ដំណើរ​ស្វែងរក​បវរកញ្ញា​ចក្រវាល​កម្ពុជា – Kampuchea Thmey Daily
Connect with us

ជីវិតកម្សាន្ដ

ដំណើរ​ស្វែងរក​បវរកញ្ញា​ចក្រវាល​កម្ពុជា

Published

on

ដោយ​បង្ហាញ​ពី​ភាព​ឆើតឆាយ​របស់​ពួកគេ​នៅក្នុង​ឈុត​សម្លៀកបំពាក់​ពណ៌​ទឹកក្រូច បេក្ខជន​ផ្លូវការ​ទាំង​២០​នាក់ ​នៅក្នុង​កម្មវិធី​ប្រកួត​បវរកញ្ញា​ចក្រវាល​ក​ម្ពុ​ជា ​បាន​បង្ហាញ​មុខ​កាលពី​ម្សិលមិញ​នេះ​នៅ​ផ្សារ​ទំនើប Bridge Lifestyle Mall​។

កញ្ញា សារី​តា តំណាង​ឲ្យ​បវរកញ្ញា​ចក្រវាល​មក​ពី​រាជធានី​ភ្នំពេញ​បាន​ធ្វើ​ឲ្យ​អ្នកចូលរួម​ទះដៃ​អបអរសាទរ​បន្ទាប់ពី​ឆ្លើយ​សំណួរ​រួច​។ អ្វី​ដែល​គួរ​ឲ្យ​កត់សម្គាល់​នោះ​គឺថា អំឡុង​ពេល​ឡើង​ឆាក កញ្ញា​បាន​ថតរូប​ដោយ​ទំនុកចិត្ត​បើ​ប្រៀបធៀប​ទៅនឹង​បេក្ខជន​ចុងក្រោយ​ផ្សេងទៀត​។

តារា​សម្តែង​រូបនេះ​បាន​ទាក់ទាញ​អ្នកគាំទ្រ ដោយសារតែ​មុខមាត់​ដ៏​ស្រស់​ស្អាត​របស់​នាង​ក្នុងនាម​ជា​ជនជាតិខ្មែរ​ ប៉ុន្តែ​អ្នកគាំទ្រ​នៅតែ​គិត​អំពី​កម្ពស់​មិនសូវ​ជា​ខ្ពស់​ដែល​វា​ជា​កត្តាចាំបាច់​ក្នុង​ឆាក​អន្តរជាតិ​។

ចំណែក​កញ្ញា រក្សា មកពី​រាជធានី​ភ្នំពេញ​ក៏បាន​ទាក់ចិត្ត​អ្នកគាំទ្រ​ផងដែរ ដោយ​ពួកគេ​មាន​អារម្មណ៍​ថា មន្ត​ស្នេហ៍​និង​ភាព​ទាក់ទាញ​នៃ​ការ​ឆ្លើយ​សំណួរ​របស់​កញ្ញា​គឺជា​អ្វី​ដែល​ចៅក្រម​ដាក់​ពិន្ទុ​ពេញចិត្ត។

ទន្ទឹម​នេះ កញ្ញា ពិសី មកពី​ខេត្ត ព្រៃវែង ក៏​ជា​មនុស្ស​ដែល​គេ​ចាប់អារម្មណ៍​ផងដែរ​នៅក្នុង​កម្មវិធី​នេះ​នៅពេល​នាង​បង្ហាញ​ភាពសប្បាយ​រីករាយ​និង​ទាក់ទាញ​អំឡុងពេល​ដើរ។

ក្នុងចំណោម​ភ្ញៀវកិត្តិយស​ដែល​បាន​ចូលរួម​កម្មវិធី​នេះ​ គឺ​មាន​ម្ចាស់​គ្រង​មកុដ​ឆ្នាំ​២០១៧​កញ្ញា រឿន ណាត និង​កញ្ញា សំណាង អា​លី​ណា ដែលជា​ម្ចាស់​ការពារ​មកុដ​បវរកញ្ញា​ដោយ​អ្នក​ទាំងពីរ​សុទ្ធតែ​បាន​ចូលរួម​នៅ​បរទេស​តំណាង​ឲ្យ​ប្រទេស​កម្ពុជា​។

