ប្រជាជន ថៃ សម្រុកមើលប្រវត្តិអនាគតកូនក្រមុំ Weir ក្រោយល្បីថា មានទេពកោសល្យអស្ចារ្យ

បន្ទាប់ពី Weir បានចេញមុខបកស្រាយ​ច្បាស់ៗថា លោកពិតជារៀបការខែនេះ។ ភ្លាមៗនោះដែរ ​អ្នកគាំទ្រក្នុង​ប្រទេស​ថៃ​ ​នាំគ្នាសម្រុក​ចូល​មើល​ជីវប្រវត្តិ​​ Vicky ​នារីដែល​យក​បាន​បេះដូង​របស់ Weir ។

ទន្ទឹមនោះ បន្ទាប់ពីប្រកាសដំណឹង​ត្រៀម​រៀបការ​ជាមួយមិត្តស្រីក្រៅរង្វង់សិល្បៈ នៅ​ថ្ងៃ ១៧​ ខែកក្កដា​នេះ ក្នុង​ទីក្រុង​បាងកក Weir Sukolwat បាននិយាយដែរថា​​​​ ស្នេហា​លើក​នេះ​គឺ​ល្អ​បំផុត។ ម្យ៉ាងវិញទៀត លោកក៏មានអាយុច្រើនគួរសម ហើយក៏ដល់ពេលវេលា ដែលត្រូវប្រកាសនិងត្រៀមខ្លួនហើយដែរ។

នៅក្នុងព្រឹត្តិការណ៍នេះ បានធ្វើឲ្យអ្នកគាំទ្រ រួម​ទាំង​មិត្តភ័ក្ដិ​ក្នុង​វិស័យ​នេះ​ ​បាន​ចេញ​មក​អបអរ​សាទរ​យ៉ាង​ច្រើន​លើសលប់។ ដូចគ្នាដែរ ចំពោះ​និន្នាការ​អនឡាញ ផ្តោតលើ Vicky ដែលជាកូនក្រមុំដ៏​ស្រស់ស្អាត បន្ទាប់ពី​មុន​នេះ មាន​ឃ្លីបមួយ បង្ហាញពី​ជំនាញនិយាយ ៤ភាសា ធ្វើឲ្យអ្នកគាំទ្រហាក់ភ្ញាក់ផ្អើល​យ៉ាង​ខ្លាំង ជាមួយនឹង​សមត្ថភាពរបស់​នាង។

អ្វីដែលពិសេសនោះគឺ កាលពីពេលថ្មីៗនេះ នៅក្នុង TikTok អ្នកគាំទ្របានធ្វើឃ្លីប ដើម្បីចែករំលែកនូវសម្រស់ និងទម្រង់ដ៏ស្រស់ស្អាតរបស់ Vicky ។ មានព័ត៌មានខ្លះបានបញ្ចាក់ថា ​នាង​រៀន​ចប់​មកពី​បរទេស មានជំនាញពហុភាសា និង​ជា​អតីត​អ្នក​បម្រើការ​លើ​យន្តហោះ។ បច្ចុប្បន្ន​អនាគតភរិយារបស់​ Weir ជា​នាយក​ប្រតិបត្តិ​ក្រុមហ៊ុន​កែសម្ផស្ស​មួយ​ និងធ្វើអាជីវកម្មជា​ច្រើនទៀតក្នុងប្រទេស ខណៈអ្នក​និយម​លេង​អ៊ីនធឺណិត​ម្នាក់ ​បាន​បញ្ចេញ​មតិ​ថា​ គាត់​ស្អាត​ខ្លាំង និង​ជាអ្នកមានលុយពាន់​លានថែមទៀតផង៕

សូមទស្សនាវីដេអូខាងក្រោម៖

ប្រែសម្រួល៖ សាង ស្រីល័ក្ខ

ចុចអាន៖ច្បាស់ការហើយ Weir ចេញមុខបកស្រាយ គ្រោងរៀបការខែនេះ

ចុចអាន៖Bella ឆ្លើយធម្មតា ក្រោយអ្នកសារព័ត៌មានចោទសួររឿង Weir ត្រៀមរៀបការឆាប់ៗ