រៀបការស្វាមីទី៣រួចភា្លម Britney Spears ចាយជិត ១២លានដុល្លារទិញវិមានថ្មី នៅជិតអតីតស្វាមីទី២

ទើបតែរៀបការរួចមិនបានប៉ុន្មានថ្ងៃ តារាចម្រៀងប៉ុប Britney Spears និងស្វាមីថ្មី Sam Asghari បានចំណាយប្រាក់ជិត ១២លានដុល្លាអាមេរិកទិញវិមានថ្មីដ៏ស្កឹមស្កៃមួយនៅជិតអតីតស្វាមី ក្នុងទីក្រុង Calabasas រដ្ឋ California ។

ក្រោយពីរៀបការរួចភ្លាម គូស្វាមីភរិយាថ្មីថ្មោងបានសង្វាតទិញវិមានថ្មីសន្លាងក្នុងតម្លៃរហូតដល់ ១១.៨លានដុល្លារ ខណៈការចំណាយមួយនេះ សុទ្ធសឹងជាប្រាក់របស់ Britney Spears ទាំងអស់។

វិមានស្កឹមស្កៃដែល Britney និងស្វាមីទើបតែទិញក្ដៅៗនេះ ត្រូវបានសារព័ត៌មាន Daily Mail រាយការណ៍មកថា វាមានទំហំ ១១,៦៥០ ហ្វីតការ៉េ មានទីធ្លាធំទូលាយ និងអាងហែលទឹកមួយផងដែរ។ វិមាននេះមានកម្រាលឥដ្ឋថ្មម៉ាប រូបចម្លាក់ដ៏ប្រណិត និងចង្កៀងគោមភ្លឺរន្ទាល មិនចាញ់វិមានរបស់អភិជនល្បីៗលើលោកនោះឡើយ។ អ្វីដែលគួរឱ្យចាប់ជាងនេះ ផ្ទះថ្មីដែលទើបតែទិញបាន មានទីតាំងនៅជិតផ្ទះរបស់អតីតស្វាមី Kevin Federline ទៀតផង៕

ប្រែសម្រួល៖ សន្យា

ចុចអាន៖ មង្គលការ Britney Spear សុទ្ធតែតារាជួរមុខចូលរួម បែរគ្មានវត្តមានសាច់ញាតិសោះ