ខណៈ​ដែល​កម្មវិធី​ប្រកួត​បវរកញ្ញា​ជាតិ​និង​អន្តរជាតិ​ជាច្រើន​បាន​លុបចោល​និង​ពន្យារ​ពេលនោះ កម្មវិធី​ប្រកួត​បវរកញ្ញា​ចក្រវាល​ក​ម្ពុ​ជា​លើក​ទី​៤ នឹងត្រូវ​ធ្វើឡើង​នៅ​ថ្ងៃទី​១២​ខែវិច្ឆិកា​ហើយ​រាត្រី​បំពាក់​មកុដ​នឹងត្រូវ​ផ្សាយ​នៅ​ថ្ងៃទី​២៩​ ខែវិច្ឆិកា​តាម​ទូរទស្សន៍​ប៉ុស្តិ៍​បាយ័ន​។

លោក Romyr Libo-on ប្រធាន​អ្នក​រៀប​ចំ​កម្មវិធី​ប្រកួត​បវរកញ្ញា​ចក្រវាល​ក​ម្ពុ​ជា​បាន​និយាយ​ថា “​ដោយសារតែ​ជំងឺ​រាតត្បាត​កូ​វីដ​១៩ ផែនការ​ផលិតកម្ម​របស់​យើង​គឺ​ត្រូវ​ប្រកាន់ខ្ជាប់​នូវ​ពិធីសារ​សុវត្ថិភាព​ហើយ​យើង​អនុវត្ត​វិធានការ​ការពារ​សុខភាព​ដូចជា​គម្លាត​រាងកាយ​នៅ​ខាងក្រោយ​ឆាក ទស្សនិកជន​របស់​យើង​ក៏​មាន​កន្លែង​អង្គុយ​មានកំណត់ ហើយ​យើង​បាន​ចាត់ចែង​តែ​សកម្មភាព​ខាងក្រៅ​ ដែល​សំខាន់​និង​ពាក់ព័ន្ធ​ប៉ុណ្ណោះ​”​។

មុន​ពេល​ចូលរួម​ប្រកួតប្រជែង បេក្ខជន​នឹង​ចូលរួម​ក្នុង​សកម្មភាព​ផ្សេងៗ​ដើម្បី​ផ្សព្វផ្សាយ​អំពី​ព្រះរាជាណាចក្រ​ជាពិសេស​អំពី​ទីតាំង​ប្រវត្តិសាស្ត្រ​។

ខណៈ​ពេល​នៅសល់​ពីរ​បី​សប្តាហ៍​ទៀត​មុន​រាត្រី​បំពាក់​មកុដ​ចូល​មក​ដល់ បេក្ខជន​នឹង​មាន​ការប្រកួតប្រជែង​ដែល​កាន់តែ​រំភើប​និង​តានតឹង​ខណៈ​ប្រទេស​កម្ពុ​ជា​មាន​គោលបំណង​បន្ត​វត្តមាន​របស់ខ្លួន​ជា​អន្តរជាតិ​ដើម្បី​លើកកម្ពស់​សម្រស់​នារី​ខ្មែរ​និង​វប្បធម៌​របស់​ប្រទេស៕

ចុច Like Facebook កម្ពុជាថ្មី

ព័ត៌មានជាតិ3 mins ago

ជនសង្ស័យ​ម្នាក់​ល្បួង​រំលោភ​ក្មេងអតីតិជន​ ត្រូវ​សមត្ថកិច្ច​ឃាត់​ខ្លួន​

ព័ត៌មានជាតិ25 mins ago

បុរស​ម្នាក់​បើក​ម៉ូតូ​កោង​រេ​ចង្កូត​ទៅ​ប៉ះ​រថយន្តធំ បណ្ដាលឲ្យ​ដួល​បោក​ក្បាល​ស្លាប់​ម្នាក់​និង​របួស​ធ្ងន់​ម្នាក់​

ព័ត៌មានជាតិ44 mins ago

​សមត្ថកិច្ច​ឃាត់​ខ្លួន​ប្តី​ប្រពន្ធ​២នាក់ទៀត ពាក់ព័ន្ធ​នឹង​ការ​បាញ់​សម្លាប់​នាយរង​ការិយាល័យ

ព័ត៌មានជាតិ3 hours ago

សាលារៀន​ជិត​៧០​ហើយ​ត្រូវបាន​ប្រើប្រាស់​ជា​មណ្ឌល​ច​ត្តា​ឡី​ស័ក

ព័ត៌មានជាតិ4 hours ago

តុក្កតា​ខ្លាឃ្មុំ​ជា​ស្នាដៃ​ស្ត្រី​ក្រីក្រ ​ត្រូវ​បាន​ដាក់​លក់​នៅ​ណាហ្គា​វើ​ល​ដើម្បី​យក​ប្រាក់​ដោះស្រាយ​ជីវភាព​ប្រចាំថ្ងៃ

ព័ត៌មានពេញនិយម