ជីវិតកម្សាន្ដ

តា វ៉ិចទ័រ និងក្រុមកំប្លែង ត្រៀមបញ្ចេញស្នាដៃនៅទ្រនំថ្មី ក្រោយចាកចេញពី CTN

បានផុស

២ years មុន

នៅ

ថ្ងៃព្រហស្បតិ៍ ៧ កក្កដា ២០២២

ដោយ

ថ្មីៗនេះមានការភ្ញាក់ផ្អើលខ្លាំងបន្ទាប់ពីផលិតករកម្មវិធីកម្សាន្តដ៏ឆ្នើមលោក សុវណ្ណ រិទ្ធី ហៅលោកតា វ៉ិចទ័រ និងក្រុមកំប្លែងទាំងមូលបានប្រកាសសម្រេចចាកចេញពីស្ថានីយទូរទស្សន៍ CTN ដែលជាទីកន្លែងធ្លាប់សាងកេរ្តិ៍ឈ្មោះល្បី ក្នុងអាជីពសិល្បៈជាច្រើនឆ្នាំកន្លងទៅនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញក្រោយការចាកចេញរបស់ក្រុមកំប្លែងខាងលើនេះ ក៏មានទស្សនិកជន និងអ្នកគាំទ្រមួយចំនួនធំបានសម្តែងការសោកស្តាយហើយមានខ្លះទៀតចង់ដឹងដែរថា តើបន្ទាប់ការដើរចេញពីCTN លោកតា វ៉ិចទ័រ និងក្រុមកំប្លែងទាំងមូលនៅតែបន្តការផលិតជាក្រុមរបស់ខ្លួនផ្ទាល់ ឬចូលទូរទស្សន៍ក្នុងស្រុកណាមួយ?។

ទាក់ទងនឹងបញ្ហានេះដែរ លោកតា វ៉ិចទ័រ បានថ្លែង ប្រាប់កម្ពុជាថ្មីនៅព្រឹកថ្ងៃទី ០៧ ខែកក្កដា ឆ្នាំ ២០២២ ថាបន្ទាប់ចេញពីស៊ីធីអ៊ិនពេលនេះ លោកព្រមទាំងក្រុមកំប្លែងទាំងមូលបានចូលធ្វើការងារកន្លែងថ្មីហើយ ប៉ុន្តែពុំមែនជាស្ថានីយទូរទស្សន៍ទេពោល គឺជាក្រុមហ៊ុនផ្សាយពាណិជ្ជកម្មជាមួយទូរទស្សន៍។ លោក តា វ៉ិចទ័រ បញ្ជាក់ថា ក្រុមហ៊ុនធំដែលលោក និងសមាជិកក្រុមចុះកុងត្រានេះមានឈ្មោះថា MSA។

លោកតា វ៉ិចទ័រ បន្តទៀតថា”ខ្ញុំនិងក្រុមការងារបានកុងត្រារយៈពេលយូរអង្វែងហើយខ្ញុំនៅតែបន្តការផលិតកម្មវិធីកម្សាន្តដដែលក្នុងនោះ គឺមានកម្មវិធីកម្សាន្ត មានកំប្លែងនិងមានភាពយន្តជាដើម”។លោកបន្ថែមថា ក្រោយចុះកុងត្រាបច្ចុប្បន្នលោកកំពុងផលិតស្នាដៃថ្មីៗជាច្រើន ដើម្បីត្រៀមបញ្ចេញឆាប់ៗនេះពោល គឺអាចអំឡុងខែក្រោយ។ ថ្វីត្បិតយ៉ាងលោកតា វ៉ិចទ័រ នៅតែបង្ហាញការដឹងគុណ និងអរគុណដល់ក្រុមហ៊ុនCBS ព្រោះបានផ្តល់ឱកាសការងារដល់លោកព្រមទាំងបានបណ្តុះបណ្តាលបងប្អូនជាច្រើនឲ្យមានប្រជាប្រិយនិងមានជីវភាពធូរធាររហូតដល់ថ្ងៃនេះ៕