ជីវិតកម្សាន្ដ

ក្រោយរងការរិះគន់យ៉ាងចាស់ដៃ Mario បង្ហោះឃ្លិបសុំទោស Lisa ភ្លាមៗ

បានផុស

៣ years មុន

នៅ

ថ្ងៃអង្គារ ១៤ មិថុនា ២០២២

ដោយ

ឃ្លិបវីដេអូរបស់តារាសម្ដែងប្រុស Mario Maurer កំពុងក្លាយជាប្រធានបទដ៏ក្ដៅគគុកលើអ៊ិនធើណេត បន្ទាប់ពីលោកនិងអ្នកគ្របគ្រង និយាយពីឈ្មោះរបស់ Lisa បែបលេងសើច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មូលហេតុនៃរឿងនេះ ផ្ដើមចេញពីការសន្ទនាគ្នា នៅពេលតារាសម្តែងវ័យ៣៣ ឆ្នាំនេះ កំពុងធ្វើម៉ូដសក់នៅមុនកម្មវិធី Louis Vuitton Fall Winter 2022 នៅមជ្ឈមណ្ឌលផ្សារទំនើបមួយនៅ Icon Siam ជាមួយតារាកូរ៉េ Park Bo Gum។ ខណៈនោះ Cho ដែលជាអ្នកគ្រប់គ្រងរបស់ Mario បាននិយាយថា ” កាត់សក់សេះបែបនេះហើយ តិចទៀតនឹងថតរូបផ្ញើឲ្យ Lisa មើល។ តែMario ឆ្លើយបែបកំប្លែងទៅវិញថា ឈប់រញ៉េរញ៉ៃជាមួយ Lisa ទៅ! តែអ្នកគ្រប់គ្រងនេះនៅតែនិយាយលេងថា អូន Lisa ច៎ា តើអូនទំនេរទេ បង Mario ចង់អញ្ចើញអូនមកកម្មវិធី Oh Lunla។ បន្ទាប់មកលោក ស្រាប់តែចូលមើលមើលគណនី Lisa ម្តងទៀត លែងកើតទៅហើយ។

លោកក៏បានបន្ថែមទៀតថា អ្នកគ្រប់គ្រង់របស់ខ្លួនបានផ្ញើសារទៅ Lisa ដោយចង់ឲ្យនាងមកក្នុងកម្មវិធី Oh Lunla ជាមួយនឹងខ្លួន ប៉ុន្តែមិនមានការឆ្លើយតប ថែមទាំងត្រូវនាងប្លុក មិនឲ្យតាមដានបានទៀត។

បន្ទាប់ពីរឿងរ៉ាវក្នុងវីដេអូឃ្លីបនេះត្រូវបានបង្ហាញ វាបានបង្កឲ្យមានការរិះគន់យ៉ាងចាស់ដៃ ក្នុងចំណោមអ្នកនិយមលេងអ៊ីនធឺណិត។ រហូតមកដល់នេះ នៅលើ Channel YouTube របស់ Mario វីដេអូឃ្លីប ៣៥វិនាទីត្រូវបានបង្ហោះជាមួយនឹងខេបសិនថា “Sorry Lisa “ជំរាបសួរ ខ្ញុំគឺ Mario! ខ្ញុំចង់សុំទោសអ្នកគាំទ្រ Lisa ទាំងអស់គ្នា សូមកុំយល់ច្រលំ ឬគិតរឿងផ្សេង តាមពិតខ្ញុំនិយាយលេងក្នុងឃ្លីប វាជាការលេងសើចរបស់បង Cho អ្នកគ្រប់គ្រងរបស់ខ្ញុំ។ ហើយ Lisa ពិតជាមិនបានប្លុកអ្នកគ្រប់គ្រងលោកទេ។ ប៉ុន្តែខណៈពេលដែលយើងកំពុងថតឃ្លីប បង Cho និយាយលេងសើចឲ្យសប្បាយ។ យ៉ាងណាមិញ ខ្ញុំពិតជាសុំទោសអ្នកគាំទ្រ Lisa ទាំងអស់ ចំពោះអ្វីដែលបានកើតឡើងនាថ្ងៃនោះ។