ជីវិតកម្សាន្ដ
សាវតារមិនធម្មតារបស់បវរកញ្ញាចក្រវាលវៀតណាម ២០២២ នាង Nguyen Thi Ngoc Chau
មុនពេលគ្រងមកុដ Miss Universe Vietnam 2022 បវរកញ្ញា Nguyễn Thị Ngọc Châu ជាតារាម៉ូឌែលល្បីមួយរូបប្រចាំប្រទេស និងមានប្រវត្តិមកពីគ្រួសារក្រីក្រ ត្រូវរស់នៅកំព្រាឪពុក ដោយត្រូវប្រឹងរកប្រាក់ចិញ្ចឹមខ្លួនឯងតាំងពីនៅតូចៗ។

កាលពីរាត្រីថ្ងៃទី២៥ ខែមិថុនា ឆ្នាំ២០២២ វគ្គផ្តាច់ព្រ័ត្រនៃកម្មវិធីប្រកួត Miss Universe Vietnam 2022 បានបញ្ចប់ជាផ្លូវការហើយ និងបានរកឃើញម្ចាស់ជយលាភីជំនាន់ថ្មីរបស់ខ្លួនគឺបវរកញ្ញា Nguyễn Thị Ngọc Châu។
បើងាកទៅមើលសាវតារបស់បវរកញ្ញារូបនេះ ប្រភពពី Bestie បានឱ្យដឹងថា Ngọc Châu កើត និងធំធាត់ក្នុងគ្រួសារដែលមានជីវភាពមិនសូវល្អនោះទេ។ ចាប់កំណើតក្នុងឆ្នាំ១៩៩៤ នាងត្រូវឪពុកស្លាប់ចោលតាំងពីតូច នៅសល់តែម្ដាយជាអ្នកមើលថែកូនៗទាំង៣នាក់ ហើយចាប់ពីពេលនោះមក នាងត្រូវរៀនរស់នៅដោយឯករាជ្យ និងខិតខំធ្វើការរកប្រាក់ចិញ្ចឹមជីវិតទាំងនៅក្មេងខ្ចី។


ទោះបីមានស្ថានភាពគ្រួសារលំបាកយ៉ាងណាក៏ដោយ Ngọc Châu មិនបានឈប់រៀននោះទេ នាងនៅតែបន្តការសិក្សា ហើយនាងមានបំណងក្លាយជាតារាបង្ហាញម៉ូដតាំងពីតូចមកម្ល៉េះ។ រហូតដល់អាយុ ១៨ឆ្នាំ នាងបានចូលសិក្សានៅសកលវិទ្យាល័យដ៏ល្បីល្បាញមួយ នៅទីក្រុងហូជីមិញ។ នៅអាយុ ២២ឆ្នាំ បវរកញ្ញាចក្រវាលវៀតណាមរូបនេះ បានបញ្ចប់ការសិក្សាថ្នាក់បរិញ្ញាប័ត្រពីសាកលវិទ្យាល័យ Ton Duc Thang ។
នៅឆ្នាំ២០១៦ បវរកញ្ញា Ngọc Châu ធ្លាប់គ្រងតំណែងជាម្ចាស់ជយលាភីឯក ជាកំពូលតារាម៉ូឌែលរបស់ប្រទេសវៀតណាម ឬ Vietnam’s Next Top Model 2016 ហើយចាប់ពីពេលនោះកេរ្តិ៍ឈ្មោះរបស់នាងចាប់ផ្ដើមមានប្រជាប្រិយភាពក្នុងចំណោមមហាជន។

២ឆ្នាំបន្ទាប់ពីបានគ្រងមកុដក្នុងកម្មវិធីតារាបង្ហាញម៉ូដ បវរកញ្ញាវ័យ ២៨រូបនេះ បានចូលរួមប្រកួតប្រជែងក្នុងកម្មវិធី Miss Supranational Vietnam 2018 ហើយទទួលបានតំណែងឯក ក្លាយជាបវរកញ្ញាតំណាងប្រទេសវៀតណាម ទៅប្រកួតក្នុងកម្មវិធី Miss Supranational International 2019 និងបានឈ្នះពានរង្វាន់ Miss Supranational Asia ថែមទៀតផង។
ដោយទទួលបានភាពជោគជ័យយ៉ាងខ្លាំងនៅលើសង្វៀនសម្រស់ ក្នុងឆ្នាំនេះ Nguyễn Thị Ngọc Châu បន្តប្រឡងប្រជែងនៅក្នុងកម្មវិធីប្រកួតបវរកញ្ញាចក្រវាលវៀតណាម និងយកឈ្នះបេក្ខភាពបវរកញ្ញា ៤០រូបទៀត ក្លាយម្ចាស់ជយលាភីឯក Miss Universe Vietnam ឆ្នាំ២០២២។

ក្រោយឈ្នះមកុដ MUV ឆ្នាំនេះ មហាជនវៀតណាម នាំគ្នាអបអរសាទរនាងយ៉ាងពេញទំហឹង និងរំពឹងថា Nguyễn Thị Ngọc Châu អាចដណ្ដើមជ័យជម្នះនៅលើឆាកអន្តរជាតិ នាខែធ្នូខាងមុខនេះ៕












ប្រែសម្រួល៖ សន្យា
ចុចអាន៖ ហេង សុទ្ធនិស្ស័យ លំដាប់រងទី ១ Miss Universe Cambodia មានប្រវត្តិជោគជ័យមិនធម្មតា
ចុចអាន៖ ៦ ចំណុចធ្វើឲ្យ ហង្ស ម៉ានីតា គ្រងមកុដ Miss Universe Cambodia 2022
ចុចអាន៖ ឃើញរង្វាន់ Miss Universe Vietnam 2022 ទើបដឹងថា អស្ចារ្យប៉ុនណា

-
សន្តិសុខសង្គម១ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៧ ថ្ងៃ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?