ជីវិតកម្សាន្ដ

លោក អ៉ិន សុភិន ចេញមកបញ្ជាក់ភ្លាមៗក្រោយជនជាតិបរទេសទម្លាយរឿងមិនបើកប្រាក់ខែ

បានផុស

៣ years មុន

នៅ

ថ្ងៃពុធ ៦ កក្កដា ២០២២

ដោយ

ក្រោយពីមានការទម្លាយដំណឹងដ៏រសើបពីសំណាក់គ្រូបង្វឹកជនជាតិបរទេសម្នាក់នូវរឿងរ៉ាវដែលថា ថៅកែផលិតកម្មមហាហង្ស គឺលោក អ៉ិន សុភិន ជួលធ្វើការមិនឱ្យប្រាក់ខែខ្លួននោះ ពេលនេះលោក អ៉ិន សុភិន បានចេញមកប្រតិកម្មដោយច្រានចោលការចោទប្រកាន់នោះថា ជារឿងមិនពិតទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៉ិន សុភិន បានចេញមកបញ្ជាក់ថា លោកគ្មានពាក់ព័ន្ធនឹងរឿងជំពាក់លុយកាក់ជនបរទេសណាទេ ដោយលោកចាត់ទុកថា ជនបរទេសម្នាក់នោះបានបោកប្រាស់សេចក្ដីទុកចិត្តរបស់ក្រុមការងារទៀតផង។ ម្យ៉ាងទៀតលោកក៏បានប្រកាសស្វែងរកមុខជនបរទេសរូបនោះ ដើម្បីដោះស្រាយជុំវិញករណីនេះ។

លោក អ៉ិន សុភិន បាននិយាយដោយបង្ហាញការមិនសប្បាយចិត្តថា “ខ្ញុំសូមប្រកាសថា ជនបរទេសម្នាក់នេះ ចូលចិត្តមករំខានក្នុងការងាររបស់ខ្ញុំ ហើយសូមបញ្ជាក់ថា វាជាជនបរទេសម្នាក់បានបោកប្រាស់នូវសេចក្ដីទុកចិត្តរបស់ក្រុមការងារ ហើយក៏គ្មានអ្វីពាក់ព័ន្ធនឹងរឿងលុយកាក់ដែរ យើងបានហៅជននេះមកជួបប៉ូលិសដែរ តែវាមិនចូលមកជួបទេ។

ថៅកែផលិតកម្មមហាហង្សរូបនេះ ក៏បានប្រកាសពីការស្វែងរកមុខជនបរទេសខាងលើទៀតថា បើជួបជនបរទេសនេះកន្លែងណា សូមជួយផ្ដល់ព័ត៌មានមក Telegram 012 22 21 14 ព្រោះលោកកំពុង តែរកមុខផង។ សូមជម្រាបថា ថ្មីៗនេះមានការភ្ញាក់ផ្អើលមួយក្រោយផ្ទុះរឿងអាស្រូវរបស់លោក អ៉ិន សុភិន ដែលត្រូវជនបរទេសម្នាក់ទម្លាយរឿងជួលធ្វើការមិនឱ្យប្រាក់ខែខ្លួនចំនួន ៣ ខែ។ ប៉ុន្តែដំណឹងនេះ ត្រូវបានលោក អ៉ិន សុភិន ចេញមុខបដិសេធភ្លាមៗនៅថ្ងៃនេះ៕