ហ្វេនភ្ញាក់ផ្អើល ក្រោយឃើញសម្រស់ Fan Bingbing ស្រកទម្ងន់ជិត ១០គីឡូ

ទេពធីតាសម្រស់ប្រចាំប្រទេសចិន ហ្វាន ពីងពីង បង្ហាញសម្រស់ស្រកទម្ងន់ខុស​ពី​ធម្មតាប្រមាណជិត ១០គីឡូ ក្នុងរយៈពេលមួយសប្តាហ៍ ធ្វើឱ្យអ្នកគាំទ្រផ្ទុះការ​ភ្ញាក់ផ្អើលជាខ្លាំង។

ថ្មីៗនេះ នៅលើផេកផ្ទាល់ខ្លួន Fan Bingbing បានបង្ហោះវីដេអូខ្លីមួយអំពីប្រសិទ្ធភាពនៃវិធីសាស្ត្រសម្រកទម្ងន់ ដែលនាងអនុវត្តជាប្រចាំ។ តារាស្រីរូបនេះបានឱ្យដឹងថា នាងខ្លួនឯងកំពុងដាក់កំហិតលើរបបអាហារយ៉ាងតឹងរ៉ឹងក្នុងរយៈពេល ៧ថ្ងៃ ហើយបច្ចុប្បន្ននាងស្រកបាន ៧គីឡូក្រាម ដោយជោគជ័យ។

នៅក្នុងវីដេអូ ពីងពីង សារភាពថា ដើម្បីកម្ចាត់ជាតិពុលពីរាងកាយ ជារៀងរាល់ថ្ងៃ នាងទម្លាប់ដើរយឺតៗ ១០គីឡូម៉ែត្រ នៅកន្លែងហាត់ប្រាណ។ ទម្លាប់មួយនេះជួយឱ្យនាងសម្រកទម្ងន់យ៉ាងមានប្រសិទ្ធភាព។

ទោះយ៉ាងណា តារាស្រីវ័យ ៤១ឆ្នាំរូបនេះ មិនណែនាំឱ្យ​អ្នក​គាំទ្រ​​អនុវត្ត​វិធី​សម្រក​ទម្ងន់​ដូច​នាងនោះទេ ព្រោះមនុស្សម្នាក់ៗមានស្ថានភាពរាងកាយ និងសុខភាពខុសៗពីគ្នា។

ដោយឡែក អ្នកគាំទ្ររបស់​ ពីងពីង​ វិញ បាននាំគ្នាសរសើរសម្រស់របស់នាងមិនដាច់ពីមាត់ បើទោះបីជាមានវ័យជ្រេបន្តិចក្ដី តែនាងនៅតែរក្សាសម្រស់បានដូចយុវវ័យម្ភៃផ្លាយ ហើយមិនថាស្រកគីឡូច្រើនយ៉ាងណា សម្រស់របស់នាងមិនស្រកស្រុតសូម្បីបន្តិច៕

ប្រែសម្រួល៖ សន្យា

ចុចអាន៖ លេចឮពាក្យចចាមអារ៉ាម Fan Bingbing កំពុងទាក់ទងនាយកប្រតិបត្តិក្រុមហ៊ុនហិរញ្ញវត្ថុ

ចុចអាន៖ ដឹងមូលហេតុ នៃមរណភាពរបស់តារា ចិន ជើងចាស់ ៨ រូប ធ្លាប់សាងស្នាដៃល្បីរន្ទឺ