ជីវិតកម្សាន្ដ

ទីបំផុត មិត្តប្រុសតួឯកស្រីក្នុងរឿង “សត្រូវមិត្ត” ប្រកាសសុំនាងរៀបការជាសាធារណៈ

បានផុស

៣ years មុន

នៅ

ថ្ងៃសុក្រ ២៤ មិថុនា ២០២២

ដោយ

ពិតជារឿងមួយដ៏គួរឲ្យភ្ញាក់ផ្អើលខ្លាំង ចំពោះតួឯកស្រីក្នុងរឿង “សត្រូវមិត្ត” ខណៈមិត្តប្រុសរបស់នាង ដែលត្រូវបានមហាជនស្គាល់ច្បាស់ថាជាមហាសេដ្ឋីប្រចាំប្រទេសថៃ ប្រកាសសុំរៀបការជាសាធារណៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មិត្តប្រុសរបស់តារាស្រី Patricia Good គឺលោក Note Wiset Rangsingsingpipat បានបង្ហោះរូបភាពគូស្នេហ៍ផ្អែមល្ហែម ដោយពាំនាំនូវភាពភ្ញាក់ផ្អើលដោយសុំតារាស្រីរូបនេះ រៀបការជាមួយគាត់ ហើយដាក់ខេបសិនយ៉ាងខ្លីថា “ជំពូកបន្ទាប់នៃជីវិតរបស់យើង .. 02.06.2022” ។

ក្នុងរូបភាពដ៏គួរឲ្យស្រលាញ់នេះ គេឃើញអនាគតកូនក្រមុំលើកដៃដែលបានបំពាក់ចិញ្ចៀនរៀបការ ទាំងទឹកមុខសប្បាយរីករាយខ្លាំង។ ជាពិសេសមានបងប្រុសរបស់ Note គឺលោក Knot Witsarut ស្វាមីរបស់ Chompoo Araya ក៏បានបង្ហោះរូបភាពអបអរសាទរគូស្នេហ៍នេះក្នុង IG និងចូលមកបញ្ចេញមតិ ដើម្បីស្វាគមន៍ប្អូនថ្លៃស្រីដោយសារខ្លី ប៉ុន្តែមានភាពកក់ក្តៅថា “សូមស្វាគមន៍មកកាន់គ្រួសារតូចរបស់យើង!”។

គួរបញ្ជាក់ថា គូស្នេហ៍នេះត្រូវបានគេដឹងថាទាក់ទងគ្នាជាង៣ឆ្នាំមកហើយ។ ខណៈមិត្តភក្តិក្នុងវិស័យកម្សាន្ត រួមទាំងអ្នកគាំទ្រចូលមកចុច Like និង Comment ដើម្បីអបអរសាទរអ្នកទាំងពីរ ព្រោះចាត់ទុកថាគូនេះ គឺជាគូដែលត្រូវដើរចូលដល់ទ្វារមង្គលការបន្ទាប់៕

ប្រែសម្រួល៖ សាង ស្រីល័ក្ខ

ចុចអាន៖ផ្ទុះការចាប់អារម្មណ៍ខ្លាំង រូបភាពតារាចាស់វស្សា Ann ស្លៀកឈុតអាពាហ៍ពិពាហ៍

ចុចអាន៖ក្រោយផ្ទុះការរិះគន់ដដែលៗ តារាសិចស៊ី ថៃ ចេញមុខបកស្រាយលើបទ “MAKE IT RAIN ( MONEY )”