ក្មេងស្ទាវ ៣ នាក់ជិះបុករថយន្តទំនើបលោក ករុណា ពេជ្រ ទាំងកំរោល

តារាចម្រៀងលោកករុណា ពេជ្រ បានជួបគ្រោះថ្នាក់ បន្ទាប់ពី​មាន​យុវជន​គ្នា ៣ នាក់ជិះម៉ូតូមកបុកពីមុខទាំងកំរោលបណ្តាលឲ្យរងការខូចខាត តែ​សំណាងល្អមិនមានអ្នករងរបួស។

បើតាមការបញ្ជាក់ពីតារាចម្រៀងលោក ករុណា ពេជ្រ បានឲ្យដឹងថា រថយន្តរបស់លោករងការ​ខូចខាតផ្អែកស្តុកខាងមុខមួយចំហៀង ដោយសារ​ជួបគ្រោះថ្នាក់ត្រូវម៉ូតូក្មេងស្ទាវជិះបុក​នៅ​ម៉ោង​ជាង ៨ យប់ ខណៈ​ចេញពីកម្មវិធី​បុណ្យត្រឡប់ជិតដល់ផ្ទះ។

បើ​តាម​តារា​ចម្រៀង​រូប​នេះ ក្មេងស្ទាវទាំង ៣ នាក់នោះមិនមានប៉ះពាល់ដល់ជីវិត ហើយនៅអាចដើរលើកម៉ូតូឌុបគ្នាទៅទៀតបានដោយមិនមានរបួសធ្ងន់។ សំណាងហើយដែលប៉ះខាងមុខឡានប្រសិ នបើបុកចំកណ្តាលតួឡានវិញមិនដឹងអ្នកទាំងបីគ្រោះថ្នាក់ខ្លាំងដល់កំរិតណា ហើយម៉ូតូមិនដឹងរួញយ៉ាងយ៉ាងទេ។

លោក ករុណា ពេជ្រ បន្ថែមថា ស្ថានភាពរបស់ក្មេងៗទាំង៣នោះមើលទៅមិនសូវធូរធារទេ ហើយមានអាយុប្រហែល​២០ ឆ្នាំចុះក្រោម។

កាល ពីប៉ុន្មានថ្ងៃមុនបញ្ហានេះធ្លាប់កើតលើតារាចម្រៀងកញ្ញា រ៉ាប៊ី និងលោក ពេជ្រ ថាណា ជាបន្តបន្ទាប់តែពេលនេះបែរមកធ្លាក់លើលោក ករុណ ពេជ្រ ម្តងវិញ៕

អត្ថបទ៖ ចាន់រ៉ា