ជីវិតកម្សាន្ដ

ភស្តុតាងថ្មី ឆន សុវណ្ណារាជ បញ្ចេញក្រោយមានការយល់ច្រឡំកាន់តែធ្ងន់

បានផុស

២ years មុន

នៅ

ថ្ងៃសៅរ៍ ៤ មិថុនា ២០២២

ដោយ

ថ្វីត្បិតតារាចម្រៀងលោក ឆន សុវណ្ណារាជ បានចេញមុខបកស្រាយជាបន្តបន្ទាប់ ជុំវិញរឿងរ៉ាវយល់ច្រឡំមួយចំនួនមកលើរូបលោកហើយក៏ពិតមែន ប៉ុន្តែសន្ទុះនៃឥទ្ធិពលរិះគន់នៅតែមិនទាប់ស្ងប់រលកនេះនៅឡើយទេ។

ផ្ទុយមកវិញ អំឡុងពេលជាមួយគ្នានេះដែរ ស្រាប់តែមានការបញ្ចេញសារភ្ជាប់នឹងកាត់តវីដេអូរបស់លោក ឆន សុវណ្ណារាជ គ្រាដែលបញ្ចេញមតិទៅលើតារាចម្រៀងស្រី ឈីន រតនៈ មកភ្ជាប់ជាមួយសាច់រឿងបេក្ខជន ទុំ សុវត្ថិ ដែលធ្វើឲ្យមហាជនកាន់តែផ្ទុះការយល់ច្រឡំ និងរិះគន់លោកឥតសំចៃមាត់ថែមទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់ព័ន្ធបញ្ហានេះដែរ នៅយប់ថ្ងៃទី០៣ខែមិថុនាឆ្នាំ ២០២២គេឃើញលោក ឆន សុវណ្ណារាជ បង្ហោះភ្ជាប់ជាមួយវីដេអូថ្មីគ្រាដែលបញ្ចេញទស្សន:លើតារាច្រៀង ឈីន រតនៈ ដោយបានរៀបរាប់ដូច្នេះថា«នេះជាវីដេអូពិតប្រាកដ ដោយសារតែមានវីដេអូកាត់តធ្វើអោយបងប្អូនមានការយល់ច្រឡំ សូមពុកម៉ែបងប្អូនមើលដោយការពិចារណា ដើម្បីកុំអោយមានការយល់ច្រឡំច្រើនមកលើរូបខ្ញុំបាទ»។

តារាចម្រៀងលោក ឆន សុវណ្ណារាជ បន្តទៀតថា សូមអរគុណដល់ប្អូនស្រី Chann Davyy ដែលផុសវីដេអូមួយនេះហើយក៏សូមទោសផងដែលយកមកផុសបន្តសង្ឃឹមថា យោគយល់ណាសូមអរគុណ។

តាមរយៈនេះក៏មានការចូលទៅខំមិនដោយអ្នកខ្លះបន្តរិះគន់ ឯខ្លះលើកទឹកចិត្តខណ:មានការលើកឡើងដែរថា «ហ៊ឺពូខំជេរឡើង២ថ្ងៃSorryចឹង»។ ជាការឆ្លើយតបតារាចម្រៀង ឆន សុវណ្ណារាជបានតបវិញយ៉ាងខ្លីថា«អ្នកមិនដឹងគ្មានកំហុស»៕

អត្ថបទ៖ ចាន់រ៉ា

Related Topics:ឆន សុវណ្ណរាជ