ជីវិតកម្សាន្ដ

ផ្អើលអ្នកគាំទ្រ! Justin Bieber ប្រឈមនឹងជំងឺខ្វិន ដោយសារមេរោគមួយប្រភេទ (មានវីដេអូ)

បានផុស

៣ years មុន

នៅ

ថ្ងៃសៅរ៍ ១១ មិថុនា ២០២២

ដោយ

វាបានក្លាយជាសុបិន្តអាក្រក់សម្រាប់អ្នកគាំទ្រ ជាពិសេសអ្នកដែលទន្ទឹងរង់ចាំការប្រគុំតន្ត្រី បន្ទាប់ពីតារាចម្រៀង Justin Bieber បានបង្ហាញតាមរយៈ Instagram ដោយនិយាយថា មុខរបស់លោកខ្វិន ដោយសារមេរោគដែលគេស្គាល់ថាជា Ramsay Hunt។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រឿងរ៉ាវដ៏គួរឲ្យភ្ញាក់ផ្អើលរបស់តារាចម្រៀងវ័យ២៨ ឆ្នាំរូបនេះ ត្រូវបានបង្ហាញនៅលើ Instagram ដោយ Justin បានបង្ហោះឃ្លីបដែលមានរយៈពេល ២.៥៤ នាទី ពន្យល់ពីមូលហេតុដែលលោកត្រូវពន្យារពេលការសម្តែងរបស់ខ្លួន នៅឯការប្រគុំតន្ត្រីថ្មីៗនេះ ហើយនិយាយថា លោកត្រូវបានគេធ្វើរោគវិនិច្ឆ័យថាមាន Ramsay Hunt ។ រោគសញ្ញាដែលបន្សល់ទុកផ្នែកខាងស្តាំ នៃមុខរបស់លោកបានខ្វិន។

Justin បានពន្យល់នៅក្នុងវីដេអូរយៈពេល ២.៥៤ នាទីថា “ដូចដែលអ្នកគ្រប់គ្នា ឃើញពីមុខរបស់ខ្ញុំ ខ្ញុំមានជំងឺមួយឈ្មោះថា Ramsay Hunt វាប៉ះពាល់ដល់សរសៃប្រសាទ auditory និងសរសៃប្រសាទមុខ។ លោកក៏បានចង្អុលទៅភ្នែកស្ដាំរបស់លោក ហើយនិយាយថាបន្ថែមថា ភ្នែកនេះមិនអាចព្រិចភ្នែកបានទេ។ រន្ធច្រមុះក៏មិនអាចកម្រើកបាន ផ្នែកនេះនៃមុខរបស់ខ្ញុំ គឺពិការទាំងស្រុង”។

Justin Bieber ក៏បន្ថែមទៀត ដោយនិយាយសុំទោសដល់អ្នកគាំទ្រ ជាមួយនឹងការលុបចោលការប្រគុំតន្ត្រីនាពេលថ្មីៗនេះ ហើយវាជាការខកចិត្តយ៉ាងខ្លាំងពីអ្នកគាំទ្រលោក។ ខណៈពេលនេះ លោកមិនអាចបញ្ចេញសកម្មភាពណាមួយលើរាងកាយបានទេ។ ដូច្នេះ លោកត្រូវសម្រាក ហើយព្យាបាលលើមុខ ដើម្បីឲ្យឆាប់ត្រលប់មកដូចដើមវិញ។

ទន្ទឹមនឹងនោះដែរ អ្នកគាំទ្រ និងឥស្សរជនល្បីៗនៅក្នុងឧស្សាហកម្មនេះ បានបង្ហោះសារគាំទ្រ រួមទាំង Scooter Braun ផងដែរ។ ខណៈអ្នកគ្រប់គ្រងរបស់ Justin Bieber បានបង្ហោះសារលើកទឹកចិត្ត ឲ្យតារារូបនេះបានប្រសើរឡើងវិញ៕

សូមទស្សនាវីដេអូខាងក្រោម