ហ្វេនចំហមាត់ ក្រោយដឹងតម្លៃរថយន្តរបស់តារាកូរ៉េ ៦រូបនេះ

ក្រៅពីមានឥទ្ធិពលនៅក្នុងវិស័យតន្ត្រីកូរ៉េ តារាប្រុសស្រី ៦រូប គឺជាម្ចាស់ទ្រព្យសម្បត្តិមហាសាល ព្រមទាំងជាម្ចាស់រថយន្តទំនើបតម្លៃរាប់លានដុល្លារផងដែរ។

G-Dragon អតីតសមាជិក Big Bang

ឆ្លងកាត់បទពិសោធន៍ជាង ១០ឆ្នាំ ក្នុងវិស័យតន្ត្រី G-Dragon ក្លាយជាស្តេច K-pop ដ៏ពេញនិយម។ ដោយសារចំណូលយ៉ាងច្រើនសន្ធឹកសន្ធាប់ពីវិស័យនេះ ​G-Dragon រស់នៅក្នុងជីវិតដ៏ស៊ីវិល័យ រហូតហ៊ានចំណាយប្រាក់ទាំងដៃៗ ទិញសម្ភារសម្ញែងមហាជន។

ថ្មីៗ​នេះ G-Dragon ​បាន​ធ្វើ​ឲ្យ​អ្នក​គាំទ្រ​ភ្ញាក់ផ្អើល​ជា​ខ្លាំង​ ក្រោយ​ទិញ​រថយន្ត​ទំនើប​មួយ​គ្រឿង​ ដែល​មាន​តម្លៃ​រហូត​ដល់ ២.៥លាន​ដុល្លារ។ មុនពេលទិញរថយន្តថ្មីនេះ លោកបានទិញផ្ទះមួយខ្នងក្នុងតម្លៃ ១៣.១លានដុល្លារឯណោះ។

Jennie សមាជិក BLACKPINK

G-Dragon មិន​មែន​ជា​តារា​តែ​ម្នាក់​ដែល​សម្ញែងប្រាក់​ទិញ​រថយន្ត​ទំនើប​នោះទេ តារាស្រីស្រករក្រោយ Jennie សមាជិកក្រុម BLACKPINK ក៏ជាអ្នកមានទ្រព្យស្ដុក ហ៊ានចាយប្រាក់ទិញរថយន្តទំនើបតម្លៃរាប់លានដុល្លារផងដែរ។ រថយន្តរបស់ Jennie កំពុងជិះពេលនេះមានតម្លៃប្រមាណ ២.៩លានដុល្លារ។

Jeon Somi

ថ្វីត្បិតតែនៅក្មេងក៏ដោយ ប៉ុន្តែទ្រព្យសម្បត្តិរបស់ Jeon Somi ធ្វើឱ្យមនុស្សគ្រប់គ្នាស្ងើចសរសើរជាទីបំផុត។ ក្នុងវ័យ ២២ឆ្នាំ នាងធ្វើឱ្យសាធារណជនភ្ញាក់ផ្អើលមិនស្ទើរ បន្ទាប់ពីក្លាយជាម្ចាស់រថយន្តទំនើបដែលមានតម្លៃជាង​ ៧០ម៉ឺនដុល្លារ។

Mino សមាជិក WINNER

ក្នុងនាមជាសិល្បករពហុជំនាញ Mino មានប្រភពចំណូលជាច្រើនពីការផ្សព្វផ្សាយម៉ាកយីហោ និងនិពន្ធបទភ្លេង។ មូលហេតុនេះ លោកជាប់ចំណាត់ថ្នាក់ជាតារា K-pop ហាយសូរមួយរូប ក្នុងចំណោមអ្នកសិល្បៈកូរ៉េ។ អ្វីដែលធ្វើឱ្យអ្នកគាំទ្រស្រឡាំងកាំងមិនធម្មតា គឺ Mino អាចទិញឡានដោយខ្លួនឯងក្នុងតម្លៃជាង ៤២ម៉ឺនដុល្លារ។

Dara អតីតសមាជិក 2NE1

តារាស្រីរូបស្អាត Dara ធ្លាប់មានរថយន្តទំនើបៗដល់ទៅ ៣គ្រឿង ដែលមានតម្លៃកប់ខ្លាំង។ ម៉ូដរថយន្តនីមួយៗរបស់ Dara ​​មាន​តម្លៃចន្លោះពី ៥ម៉ឺនដុល្លារ ទៅ ១៧ម៉ឺនដុល្លារ។

Hyoyeon សមាជិក SNSD

តារាស្រីនៃក្រុម SNSD កញ្ញា Hyoyeon ក៏ជាម្ចាស់រថយន្តទំនើបម្នាក់ផងដែរ នៅក្នុងសង្គមសិល្បៈកូរ៉េ។ ជាមួយនឹងប្រាក់ចំណូលយ៉ាងច្រើនជារៀងរាល់ឆ្នាំ នាងក្លាយជាម្ចាស់រថយន្តតម្លៃប្រមាណ ៣០ម៉ឺនដុល្លារ៕

ប្រែសម្រួល៖ សន្យា

ចុចអាន៖ ក្រោយបញ្ចាំងចប់ ៥ឆ្នាំ អតីតតួឯកស្រី “សិស្សឆ្នើមកំពូលល្បិច” មានស្ថានភាពយ៉ាងណាហើយ?