Chris Brown ឡើងអង្រួនឆាកតន្ត្រីអង់គ្លេស លើកដំបូងក្នុងរយៈពេល ១២ឆ្នាំ ក្រោយជាប់បម្រាម

Chris Brown បានឡើងឆាកនៅឯមហោស្រពចក្រភពអង់គ្លេស ជាលើកដំបូងរបស់ខ្លួនក្នុងរយៈពេល ១២ឆ្នាំ កាលពីថ្ងៃសុក្រ បន្ទាប់ពីត្រូវបានបដិសេធ ចូលប្រទេសក្នុងឆ្នាំ ២០១០។

តារាចម្រៀងវ័យ ៣៣ឆ្នាំរូបនេះ ត្រូវបានប្រកាសកាលពីខែមុនថា ជាតារាឈានមុខម្នាក់ក្នុងមហោស្រព Wireless។ រឿងនេះកើតឡើងជាង ១០ឆ្នាំ បន្ទាប់ពីគាត់ត្រូវបានគេបានហាមប្រាម មិនឲ្យចូលចក្រភពអង់គ្លេសក្នុងឆ្នាំ ២០១០ ក្រោយមានការចោទប្រកាន់ថា គាត់បានវាយតប់អតីតមិត្តស្រី Rihanna ក្នុងកម្មវិធី Grammys កាលពីឆ្នាំ ២០០៩។

Chris បានអង្រួនឆាកតន្ត្រី ដោយពាក់អាវ Hoodie ពណ៌ផ្កាឈូក ជាមួយនឹងពាក្យថា “I got lucky” ពណ៌ស ស្លៀកខោខូវប៊យពណ៌ខៀវ និងពាក់ស្បែកជើងពណ៌ ស។ លើសពីនេះ Chris បានលេងម៉ូដសក់ពណ៌ស ថែមឆ្នូតពណ៌ខៀវទៀតផង។

តាមសេចក្តីរាយការណ៍មុននេះបានឲ្យដឹងថា ទិដ្ឋាការរបស់តារារ៉េបរូបនេះ សម្រាប់ការចូលប្រទេសអង់គ្លេសត្រូវបានបដិសេធ ដោយសារតែគាត់ប្រព្រឹត្តបទឧក្រិដ្ឋធ្ងន់ធ្ងរ និងត្រូវបានបញ្ជាឲ្យអនុវត្តសេវាសហគមន៍៕

ប្រែសម្រួល៖ សន្យា

ប្រភព៖ Daily Mail

ចុចអាន៖ កន្លែងកម្សាន្ត ដែលបុគ្គលល្បីៗនិយមទៅដើរលេង ពេលវិស្សមកាល