អ៉ីវ៉ា ទម្លាយរឿងអតីតកាលជាមួយ កែវ វាសនា ធ្វើ ឲ្យអ្នកគាំទ្រស្រឡាំងកាំង

ភ្នំពេញ: តារាចម្រៀងស្រីរូបស្រស់កញ្ញា អ៉ីវ៉ា និងតារាប្រុសលោក កែវ វាសនា ត្រូវបានមហាជនរួមទាំងអ្នកគាំទ្របានដឹងហើយថាអ្នកទាំងពីរគឺជាតារាចម្រៀងរួមដំបូលផលិតកម្មសាន់ដេជាមួយគ្នា ខណ:ប្រជាប្រិយភាពនឹងការគាំទ្រមិនចាញ់គ្នាឡើយ។

ថ្វីត្បិតតែតារាចម្រៀងប្រុស-ស្រីទាំង២នាក់ជាតារារួមជំនាន់និងស្ថិតនៅក្រោមដំបូលសាន់ដេជាមួយគ្នាពិតមែនតែកន្លងមកគេមិនដែលសូវឃើញ អ៉ីវ៉ា និង កែវ វាសនា បង្ហាញនូវភាពស្និទ្ធស្នាលជាមួយគ្នាឡើយ។ប៉ុន្តែស្រាប់ពេលនេះស្រាប់តែ អ៉ីវ៉ា ទម្លាយរឿងដ៏ភ្ញាក់ផ្អើលធ្វើឲ្យមហាជនចាប់អារម្មណ៍និងភ្ញាក់ផ្អើលគ្រប់គ្នា។

ងាកមកមើលនៅលើគណនីហ្វេសប៊ុករបស់តារាចម្រៀងមានដើមកំណើតមកពីទឹកដីខេត្តកំពង់ស្ពឺ កញ្ញា អ៉ីវ៉ា ថ្មីៗនេះបានបង្ហោះរូបភាពមួយសន្លឹកថតរួមជាមួយតារាប្រុស កែវ វាសនា ភ្ជាប់សារខ្លីដូច្នេះថាអូសចុះអូសឡើងក៏ឃើញរូបនេះ ដៃគូដៃកង់ជំនាន់សក់ប៉ោង។ តាមរយ:រូបភាពនេះបានធ្វើឲ្យអ្នក គាំទ្រសរសើរចំពោះមិត្តភាពដ៏ល្អក្នុងនាមមិត្តភក្តិសិល្ប:រួមអាជីពការងារ។

ក្នុងនោះដែរក៏ឃើញមានអ្នកគាំទ្របញ្ចេញមតិបែបលេងសើចដែរថា ដៃគូរមាន baby មុនហើយនៅតែដៃកង់ទេ,ខ្លះទៀតថា ជំនាន់ហ្នឹង អ្នកណាមិនល្បី ចែអុីវ៉ា បងកែវ វាសនា។ សូមជម្រាបថា តារាចម្រៀងលោក កែវ វាសនា ពេលនេះកំពុងតែសាងសុភមង្គលស្នេហាជាមួយភរិយារូបស្រស់ដោយទទួលបានចំណងដៃកូនដ៏ស្រស់ស្អាតម្នាក់។ ចំណែកតារាស្រីកញ្ញា អ៉ីវ៉ា រហូតមកទល់ពេលនេះនាងនៅមិនទាន់មានតម្រុយស្នេហានៅឡើយទេ៕

អត្ថបទដោយ៖ ចាន់រ៉ា