តួឯកស្រីឥណ្ឌាក្នុងរឿង “Gangubai Kathiawadi” មានផ្ទៃពោះកូនដំបូងហើយ

Alia Bhatt ដែលជាតួឯកស្រីក្នុងរឿង “Gangubai Kathiawadi” ​បានប្រកាសថាមាន​ផ្ទៃពោះ​កូន​ដំបូង​។ ខណៈ នាងបាន​រៀបការ​​ កាល​ពី​ពាក់​កណ្តាល​ខែ​មេសាឆ្នាំ ២០២២នេះ​​ ជាមួយលោក Ranbir Kapoor ជា​តារាល្បីដូចគ្នា។

ការ​ប្រកាស​ដំណឹង​មាន​ផ្ទៃពោះ​កូន​ដំបូង​នេះ Alia Bhatt បាន​បង្ហោះ​ចូល​បណ្ដាញ​សង្គម Instagram ផ្ទាល់ខ្លួន​របស់​នាង​ ដែល​មាន​អ្នក​តាមដាន​៦៦.៨លាននាក់​មក​ពី​ជុំវិញ​ពិភពលោក។ ក្នុង​​រូបភាព​ដែរ​ Alia Bhatty បាន​ទៅ​ឆ្លុះ​អេកូ​​​ អម​ដោយសំណេរ​ជា​ថា “កូនរបស់​យើង​ជិតបានឃើញពិភពលោកនេះហើយ”។

​ក្នុងនោះក៏មានការចូលរួមអបអរសាទរ ពី​រីករាយ​ពី​សំណាក់​តារា​ល្បីៗក្នុងប្រទេស រួមទាំង​អ្នក​គាំទ្រជាច្រើន ក្រោយបានឃើញនាងបង្ហោះពីក្ដីរំភើប ក្នុងនាមជាម្ដាយថ្មីថ្មោង។

គួរ​រំលឹក​ថា Alia Bhatt គឺជាតួឯកស្រីដែល​ដើរតួ​ជា​ជា​ស្ត្រី​ពេស្យាចារ​ដ៏​អស្ចារ្យ​​នៅទីក្រុង​បុមបៃ និងមាន​ឈ្មោះ​ថា Gangubai។ ទន្ទឹមនោះ ​ខ្សែ​ភាពយន្ត​​នៃប្រវត្តិសាស្ត្រឥណ្ឌានេះ​​​ បានល្បី​ទូទាំងអាស៊ី រហូតធ្វើឲ្យតារាថៃនិងតារាកម្ពុជា​ ​នាំគ្នាស្លៀកពាក់សារី តាមតួឯកស្រីថែមទៀតផង៕

ប្រែសម្រួល៖ សាង ស្រីល័ក្ខ

ចុចអាន៖ជីវប្រវត្តិតួឯកប្រុសក្នុងរឿង “ជីវិតស្រ្តីមេផ្ទះ” មុនពេលបាត់បង់ជីវិត ពីវិស័យភាពយន្តឥណ្ឌា