ជីវិតកម្សាន្ដ

នាយ ក្តឹប និងកូន ប្រកាសលក់ផ្ទះដោះបំណុលគេសាជាថ្មី

បានផុស

៣ years មុន

នៅ

ថ្ងៃពុធ ២៩ មិថុនា ២០២២

ដោយ

ស្របពេលដែលខ្លួនកំពុងមានជំងឺដេកដួលនៅលើកន្ទេលគួរឲ្យអាណិតខ្លាំង តារាកំប្លែងនាយ ក្តឹប និងកូនជាថ្មីម្តងទៀតបានសម្រេចចិត្តប្រកាសលក់ផ្ទះបន្ទាន់ ដើម្បីយកប្រាក់សងបំណុលគេក្នុងពេលដែលជំងឺរបស់នាយបន្តយាយីអស់រយៈពេលជាច្រើនឆ្នាំកន្លងទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំណឹងនៃការប្រកាសដាក់លក់ផ្ទះបន្ទាន់របស់តារាកំប្លែងជើងចាស់នាយ ក្តឹប យ៉ាងប្រញាប់បែបនេះ គឺខណៈពេលដែលលោក និងក្រុមគ្រួសារជួបការលំបាកហើយខ្វះខាតប្រាក់ ដើម្បីដោះបំណុលគេក្នុងទំហំទឹកប្រាក់រាប់ម៉ឺនដុល្លារ។ ម្យ៉ាងទៀតបើនាយមិនលក់ផ្ទះនេះទេ ធនាគារអាចនឹងរឹបអូសលក់ផ្ទះឡៃឡុងជាមិនខាន។

ជាមួយគ្នានេះ បើយោងតាមការបញ្ជាក់ពីលោក អ៊ឹម ជីវ៉ា គ្រាទៅសួរសុខទុក្ខនាយ ក្តឹបបានរៀបរាប់ថា អាណិតគាត់ណាស់តារាកំប្លែងនាយក្តឹប និងកូនសំណូមពរតាមរយៈខ្ញុំបាទថា សូមជួយគាត់ផង គាត់តារាកំប្លែងនាយក្តឹបចង់លក់ផ្ទះសងបំណុលគេ បើបងប្អូនណាទិញ ចង់ទិញផ្ទះជួយទិញគាត់ផង។

ប្រភពបានបន្តទៀតថា ផ្ទះគាត់នៅខាងជើងវត្តខ្ទរ ខណ្ឌជ្រោយចង្វា គាត់ថា សូមជួយគាត់ផងគាត់ជំ ពាក់គេច្រើនណាស់គាត់រកអី្វមិនបានគាត់ខ្ចីគេ ដោយសារយកលុយទៅព្យាបាលជំងឺពេលនេះគាត់អស់លទ្ធភាពហើយ។

សូមជម្រាបដែរថាតារាកំប្លែងនាយ ក្តឹប បានបោះបង់និងបញ្ចប់អាជីពជាតារាកំប្លែងទាំងស្រុងបន្ទាប់ពីមានជំងឺប្រចាំកាយស្លាប់មួយចំហៀង ដែលបណ្តាលមកពីជំងឺលើសឈាមព្រមទាំងជំងឺទឹកដក់ក្នុងសួត ទឹកនោមផ្អែម ដាច់សរសៃឈាមខួរក្បាល និងខ្វះឈាមក្នុងបេះដូងជាដើម៕

អត្ថបទ៖ ចាន់រ៉ា