YouTube ច្រើនបំផុត។ Psy និយាយថា ៖«តន្ត្រី K-pop ពិតជាទាក់ទាញខ្លាំងនៅលើ YouTube, ពួកគេទទួលបានអ្នកចូលមើលច្រើនណាស់។ ប្រសិនបើ Billboard មិនផ្លាស់ប្តូរទេ វានឹងមិនស្រួលនោះទេ»។
កេរ្តិ៍ឈ្មោះរបស់ Psy ត្រូវបានទទួលស្គាល់ក្នុងចំណោមតារា K-pop ល្បីៗបំផុត។ សមាជិករបស់ក្រុមតារាចម្រៀង BTS គឺបុរសសង្ហា Suga បាននិយាយថា ៖«លោក (Psy) ជាបុគ្គលម្នាក់ដែលខ្ញុំតែងតែអរគុណ។ តាមរយៈបទ Gangnam Style លោកបានត្រួសត្រាផ្លូវសម្រាប់តន្ត្រី K-pop ចូលទៅក្នុងទីផ្សារអាមេរិក។ យើងខ្ញុំអាចដើរតាមគន្លងរបស់លោកកាន់តែងាយស្រួល»។
Psy ដែលមានឈ្មោះពិត Park Jae-sang ជាតារាចម្រៀងល្បីម្នាក់ហើយនៅក្នុងប្រទេសកូរ៉េខាងត្បូងមុនពេលបទចម្រៀង Gangnam Style។ លោកបានលើកឡើងពីព្រះមហាក្សត្រិយានីជាអ្នកជំរុញទឹកចិត្តដំបូងរបស់លោក ពោលគឺពេលលោករៀននៅវិទ្យាល័យ។ ពេលនោះ លោកបានទស្សនាវីដេអូមួយរបស់ក្រុមតារាចម្រៀងដ៏ល្បីល្បាញរបស់អង់គ្លេសក្នុងការប្រគំតន្ត្រីនៅកីឡដ្ឋាន Wembley ឆ្នាំ១៩៨៦។
«ខ្ញុំបានគិតថា ខ្ញុំចង់សម្តែងដូចគាត់ (Freddie Mercury)»។ Psy បាននិយាយ និងបន្តថា «នៅពេលនោះ ខ្ញុំអត់ចេះតន្ត្រីច្រើនទេ សូម្បីតែច្រៀងក៏អត់ពិរោះដែរ… ខ្ញុំចេះតែរាំដើម្បីសប្បាយៗ»។
នៅពេលចូលសាកលវិទ្យាល័យនៅសហរដ្ឋអាមេរិកចុងទសវត្សរ៍ឆ្នាំ១៩៩០ លោកបានលាតត្រដាងអ្វីជាច្រើនដែលត្រូវបានចាត់ទុកជាយុគសម័យមាសនៃតន្ត្រីហ៊ីបហប ក្នុងនោះមានតារារ៉េប Tupac Shakur និង The Notorious BIG ជាដើម។
Psy បាននិយាយថា ៖«ខ្ញុំបានឮតន្ត្រីហ៊ីបហបរាល់ថ្ងៃតាមវិទ្យុ។ ខ្ញុំបានគិតថា អូ! ប្រសិនបើខ្ញុំមិនអាចច្រៀងបានពិរោះ អីចឹងខ្ញុំអាចរ៉េប។ បន្ទាប់មក ខ្ញុំបានសម្តែង»។
ការបង្ហាញខ្លួនដំបូងនៅឆ្នាំ២០០១ លោកមានកេរ្តិ៍ឈ្មោះយ៉ាងឆាប់រហ័សតាមរយៈការលេចមុខសម្តែងលើឆាកជាច្រើន និងឈ្នះពានរង្វាន់ជាច្រើនទៀតផង។
ភាពចម្រូងចម្រាសខុសពីធម្មតាសម្រាប់តារាចម្រៀងប៉ុបកូរ៉េរូបនេះបានកើតមាន។ បទចម្រៀង និងវីដេអូចម្រៀងមុនៗជាច្រើនត្រូវបានផ្តល់ចំណាត់ថ្នាក់សម្រាប់មនុស្សធំពេញវ័យ ដោយសារជាអ្វីដែលត្រូវបានត្រួតពិនិត្យរបស់រដ្ឋចាត់ទុកមិនល្អ។
ចាប់តាំងពីផ្ទុះបទ Gangnam Style នោះមក Psy បានចេញអាល់ប៊ុមចំនួន៣។ អាល់ប៊ុមចុងក្រោយបំផុតគឺ Psy 9th ចេញក្នុងខែមេសាដោយ P NATION ដែលជាសញ្ញាពាណិជ្ជកម្ម និងភ្នាក់ងារដែលលោកបានបង្កើតក្នុងឆ្នាំ២០១៩។
Psy បានទទួចថា ៖«Gangnam Style នៅតែជាប្រភពដ៏ធំបំផុតនៃមោទកភាព។ បទនេះជាជោគជ័យដ៏អស្ចារ្យ និងធំធេងបំផុតក្នុងជីវិតរបស់ខ្ញុំ។ រាល់ពេលខ្ញុំសម្តែងលើឆាក វាគឺជាអាវុធដ៏ខ្លាំងបំផុត។ ខ្ញុំជាអ្នកសិល្បៈដែលសំណាងម្នាក់។ សព្វថ្ងៃនេះ ខ្ញុំសប្បាយចិត្តបំផុត»៕
ប្រែសម្រួល៖ វីរបុត្រ
ប្រភព៖ AFP
កម្ពុជាបានចំណាយជាង២,៦៩ពាន់លានដុល្លារនាំចូលប្រេងឥន្ធនៈ និងប្រេងម៉ាស៊ូតក្នុងឆ្នាំ២០២៤
រដ្ឋមន្ត្រីមហាផ្ទៃបង្ហើបពីការសិក្សាកែសម្រួលការជ្រើសរើស និងលក្ខណៈសម្បត្តិថ្នាក់ដឹកនាំភូមិ
Justin ស្រាប់តែ Unfollow ភរិយានិងប៉ាក្មេក ខណៈគេសង្ស័យថា ចំណងអាពាហ៍ពិពាហ៍រង្គោះរង្គើ
ឥណ្ឌូណេស៊ីពិន័យ Google ជាង ១២ លានដុល្លារ ដោយចោទពីបទ «អនុវត្តអាជីវកម្មមិនស្មើភាពគ្នា»
រថយន្តកូរ៉េដឹកជ្រូក បើកគេចម៉ូតូឆ្លងផ្លូវ ជ្រុលបុកខឿនចែកទ្រូងផ្លូវខ្ទាតប៉ះម៉ូតូដួល របួសធ្ងន់ម្នាក់
បៃដិន ទុកសំបុត្រមួយច្បាប់ឲ្យ ត្រាំ នៅក្នុងថតតុ
ចាក់សោផ្ទះទៅផ្សារមួយភ្លែត សង្ស័យឆ្លងចរន្តអគ្គិសនី ឆាបឆេះអស់សម្ភារៈមួយចំនួន
Elon Musk សប្បាយអរជាងគេជាងឯង ពេលឮ ត្រាំ សន្យាដាក់ទង់ជាតិអាមេរិកលើភពអង្គារ
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
ធ្លាក់ព្រឹលខ្លាំងពេក រដ្ឋភាគខាងត្បូងអាមេរិកប្រកាសអាសន្ន ខណៈមនុស្ស២២០លាននាក់រងផលប៉ះពាល់
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ១ សប្តាហ៍ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ចរាចរណ៍៣ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់