Taylor Swift លួចភ្ជាប់ពាក្យជាមួយមិត្តប្រុសស្ងាត់ៗ

បើតាមប្រភពពីកាសែត Daily Mail  នៅថ្ងៃនេះ បានឱ្យដឹងថា តារាចម្រៀង Taylor Swift បានលួច​ភ្ជាប់​ពាក្យស្ងាត់ៗ​ជាមួយ​មិត្ត​ប្រុសជនជាតិអង់គ្លេស Joe Alwyn ​បន្ទាប់ពីអ្នកទាំងពីរបានទាក់ទងគ្នាអស់រយៈពេលជាង ៥​ឆ្នាំ។

ប្រភពដដែលបន្តថា តារាចម្រៀងវ័យ ៣២ឆ្នាំរូបនេះ មិនបានបញ្ចេញរូបថតពិធីភ្ជាប់ពាក្យសូម្បីមួយសន្លឹកឡើយ ប៉ុន្តែគេប្រទះឃើញនាងពាក់ចិញ្ចៀនភ្ជាប់ពាក្យនៅនឹងដៃនាង ទើបបណ្ដាញព័ត៌មានព្យាយាមជីកកកាយអំពីរឿងនេះ។

បើតាមប្រភពពីអ្នកជិតស្និទ្ធរបស់ Taylor បានឱ្យដឹងថា ដំណឹងដែលលេចឮមកនេះគឺជារឿងពិត ហើយថា Taylor និងមិត្តប្រុសបានភ្ជាប់ពាក្យជាមួយគ្នាតាំងពី ២-៣ខែមកម្ល៉េះ ប៉ុន្តែមានតែក្រុមគ្រួសារ និងជាមិត្តជិតដិតប៉ុណ្ណោះដែលចូលរួម។ អ្នកជិតស្និទ្ធរូបនោះបន្ថែមថា ការដែល Taylor រៀបចំពិធីយ៉ាងសម្ងាត់បែបនេះ ដោយសារនាងចង់គេចមុខពីប្រព័ន្ធផ្សព្វផ្សាយ។

ទោះយ៉ាងណា រឿងនេះពិតឬមិនពិត សាមីខ្លួនមិនទាន់ចេញមុខមកបញ្ជាក់នៅឡើយទេ។ ដូច្នេះយើងមានតែរង់ចាំតាមដានទាំងអស់គ្នា៕

ប្រែសម្រួល៖ សន្យា

ចុចអាន៖ តាមពិតចំណូល-ចំណាយធំៗរបស់ Taylor Swift គឺបែបនេះសោះ

ចុចអាន៖ ៩ អាថ៌កំបាំងធ្វើឲ្យ Taylor Swift ជោគជ័យខ្លាំងដល់​បច្ចុប្បន្ន